مشكلة صديقتي مع الوسواس القهري مشكلتي

عنوان الموضوع : مشكلة صديقتي مع الوسواس القهري مشكلتي
مقدم من طرف منتديات العندليب

ا

لسـلـام عليكم و رحمة الله تعالي و بركاته

انا فناة ادرس في 1 ثانوي لي صديقة في مثل سني اعرفها منذ سنوات

شخصيتها : انطوائية و منعزلة جــدآآآ


المهمــ


يصراولها بزااف أعراااضـ غريبة نوعــا مــا و كانت حسبالها بلي هاذو االحاجات يصراو لقاع البنات ماش غير ليهـا

وحد النهار شرات جريدة النهار و بدات تقرا في القسم اللي فيه المشاكل

ووجدت فتاة عندها نفس اعرااااض صديقتي

و اكتشفت انها تعاني من الوسواس القهري


~

من اللي عرفت بهذا المرض زادت توسوست اكثر و اكثرــر


بالـاك كانت والو ما بيها .. العامل النفسي آثر عليها ولات توهم روحها بلي عندها هذا المرض ( و الله اعلم )



هي من عادتهاا ما تحكي ل حتى وااحد .. ما تفرغش قلبهاا كامل

Alr ماكونتش عمباالي بالمرض تاعهااا

و جاات عندي وحد النهار و قالتلي بااش نديرلها بحث عن الوسواس القهري .. قولتلها واش تدير بيه .. قالتلي للمطالعة فقط

انا على نيتي ديرتهوولهــاا

وكي زادت شافت الأعراض اللي فيه تأكدت بلي راهي تاع الصح مريضة بيـــه

و كل يوومــ تبكيـ

وحد النهاار جبرناها وحدهااا رووحنا حنا البنات عندها و بدينا نمازحووهــااا .. قاع البنات كوونا نضحكو و نتمسخروو ببعض غير هي سااكتـــة ماشي سامعة بينــاا قااع


و تااني وحد النهار ما قريناااش سااعة .. اجتمع البنات تاع القـلـاصة تاعنااا و بدينا نحكيوو على امور الدين و الموت

هي سمعتنااا نحكيووو على هاذوك المواضيع و بدااات تبكي مجددااااا


سقسيتهاا واش بيهاا .. قالتلي والــوو و راحت تقعد وحدهــا

Apres عيطتلي باااش نوانسهــااا pask انا لسااني طوويــل ما نحبسش الهدرة

المهم سقسااتني esque نصلي و لا لالا ؟ قولتلها ايه انا نصلي 'قولتلها و علاش انتيا ما تصليش ؟

تنهدتـ و جااات تبكي و مبعد قالتلي يا لوكان كونت نقدر .؟

تعجبت انا من الرد تاعها .. و مبعد حكاتلي كلش على الوسواس القهري و قالتلي بلي البحث اللي ديرتهولها انا كاان بهذف تشووف esQue تاع الصح هي مريضة بيه

وقالتلي بعض الأعرااض اللي يصرااولهـا .. مثلا .. كيما تجي تصلي تحس روخها ناجسة malgres هيا طاهرة و تبداا تسبـ بينها ببين رووحهـا و نفس الشيئ كي تدخل للخلاء ... هاذي صاحبتي جامي سمعت من عندها كلمة عيب متربية بزااف ما شاء الله .. مي قالتلي بلي ديمااا كي تججي تصلي و لا تشد المصحف يجيوهـااا أفكــآآآآر مااش مليحـــة كامل و تاني تبداا تسبــ وو أعرااض كثيرة ما حبتش تحكيهووملي


حبيت نقنعها بلي ماهيش مريضة بيهـ رااهي برك توسوس في رووحهاا .. قالتلي بلي ما تقدريش تعريفني كيما نعرف رووحي

قولتلهاا اكثري الإستغفااار و ذكر الله .. قالتلي اسم الله ديما على لسااني مـــي ديمااا يبدا الشيطان يوسوسلي و نبدا نخمم بأشيـاء .. قولتلهاا أكديلي على كلمة " أشيــآآء " مي مــآآ حبتشــ


المهم نصحتها بالرقية الشرعية قالتلي نخــآآآفـ ؟؟؟؟؟؟؟؟؟؟؟؟؟؟؟؟؟؟؟ هاذا الرد حيرني بالبزآآآآآفــــ


و تاني نصحتهــاا باش تقوول لوالديهــاا و لا اخواتها قالتلي غير هذاااااا الـآمر اللي ما يصراااشـ .. حبيت نعرف علاش .. قالتلي بلي كل اختــها في الدار عندهاا اوحدة قريبة ليها ف السن . تحكيلها كلش .. غير هي وحيدة و زيد خياتا قاع مزوجاات و تاني أبوها و أمهاا كباار في العمر بززااف ماشي متفرغين ليهــااا و لووكان تحكي ل كاش وااحد فالدار تخاف يسخروو منهـااا


ألححت عليهاا بااش تقوولهووم و قولتلها بلي لوكان هي ما تقولهومش اناا اللي نرووح و نخبرهووم ... كي قولتلي هاذي الهدرة نظرت ليــا قريب خبطتني و حلفتلي بالثلاث بااش ما نديرهااش


صراحــة و الله خاايرة بزاااف .. و زيد انا صغيرة على هاذوو الأموور و الله مخلطة بالبزااف و ماانيش فاهمــة والووو وااش يدوور في رااسهــا تاع صاحبتي


نصحوونــي كيفااه ندير معاها و أجركم عند الله


و االسلـام ختـام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أسأل الله الشفاء لصديقتك هذه
و هي بين أمرين : إما أنها تعاني من المس و هي في حاجة إلى رقية شرعية و إما أنها تعاني مرضا نفسيا هو الوسواس القهري كما تفضلت
و الشفاء يكون بالدعاء أولا ثم بالإرادة القوية ثانيا
هذا النوع من الابتلاءات سواء المس أو المرض النفسي يحتاج إرادة و عزيمة و نفسا قوية فلتقاوم نفسها في الصلاة ولتحاول التغلب على تلك الوساوس و لا تدع الصلاة أبدا
هناك أمر آخر الطب النفسي موجود فلو شجعتها لزيارة طبيب نفسي لعلها ترتاح و لو نسبيا فهي في حاجة إلى من يسمعها قبل أي شيء آخر

__________________________________________________ __________

>>>> الرد الثاني :

اسال الله العظيم رب العرش العظيم الشفاء العاجل لصديقتك
الظاهر انها تعاني من وسواس قهري في العقيدة وعلاجه سهل ولكن يحتاج الى عزيمة صادقة
وصديقتك ان اصيبت بهذا الوسواس انما هو دليل على قوة ايمانها مثل ما جاء في حديث الرسول صلى الله عليه وسلم عندما جاءه ناس يشكون من امور بشعة يحدثون بها انفسهم فقال لهم رسول الله صلى الله عليه وسلم ذاك صريح الايمان
فاخبري صديقنك ان لا تحزن وان تلتفت الى دراستها وحياتها الطبيعية وان تبتعد عن الوحدة والحزن لان الشيطان عندما يرى من الانسان التجاوب مع هذه الوسواس فانه يتسلط اكثر واكثر وان وجد تجاهلا ابتعد وهرب

كما اطلب منك اختي الكريمة ان لا تتركي صديقتك وحدها بل حاولي ان تخففي عنها

__________________________________________________ __________

>>>> الرد الثالث :

هذه مرحلة جد حساسة في حياة الانسان لذلك الشيطان يحاول جاهدا ان يوسوس لك في امور كثيرة تصل الى ........

فلذلك عليها وعلى الجميع اخذ الامور عادية وطالما انها قامت بواجبات الصلاة من طهارة وما الى ذلكم فلماذا تظن نفسها انها ليست طاهرة

والوسواس القهري مرحلة يمر بها الانسان طوال حياته الا من رحم ربي
لان الوسواس القهري من عمل الشيطان واذا زاد الامر عن حده اصبح مرض

فالشيطان دائما مرتبطا بالانسان خاصة الذي تربطه مع الله علاقة قوية فلذك تجد انه ياتيه من جانب الوسواس

لذلك نصحنا الرسول صلى الله عليه وسلم بقراءة سورة الناس

قُل أَعُوذُ بربِ النَّاس، مَلِكِ النّاسِ، إلهِ النَّاس، مِن شَرِ الوسواسِ الخنَّاسِ، الّذي يُوَسوِسُ في صُدُورِ النّاس، مِنَ الجنَّةِ والنَّاس)

الم تدل هذه الصورة على الوسواس ؟ وعندما تخصص سورة كاملة لشيء مثل الوسواس فانما تدل على ان هذا الامر خطير ومنتشر


والله تعالى اعلم واجل

__________________________________________________ __________

>>>> الرد الرابع :

وعليكم السلام
خيراً إن شاء الله
لبأس على صيدقتك هذا الأمر عادي وطبيعي وقد مر به الكثير من الناس ومزال وهذا دليل على حرصهم على الفرائض وطاعة الله. وقد أصيب به الصحابة من قبل وقد قال عنه رسول الله صلى الله عليه وسلم: (ذاك صريح الايمان)
والتخلص منه سهل وبسيط ولا يحتاج إلى بحث وأطباء ورقات
كل ما عليها هي أن تعلم أن الله لا يحاسب عباده عى هاته الأفكار لقوله تعالى: (لا يكلف الله نفسا إلا وسعها)
كما أنها لا تحاسب إن نسيت لقول رسول الله صلى الله عليه وسلم: (إن الله تجاوز عن أمتي الخطأ والنسيان وما استكرهوا عليه).
لذا أخبري صديقتك بأن تفعل الآتي: أن تتوضأ للصلاة وإن جاءها الوسواس يقول لها أنها قد نسيت غسل أعضاءها لا تلتفت لذلك نهائيا ولا تتكلم مع نفسها فيه بل تواصل الوضوء دون الرجوع إلى ذلك العضو وهي متيقن تماما أن الله لن يحاسبها على ذلك.
تبدأ الصلاة بصفة عادية وإن شكت أنها لم تصلي ركعة أو لم تكبر تكبيرة أو لم تقم بالتشهد أو .... الخ لا تلتفت لذلك نهائيا ولا تفكر فيه مطلقا ولا تعيد صلاتها مهما حصل وهي متيقنه أن الله لن يحاسبها على ذلك
عليها أن تقوم بذلك لمدة أسبوع واحد فقط وستجد نفسها قد شفيت تماما من هذا الوسواس
والقاعدة التي يجب أن تعرفها أختنا أن هذه الأفكار تافهة ولا اساس لها وهي من الشيطان حتى يبعدها عن العبادة ولذلك عليها أن تتركها ولا تفكر فيها وتستعيذ بالله من الشيطان الرجيم منها وتعش حياتها بسعادة وفرح وبهجة وهي متيقنة أن الله رحيم بعباده
بالتوفيق إن شاء الله
وأطلب منها أن تدعيلنا في صلاتها

__________________________________________________ __________

>>>> الرد الخامس :

الله يشفيها