اعترفي بصراحة ماذا كنتي تكتبي على طاولتك ايام المدرسه ؟؟ للتسلية و الالعاب
عنوان الموضوع : اعترفي بصراحة ماذا كنتي تكتبي على طاولتك ايام المدرسه ؟؟ للتسلية و الالعاب
مقدم من طرف منتديات العندليب
اعترفي بصراحة ماذا كنتي تكتبي على طاولتك ايام المدرسه ؟؟
السلام عليكم ورحمة الله وبركاته
صبـــــــاح / مســـــــــــاء الخير والورد
طبعا انا من زمان مو منزله موضوع ولا لعبه وقعدت ادور على لعبه احطه
لكم وانشاء الله تعجبكم ....
واكيد اللعبه مبينه من عنوانها ياحلوين يالله كل وحدة تقولي شنو كانت
تكتب على طاولتها المدرسيه وبكل صراحة ما نبي كذب اوكي
https://t3.gstatic.com/images?q=tbn:...1197397497.jpg
علشان شوي نضحك وندردش وبنفس الوقت نذكر ايام طفولتنا اوكي
يالله نبدأ
منقول لاجل عيونكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
كنت اجيب ورق تجليد واجلد
الطاولة ما احب يكون عليها اي شي
دائما نظيفه
على لون كتبي
رتاج حبيبتي وانت
__________________________________________________ __________
>>>> الرد الثاني :
ههههههههههاي
والله موووضوووع روووووووعه
كنت ف اوقات الأختبارات اراجع عليها
ويعني وبعض الأحيان شخبط شخابيط اكتب حرفي وحروف صديقاتي وقلووووب وحركااااات
مشكوووووره فضفضت شويه
وانتي رتوووجه وش كنتي تكتبي يالله ياعسل ننتظرك
__________________________________________________ __________
>>>> الرد الثالث :
أولا يسلمو على موضوعك النايس
بجد يجنن لانك ذكرتينا بايام الفله والوناسه والصرقعه بنفس الوقت
ثانيا
والله اللي كتنته على طاولتي كثير وأهمهن سوالفنا الشله الثلاثيه بالحصه إذا جلست تشرح الأستاذه<<طبعا بجنب بعض
وأرسم عين وتحتها شعر
وياكثر مالعبنا عليها
ولوأكتب لك وش نسوي بالضبط ماخلصت بس أكتفيت بكذا
وأنتي وش كنتي تسوين فيها أعترفي بسرعه
__________________________________________________ __________
>>>> الرد الرابع :
كلكم تبون تعرفون انا شنو اكتب ليش ؟؟
طيب اقولكم انا كنت في الصف الرابع او الخامس تقريبا كنت مو حافظة سورة ما ادري اي سورة المهم وجت الابله وانا مبتلشه وشنو اسوي قمت وكتبت سورة على الطاوله وحطيت الكتاب فوق سورة ولما جاء دوري في الاسماء ورفعت الكتاب شوي ونزلت راسي وانا اقراء قالت الابله ليش منزله راسك ارفعيه انا قلتلها ما اعرف اسمع وانا رافع راسي الحمدلله مشت الكذبه عليها ولما تسمع للي بجنبي نفسي مو حافظة امتبته على الطاوله والابله قالتلها بعد انتي ما تعرفين قالت ايه قامت شافت الطاوله وله عليها السورة وتشوفينها تعجبت قالت حرام هذي ايات ربنا تكتبونها وانا الحمدلله مسحت الطاوله بسرعة وما درت صدقت اني ما اعرف اسمع وراسي مرفوع ...
بس الله يذكر ايام الابتدائي كنا قلد بعضنا البعض ما نعرف شئ ...
__________________________________________________ __________
