علاش هاذي العقلية عنا احنا الجزائريين....... تم حل المشكلة

عنوان الموضوع : علاش هاذي العقلية عنا احنا الجزائريين....... تم حل المشكلة
مقدم من طرف منتديات العندليب

السلام عليكم ورحمة الله وبركاته


امس رحت للطبيبة وبقيت نستنى مع النساء في قاعة الانتظار وبما اني غريبة على الولاية الي نسكن فيها بقيت ساكتة حتى نص الكلام ما نفهموش بحكم اختلاف اللهجة .....المهم من بعد دخلت وحدة قعدت بهذايا وبدات تسقسيني قلت لها ما نعرف والو سقسي الممرضة بدات تحكيلي على روحها ووووووو
المهم بعد قاتلي انت ماكش من هنا قلت ليها ايه وبدينا نهدروا (واش قريتي قداه عمرك متزوجة وعندك اولاد وووو تعرفوا حكايات النساء)
من بعد جا زوجي قالي ارواحي حتان ندخلوا للطبيبة ومن بعد رجعت انتظر النتيجة .....المهم هاذيك الطفلة قاتلي هذا فلان (تقصد زوجي)قلت ليها ايه
قاتلي قراني في الجامعة وووو وبدات تقولي ناس ملاح و..و..و ونعرف حتى دارهم و..و..و الصراحة انا ما كنتش معاها كنت نفكر في حالي
من بعد قاتلي ياك زوجك قلت لها واش رايك يعني ....ياك مادام تعرفيهم راك سامعة بيه تزوج.....سكتت ومن بعد عاودت سقساقتني قاتلي اكيد قريت عندو في الجامعة قلت ليها ايه قراني 4 سنوات قالت لي ايملا اكيد عشتوا قصة حب كبيرة

انا هنا الف علامة استفهام فوق راسي ؟؟؟؟؟؟؟؟؟؟؟؟؟؟؟؟؟؟؟؟

يعني قلت لها شنو (صراحة تعجبت من جرئتها) قلت ليها لا يا اختي لا قصة ولا رواية زي الي في بالك شافني راح لدارنا وتم الزواج وانا ادرس عنده


قاتلي مستحيل نصدق صراحة انا نعرف الاستاذ ما يتزوج بتلميذته ولا طالبته الا اذا كان قصة حب بيناتهم

قلت ليها شكون داير ها النظرية يعني انت شفت شيئ ما هوش لازم يكون عام عند الناس كامل
قاتلي لا وبدات ووووالصراحة قلت ليها ياك تعرفي زوجي وتعرفي عائلته حسب ما تحك
وانا راك شفتيني وعلابالك واش قريت وشفت مظهري وعرفت تفكيري واش رايك انا وهو تليق علينا قصة حب ؟؟؟ظظ

قاتلي صح انتم عندكم كلش حرام وعيب .و........و
قلت ليها يا بنتي الحرام بالدليل الشرعي و الحلال كذلك
وعمل قصص حب قبل الزواج بالعقد المدني و الشرعي محرم ماشي نحن الي حرمناه الاحكام موجودة في الكتاب و السنة

قاتلي لا و.و.وبدات تتهرب وتقولي فلان

...قال وعلان افتى وووووووو

الصراحة راسي وجعني وقلت ليها من فضلك ران تعبانة اغلقي الموضوع
صدقت ولا ما صدقتيش انت حرة






والحقيقة بداخلي يؤلمني هذا التفكير لانه ليس اول مرة اتعرض له الكل يظنون اني عشت قصة حب مع استاذي قبل الزواج والله يشهد اني ما عرفت ذلك الا بعد زواجي ومع زوجي
الحمد لله اهلي نعتولي الصحيح من القبيح
والحق من الباطل وبلي المراة والرجل ما يجمعهم الا الزواج اما باقي الترهات لا وجود لها وتخلي المراة تفقد صمعتها وتلوث شرف اهلها هذا ما تعلمته في بيتنا وباذن الله اعلم بناتي وابنائي نفس الشيئ

لكن التفكير ديالنا احنا الجزائرين ديما النية سودة ويحسابوا الناس كامل كيف كيف يعني الي تزوجت باستاذها معناته كانوا على علاقة
والطبيب الي يتزوج بمريضته معناته على علاقة
ووووووووووووووو

علاه هاذي العقلية
علاه نحن الجزائرين نحب التعميم على كل الظواهر الاجتماعية الي تحدث

يعني حتى لما اروح مع زوجي احيانا للجامعة اسمع البنات يقولون ايه شوفي زوجته راهي قرات عندو اكيد طيحاتوا (اسمحولي على هذا اللفظ)لكن هو الواقع
مرة التفت ليهم وقلت لهن علاه هو حيط حتى يستناني نطيحوا ؟؟؟؟؟؟؟؟؟؟؟؟؟؟

سبحان الله

الحمد لله زوجي ماشوا مراهق ويكفي انه يخاف ربي ويعرف الحلال والحرام والفرق بينهم

وانا الحمد لله هدفي ادرس واتحصل على شهادتي بامتياز واختم القران وفقط والحب و الزواج ووووغير موجود في عقلي ذاك الوقت

المهم اخوتي ران حبيت نشوف رايكم
هل حتى انتم تحدث لكم بعض ما حدث لي انه يظلموك باحكامهم المسبقة على اساس انهم شافوا مثل حالتك سابقا والنتيجة بالنسبة ليهم لازم تكون مماثلة وكيف كيف



انتظر ارائكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مساء الخير
انا راح نجاوبك من وش شفت فال 5 سنين تاع الجامعة تاعي
قراني واحد وتزوج بواحدة تقرا عندو
دك نحكيلك انا وش كنت نشوف ويشوفوه الناس اااكككل
الاستاد هدا كان يحب يقعد مع الطالبات يااااسر نزيد نعاودلك مع الطاااالبات
المهم ملي جا للفاك وهو على الحالة هادي
حتان واحد العام عدنا نشوفوه مع واحدة عاد يسفرد بها بقا يجمع مع الطالبات لخرين مي مع هادي يقعد معاها وحدو
جابوها عام كامل وهم على الحالة هادي حتان سمعنا بيه خطبها ودرك عندهم عام ملي داروا العرس
صراحة يعني ماكانش طفلة ولا طفل قرا لتم وميقولش الطفلة قافزة فايقة عرفت كفاش تطيحوا
وعندي صحبتي قرات معاها قتلي هي الي طيحتوا قاتلي كانت تكمل متلا على 2 فالعشية متروحش للدار تروح تقعد قدام لا كلاس وين يقري حتان يخرج وتروح معاه
وكاين الي يقولوا بدات لا غولاسيو تاعهم بالفايسبوك وصراحة انا كنت نشوف فالفايس بوك تاعهم بلي رام اون كوبل هادا قبل ميخطبها وقبل ميولي يسفرد بيها وحدوااا
الحقيقة درك الا هيا الي طيحتوا ولا هي كانت تعجبوا يعلمها غير ربي
ومام فولايتي انا كي تعود ممرضة تزوجت بالطبيب الي يخدم معاها ولا طالبة دات الي يقريها يقولوا اييه عرفت كفاش طيحوا

__________________________________________________ __________

>>>> الرد الثاني :

السلام عليكم
عادي هذا في مجتمعنا ,,,,,,,,,,,,,مع الوقت تكتسبين مناعة لهذه مواضيع ,,,,,,,,,تبداي تعطي كل واحد قسطوه,,,,,,,,,يعني خلي كل واحد وظنونه ,,,,,,,لاشرح ولاتفسير
اتركهم مع الوقت ,,,,,لي فهم اوكي ,,,,,,لي مافهمش تاني اوكي
ربي يوفقك ويبعد عليك فضولين

__________________________________________________ __________

>>>> الرد الثالث :

المشاركة الأصلية كتبت بواسطة بيلسان91 https://3andlib.xplainer.net/images/...s/viewpost.gif مساء الخير انا راح نجاوبك من وش شفت فال 5 سنين تاع الجامعة تاعي قراني واحد وتزوج بواحدة تقرا عندو دك نحكيلك انا وش كنت نشوف ويشوفوه الناس اااكككل الاستاد هدا كان يحب يقعد مع الطالبات يااااسر نزيد نعاودلك مع الطاااالبات المهم ملي جا للفاك وهو على الحالة هادي حتان واحد العام عدنا نشوفوه مع واحدة عاد يسفرد بها بقا يجمع مع الطالبات لخرين مي مع هادي يقعد معاها وحدو جابوها عام كامل وهم على الحالة هادي حتان سمعنا بيه خطبها ودرك عندهم عام ملي داروا العرس صراحة يعني ماكانش طفلة ولا طفل قرا لتم وميقولش الطفلة قافزة فايقة عرفت كفاش تطيحوا وعندي صحبتي قرات معاها قتلي هي الي طيحتوا قاتلي كانت تكمل متلا على 2 فالعشية متروحش للدار تروح تقعد قدام لا كلاس وين يقري حتان يخرج وتروح معاه وكاين الي يقولوا بدات لا غولاسيو تاعهم بالفايسبوك وصراحة انا كنت نشوف فالفايس بوك تاعهم بلي رام اون كوبل هادا قبل ميخطبها وقبل ميزلي يسفرد بيها وحدوااا الحقيقة درك الا هيا الي طيحتوا ولا هي كانت تعجبوا يعلمها غير ربي ومام فولايتي انا كي تعود ممرضة تزوجت بالطبيب الي يخدم معاها ولا طالبة دات الي يقريها يقولوا اييه عرفت كفاش طيحوا

مشكورة اختي بيلسان على التوضيح وانا معاك في كل كلمة لكن اصابع اليد مش كيف كيف علاه التعميم يعني كاين صح ناس داروا واش قلت وانا شافت عيني بزاف صوالح بصح عمري ما نحكم بلي لازم تكون النتيجة صح


يا اختي ياك صح كاين بنات هدفهم الجري و اللهث وراء الاساتذة لكن اختي واش رايك جامعة اسلامية في رايك فيها هادي الصوالح (اقصد بين الطالبة والاستاذ)

انتم ربما لا تروني ولا تصدقون ومعذورون فنحن في العالم الافتراضي لكن من يراني وزوجي مستحيل يحكم انه بيننا جرت مثل هذه الافعال
ويشهد ربي انه ما شاف وجهي الا يوم الرؤية الشرعي يغعني كيف نطيحوا على قول بعض العقليات نتاعنا



المهم اختي فكرتي انو ليس الكل مثل بعض والانسان لازم يحسن الظن في اخيه الانسان

صح انا ما يهمني لكن اتالم لهذا التفكير العفن


مشكووووووورة لمروك الطيب اختي بيلسان


__________________________________________________ __________

>>>> الرد الرابع :

المشاركة الأصلية كتبت بواسطة optimism https://3andlib.xplainer.net/images/...s/viewpost.gif السلام عليكم عادي هذا في مجتمعنا ,,,,,,,,,,,,,مع الوقت تكتسبين مناعة لهذه مواضيع ,,,,,,,,,تبداي تعطي كل واحد قسطوه,,,,,,,,,يعني خلي كل واحد وظنونه ,,,,,,,لاشرح ولاتفسير اتركهم مع الوقت ,,,,,لي فهم اوكي ,,,,,,لي مافهمش تاني اوكي ربي يوفقك ويبعد عليك فضولين

وعليكم السلام ورحمة الله وبركاته

حتى انا هذي هي عقليتي خليهم صدقوا ولا ما صدقوا يهم المهم واثقة من نفسي
لكن لماذا هذا التفكير والله شيئ حيرني

وبارك الله فيك اختي الغالية

__________________________________________________ __________

>>>> الرد الخامس :

السلام عليكم ماشي من عادتي نشارك لكن موضوعك أختي جبدني
أني قصتي قريبة شوية من قصتك ، زوجي كان زميلي في الجامعة نفس الدفعة و نفس قروب و نفس سوقروب و لكن وا مرة جمعنا مع بعض و عدد الكلمات لي حكيناهم مع بعضنا طول مدة الدراسة يتعدو على أصابع اليد فقط في الدراسة ولا مرة فكرت فيه لأنو في هداك الوقت كان همي الوحيد الدراسة و التفوق وهو معروف في منطقتهم أنو متشدين و متحفضين ياسر إضا قصص الحب و الغرام خاطينو و خاطييني لك نالناس لا مع يعرفوا بلي زملاء يخمو طول في القصص و يعموا كيما ناس كامل حت انو وحدة كانت زميلتنا قاتلي خاطرة لاه كونتي مدرقة قصتك معاه قوتلها وشمن قصة هذي ،مكتوب جمعنا و خلاص و القصص هادو مناش تاعهم ربي يسترنا.
لكن واش نعملو حاسة روحي ديت شيعة في الباطل حتى ساعات نشوف نظرات غريبة في عيون الناس خصوصا أني مانيش من منطقتهم وأصلي من مدينة كبيرة و متحضرة و هما شوي مطرفين دوك دايمن يخمو أنو أنا بنت التحضر و المدينة أكيد لعبتها بيه و طيحتوا ،لكن وش نديرو ربي يهديا برك