الى الاخت مريم الصابرة تم حل المشكلة

عنوان الموضوع : الى الاخت مريم الصابرة تم حل المشكلة
مقدم من طرف منتديات العندليب

يا من رديتو ببعض القساوة بعض شيء اولا قلت 40 سنة ويحسن العون مازالو لحد الان يخطبوها وهي رافضة انا واش نديرلها هي راهي تتشرط
ثانيا انا ابدا ما قلت تروح وتسكن مع خوها الوسطاني يعني هي رافضتني قتلو خرج وخلي خوها يزوج هو ليقعد فالدار ما كانت نيتي نفرق بين الخاوا
ثالثا نقول للاخت كل واحد يخدم وحدوا وترفضي تخدمك مرت خوه انا عمرها ماخدمتي عادي كنا نتقاسمو الخدمة كنت حتى كي نغسل حوايج نرفد حتى حوايجها وحوايج خوها ونغسلهلم وكي شريت غسالة وجيت نقولها كيفاش تخدمي بيها ردت عليا بواحد النبرة الخشنة ما نغسلش فيها كي تروح وتظيف نغسل حوايج خوها حتى ملابسو الداخلية وبارح تهدر مع خوها وتقولو جيب من فاميلا وما تتزوجش من بنات الزنقة يجو يحكمو كون بنت الزنقة انا صح كون فرجت ولا قلت لخوها بصح وكلت امري لله قولو هذه هدرة تاع وحدة عاقلة واخت الي قسيتي عليا بعض الشيء علابالي راكي لوسة وكاين مرت خوك وانا جامي شكيتلو وقتلو واش راهي دير وجامي كنت نقبل عليها هو كان يغضب منها وانا نهديه ونقولو معليش اختك الكبيرة وساعفها وعمري نيتي مانفرق بين الخاوا هذاك اليوم صرات قدامو وانا نقول اذا كنت ظالمة يجي نهار وربي يخلص مني وعلابالي بلي مانيش ظالمة برك ضميري يقعديفكر بلاك درت حاجة بصح ربي راهو شاهد ومانقول والو غير حسبيا الله ونعم الوكيل قراو موضوع لم اجد من الجأ اليه لا تمرو على موضوعي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
اختي انا متابعة لقصتك وسبق لي أن وضعت ردا في الموضوع الأول
الأن بعد أن تطورت الامور هكذا أرى انها في صالحك وحان الوقت انك تباني بنت فاميليا
شوفي في موضوعك الثاني رأي الأخ أبو عبود فبصفته رجل يرى الأمور كما قال في رده وانا اشاركه الراي
انتي أطبخي واغسلي عادي جدا واعملي للجميع هي أما ترجع معاك عادي أو ستمل وتطالب بالقسمة يعني انت متزيديش تتكلم على هاذ النقطة بالذات لانها رايحة تكون ضدك حتى من جهة زوجك
اخت زوجك يبدو أنه فيه أطراف أخرى تحرضها وهي بدورها تحرض في أخوها الصغير
الكلام هذا إذا عندك طاقة للصبر وهو المناسب لك وأما اعمل جلسة عايلية في بعضكم وتوقع المواجهة واش كان وعلاه ولماذا الخ ربما تصفاالقلوب أو توقع القسمة اللي راكي باغيتها
ربي يعينك

__________________________________________________ __________

>>>> الرد الثاني :

السلام عليكم اختي
اولا انا نصحتك بإعتبارك أصغر منا وطلبت مشورة
وثانيا اختي ربي اللي عالم واش كاين بيناتكم انا لا دخل لي انا رديت حسب كلامك وموضوعك إنت قلت باللي ما تحبش نغسللها الماعن قتلك خليها براحتها كل وحدة تحب تخدم نفسها المعنى اختي خليك بعيدة عليها معليش مهما كان اخت راجلك وكبيرة عليك خليك إنت خير منها وتكوني محضر خير
وقلت باللي قلت لراجلك بيعو الدار او تروح تعيش مع خوها القصد يا اختي إنو امورهم نتاع وراثة ما تدخليش فيها حتى ما تديش طنب تفريق الخاوة اخي فرقي بين نصيحة وبين إتهام انا ما تهمتكش أختي انا نصحتك ما نحبش نحكي في امر ما نعرفش الامور هذي وإنت اللي حكيتي ووعلاه توكلي علينا ربي جينا ننصحو ولينا في مشكل على كل أختي السماح منك المهم نصحتك لوجه الله كنت صريحة



__________________________________________________ __________

>>>> الرد الثالث :

اختي ماشي انتي الي وكلت ربي عليك انتي واش درتيلي قراي مليح وتمعني في كلامي قلت الي ظلموني يبدو انك تفهمي الكلام بالعكس الله يهديك اختي وسمحيلي

__________________________________________________ __________

>>>> الرد الرابع :

أختي الله يهديك الأخت مريم الصابرة قالت لي كان لازم ينقال

ولا مانيش فاهمة علاه ما تتقبلوش الكلام الصائب

__________________________________________________ __________

>>>> الرد الخامس :

يا ختي خليها تفهم الكلام مليح ثم ترد ولا تمر عليه مرور الكرام وانا ندمت لاني حكيت قصتي كون غير خليتها في قلبي كان احسن وايام داوي لجراح سمحــــــــولي
واحد ما لقاهاش حتى في ناس ما شافهومش كيما قاتلي جدتي الله يرحمها يا بنتي انتي قدما ديري للناس ما يستعرفوش بيك ربي كاتبك هكذا وانا شاء مكتوبي عند الله العباد ما يرحموش