كيفاش ندير راني رح نبطل وعرسي مزاله ايام تم الاجابة

عنوان الموضوع : كيفاش ندير راني رح نبطل وعرسي مزاله ايام تم الاجابة
مقدم من طرف منتديات العندليب

والله يا اخوتي عييت من المشاكل حياتي كامل وانا بالمشاكل مع اهل دارنا ونهار كي خطبني زوجي درنا الشوفة والخطبة لقيته انسان مليح والله العظيم ميحقرني مداير فيا ثقة محترمني انسان محترم قالي اصبري حتى العرس راني في 4 سنين مزلت مقفلتهمش مي عندي مدة وانا نستنى فيه لانه يكون في روحه عطيته كلمة وانا عند كلمتي قابلة بيه في كل الاحوال بعد عدة مشاكل اللي صرات من عند حماتي اللي مابيني وبينها والو يعني واش يكون بيني وبينها وانا عروسة مدخلتش قولولي برك واش درتلها يا ربي واش قلتلها مش مقيمتني دخلت السبيطار مطلتش عليا في العيد نعيدلها تلوحلي الهدرة نهدر معاها تقولي انت متهدريش بزاف نخليك خير وتكوبي عليا من نهار الخطبة والشوفة كل متقرب حاجة دير السبة باش تبدل الموعد دير السبة باختها اللي تحوس في لبنان صرات حوايج من قبل وقلت لا راهي مفهمتش برك يعني اكتشفت من قبل كدبات منها يعني تدور الهدرة وتبدلها قدامنا هدرة وقدام زوجي هدرة وقدامي وقدامه هدرة والان مبقاش للعرس كدبت على والدتي وقالت ان امي قاتلها تجيو عندهم باش يحنيولي راني مش قادرة حتى نخمم واش هو البعد من اكاذيبها راني عييت بلا منزيد نحكي واش كذبت علينا من قبل واش ندير يا ربي نولي نسجل المكالمة الهاتفية هكذا نحمي نفسي اذا راهي معندهاش ضمير انا بديت نخاف على روحي غدوا تحط فيا اللي مفياش المسلم مش من صفاته الكذب وهاذي وش نصنفها مسلمة دير هكذا وزيد دارتلي المشاكل معاه تكذب عليه وهو كي يسقسيني نقوله واش صرا يولي يتغشش يقولي امالا امي تكذب البارح قتله انا راني نبلع فمي ومزيدش تقولي واش هدرتو والمرة الجاية اذا كانت فيها مرة رح نولي ندير احتياطاتي لاني بديت نخاف من داك تغشش ولي يقولي رح تخليني بسبة تافهة قتله معليش اني انا الكذابة حتى تبان الحقيقةذ

ضميري مانبني من قبل خلاتني نشك في اقرب الناس ليا حطيت امي والعياذ بالله كذبت عليهم حسبي الله ونعم الوكيل رغم اني شايفة كل شيء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختى غير بالشوية رانى قريت مشكلتك من قبل والصراحة ربي يعينك انا كون جيت فى بلاصتك مانصبرش مى انتى مراة ونص وراجلك كي تزوجو راح يعرف بلي دا جوهرة عجوزك مراة كبيرة وام راجلك مهما كان والكدب لى راي تكدب فيه مش راح يخرجها لان ربي لا يهدي كيد الظالمين مش حابة نظلمها مى علحساب هدرتك هدى مش عفايس نورمامون تخلى وليدها يستقر على روحو وااش حابة فوق ربعة سنين انتى ماتخميش انمك تبطلى لازم ماتخليهاش تغلبك لانك على حق حتى ولكان رايحة تسكنى معها صدقينى مدامك صادقة ونيتك صافية ربي راه يظهر الحق ويباركلك فى زواجك استحملى علجال راجلك وعجال نفسك اولا ربي يوفقك

__________________________________________________ __________

>>>> الرد الثاني :

اختي حنين كون غير جات مرا كبيرة راح نعطيها الف عذر راهي امراة في الخمسين يعني ماولات تنسى ماخرفت ما مريضة

__________________________________________________ __________

>>>> الرد الثالث :

هذا وين عرفت علاش هو حاب يستقر بمنزل مستقل منين نقوله معليش في دار والديك يقولي انساي

__________________________________________________ __________

>>>> الرد الرابع :

ربي يفرج عليك وربي يهديها ويهدينا اجمعين

__________________________________________________ __________

>>>> الرد الخامس :

سجليها واكشفيها
الله يحفظ ويستر واش هاذ الهقلية في عمرها نورمالمون تصلي وتدعي ربي يستر ولادها وهي راهي تمشي بالعكس
ماتكثريش هدرة معاها بزاف وخلاص تجنبيها قد اللي تقدري