لم اطلب الكثير تم حل المشكلة
عنوان الموضوع : لم اطلب الكثير تم حل المشكلة
مقدم من طرف منتديات العندليب
السلام عليكم
عانيت من مشاكل في زواجي واصبحت مهدمة نفسيا الان من اين ابدا واحكي
انا الان على ابواب الطلاق
لم اطلب سوى ان احترم كامراة اعزها الاسلام
من شخص كنت احسبه متدينا ملتزما
كما يبدو ظاهره
جرت مشاكل لاتفه الاسباب
ولكنها تكبر
قولو فقط ماذا افعل اكثر مما فعلت
في بداية زواجنا استلفنا مبلغ مالي من عند اهلي كي نشتري بيتا قيمة تقريبا اربعمائة مليون وهذا اتفقنا عليه قبل الخطبة وزوجي لشدة توقه للعيش في منزل خاص به ويعدله كما يشاء بدا بتنفيذ الفكرة بعد الزواج مباشرة لانه يعمل في بناء فيلات وقصور وعاش طول حياتو في فقر حب يحقق حلمو
المهم على نيتي طلبت من اهلي المبلغ وسلفونا ولكنه لا يكفي فبعت ذهبي وانا عروس مشفيتش حتى كيفاه مداير وباع سياراتو لتنين وشرينا شقة
هو قال لي انو يستطيع ان يسلك دين اهلي ويعاود يريب البيت من الساس ويعاودو كشقة فخمة
ودخل في متاهة من الديون وعاد يكمل في البيت ويحط فيه اغلى الاشياء المهم اهلي مقالولوش اعطينا دراهمنا وقالو منين يرجعهم يرجعهم
وفي كل مرة يصرا مشكل تافه ويشتمني ويضربني مرة على جال اختو ومرة على جال ولد خوه ومرة على ابوه ومرة وووو
مع انو يجو توالي ونضيفهم احسن ضيافة
عندي شهر زواج يجو خواتاتو يباتو عندنا نطيب ونقومهم يدوشو ونسشورلهم ونحنيلهم نعسلهم ولادهم وولد خوه يعفس في قشي وانا عروس ويردس ومنقلو ما نعيط عليه يعرضهم دايما قايم بيهم
اما تعاملو مع اهلي خللي برك منحكيش
مكسانيش مللي دخلت عندو مدة عامين غير العيد اللي فات لانو راهو يبني في الدار مقلت والو
بصح من جهة خواتاتو ميبخلش عليهم باعلي خاتمي تاع الزيادة اللي جابوهولي اهلي على اساس يشري سيترنة
لالا راح مدهم لاختو محتاجة معليش باه تتكسى في العيد هي وولادها معليش لازم الكسوة عندهم
باعلي فلايك بنتي اللي جابوهم اهلي
دالي دراهمي تاع الزيادة
كي نروح نبارك لواحد من اهلي ولفامي نسلف من عند اهلي اما اهلو يباركلهم بالمليون ولبعاد بالخمسين ووو
ضربني وانا حامل لبطني بكلاكيت يابسة كي عيطت قالي تلعبي فيها متوجعش
منسلمش على ولد خوه تسما انا حقارة
مندوشوش وولد خوه اللي مش راضي انا حقارة
نشري لاختو اللي مش مزوجة من دراهم اهلي ونكسيها ونحن عليها وماش مليحة
انا ثعلوب
لاني نمشي بالنية معاهم
يسلفو ملابسي ويقطعوهم معليش
من نهار زوجت بيه ومزاحو هو نعاود نزوج عليك
وهذا القليل باختصار لايبين شيئا
لم اطلب سوى
احترام مشاعري وميعسنيش على جال اهلو لانو والله راني نية ومحتارمتهم وخاطيتهم ونصرف من جيب اهلي ونعززهم ورغم مايفعله اتجاه اهلي اللي خيرهم غرقني مدرتلهم والو
واغلب مشاكلنا على جالهم وكي نفهمو ميستعرفش بالغلط
هوما بالذات يقلولو نشتيوها
حطملي حياتي كرهتو كره شديد
صحتي راحت فيها
وصلت نروح لطبيبة نفسية
معروف عليا بللي عاقلة جميلة ناثر الناس على روحي
كنت عايشة في عايلة محترمة برفاهية في المدينة وقبلت بيه ملتزم زوالي من الدوار وساعدتو واهلي احتارموه وقدروه وهو يهينا
ويقول لابي ماش راجل
ماش راجل لانو عاونو في مستقبل الحياة واللي الناس تحلم بيه وهو الدار
ابي المعروف في مدينتنا والناس تحبو وتقدرو
يقللو هكذا
حسبي الله ونعم الوكيل
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
من جهة تقولي انك تزوجتيه فقير في حالة ربي, و من جهة تقولي باع زوج سيارتين نتاعو, هل يمكن لفقير كسب سيارتين.
ثاني شيئ, قلتي أنك كنتي مدللة في عائلتك و من ثمة زوجوك لهذا الشخص , هل يمكن أن أطرح عليك سؤال؟ لم قبلت بيه في البداية؟
و في الأخير أتمنى لك السعادة في حياتك.
__________________________________________________ __________
>>>> الرد الثاني :
المشاركة الأصلية كتبت بواسطة قيـــس https://3andlib.xplainer.net/images/...s/viewpost.gif
من جهة تقولي انك تزوجتيه فقير في حالة ربي, و من جهة تقولي باع زوج سيارتين نتاعو, هل يمكن لفقير كسب سيارتين.
ثاني شيئ, قلتي أنك كنتي مدللة في عائلتك و من ثمة زوجوك لهذا الشخص , هل يمكن أن أطرح عليك سؤال؟ لم قبلت بيه في البداية؟
و في الأخير أتمنى لك السعادة في حياتك. |
وهل امتلاك سيارتين فقط يعني انو غني سيارتين بقيمة مئتين مليون هما راس ماله
عايش في دوار في دار قريب تريب يعتبر الاغني في اخوته وانا هنا لست للمقارنة
بيننا اللي غايضتني تنازلت على كلشي ودار فيا وفي اهلي ما اذاني
ولم اقل مدللة
قلت كنت عايشة في رفاهية بحدود
وقبلت وسكنت في دوارهم وعشت معيشتهم عادي وساعدتو في تحقيق حلمو هو لاني مطلبتش دار كالقصر
قوربي نعيش فيه وخلاص هو اللي قرر يدير حاجة كثر من طاقتو وحصل
ومقلت والو
وقبلت بيه صراحة جابلي كتب دينية بعد ما قرينا المعروف قريت كيف يعامل الزوج الملتزم زوجته قلت وين راح نلقى احسن منو لوكان يطبق واش جابلي من كتب الشرعية
بعد الزواج لقيتو اصلا ماش قاريهم ويفهم غير واجبات الزوجة نحو الزوج
__________________________________________________ __________
>>>> الرد الثالث :
ربي معاك اختي هو ميستهلكش والله
__________________________________________________ __________
>>>> الرد الرابع :
يا أخت خافي ربي, انت بهذا الرد تزيدين اشعال النار, و قد يؤدي ذلك الى القضاء و تفكيك أسرة, اتقي الله, و قولي ما يثلج الصدور أو اسكتي.
لا حول و لا قوة الا بالله.
__________________________________________________ __________
>>>> الرد الخامس :
السلام عليكم اختي
انا الان على ابواب الطلاق...................راح تندمي وخاصة مجتمع لا يرحم المرأة مطلقة
من شخص كنت احسبه متدينا ملتزما
كما يبدو ظاهره ..................كاين منهم بزاف هاد صنف
جرت مشاكل لاتفه الاسباب
ولكنها تكبر ......................مشاكل انسان يحب يكبرها تكبر ولا حلول يحب صغرها تصغر مع حلول
وعاش طول حياتو في فقر حب يحقق حلمو........ وباع سياراتو لتنين ...............تناقض اسمحيلي
وفي كل مرة يصرا مشكل تافه ويشتمني ويضربني مرة على جال اختو ومرة على جال ولد خوه ومرة على ابوه ..................شتم غير مقبول اما ضرب يوجد ومنذ اجداد....لا يوجد زوج لم يضرب زوجته ..............في مايخص والدين الزوج اسمحيلي كاين ضيع نفسو وزوجتو على جال والديه قصدي اكثر من ضرب فرجاءا الا الوالدين
مع انو يجو توالي ونضيفهم احسن ضيافة..........10/10 ايجابية يلزمه لا ينساها
عندي شهر زواج يجو خواتاتو يباتو عندنا نطيب ونقومهم يدوشو ونسشورلهم ونحنيلهم نعسلهم ولادهم..............اسمحيلي نساء طبيعتهم تدمير اي علاقة بين زوج وزوجته حتى الرجال مع الرجال قالتها مرأة لا اريدهم متفقين فحللي وناقشي انهم ارتكزو على نقطة ضعفك وحبو يطلقوك وما دوخيش ادا قلت مرأة طلقت بسبب خواتاتها مادوخيش انهم نساء ناقصات عقل
خواتاتو ميبخلش عليهم باعلي خاتمي تاع الزيادة اللي جابوهولي اهلي على اساس يشري سيترنة
لالا راح مدهم لاختو محتاجة معليش باه تتكسى في العيد هي وولادها معليش لازم الكسوة عندهم
.....................................تدخلك في اهله يزيد توتر مشاكل
من كلام لي قاله على والدك الكريم واعتذر ........................دخلتم في مشاكل كبيرة
اكسبي زوجك فقط بتقنية كسب قلوب اسرته خاصة خواتاتو وصبري كسب خواتاتو هو سر في امهم فيما يخص خواتاتو ادا كانو دون زواج ابحثي على طريقة كيفية تزويجهم تتهناي منهم اعلمي يريدون تطليقك وانتي خاسرة وخاصة المجتمع لا يرحم ولا يحفظ المرأة المطلقة
السلام عليكم
