مشكل مع الاستاذة مشكلة

عنوان الموضوع : مشكل مع الاستاذة مشكلة
مقدم من طرف منتديات العندليب

أنا فتاة عمري 15 سنة نقرا مليح عادي في الاختبار تاع فرنسية جاتنا الاستاذة قاتلنا ديرو هكا وشرحتلنا تما قع خدمنا مي المشكل نهار النصحيح السؤال لي شرحتولنا مدتلنا الشرح غالط واحد محب يهدر الا انيا قلتلها و علاه مقلتيلناش بلي هكا نديرو روحتي قع غلطتينا قاتلي ميهمنيش قلتوله دوكا تبدليلي نقطتي قاتلي نتي لسانك طويل دوكا يروح التقويم قولتلها مرو ونص و ديريها كون ميشي نشكي بيك قاتلي نتي تشكي وحدك هدر القسم كامل حنا تاني معاها دزكا لااهي شاريتهالي و متحبش تشرحلنا الدرس كي جي في الحصة تقعد تهدر بالبورطابل حتان تصوني شكينا بيها و رانا نسناو قاتلنا في الفصل التاني تشوفو قع الدروس لي مقريتوهاش نديرها و اديو مليح
من فضلكم قولولي واش ندير



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي...باش نعطوا كل واحد حقوا ياك...ماكانش حق عليك تتكلمي معاها بهذيك la facon...بالاحترام تقضي كامل صوالحك في هذا الدنيا...انا مرة حكمني بوليس لعبتها مارق...رقدلي بروسي...واش ندير رحت خلصتو نورمال...بصح دورك بكلمة نديرو في الجيب يقولي روح وما تعاودش...الدنيا سياسة اختنا...انا لوكان تديري عليا...روحي احكميها وحدها وقوليلها استاذة انا غلطت وتقلقت ..سمحيلي...اكيد رايحة تكبري بزاف في عينيها وتولي تحبك مليار...جربي ورديلي الخبر..

__________________________________________________ __________

>>>> الرد الثاني :

المشاركة الأصلية كتبت بواسطة مشكلتي https://3andlib.xplainer.net/images/...s/viewpost.gif أنا فتاة عمري 15 سنة نقرا مليح عادي في الاختبار تاع فرنسية جاتنا الاستاذة قاتلنا ديرو هكا وشرحتلنا تما قع خدمنا مي المشكل نهار النصحيح السؤال لي شرحتولنا مدتلنا الشرح غالط واحد محب يهدر الا انيا قلتلها و علاه مقلتيلناش بلي هكا نديرو روحتي قع غلطتينا قاتلي ميهمنيش قلتوله دوكا تبدليلي نقطتي قاتلي نتي لسانك طويل دوكا يروح التقويم قولتلها مرو ونص و ديريها كون ميشي نشكي بيك قاتلي نتي تشكي وحدك هدر القسم كامل حنا تاني معاها دزكا لااهي شاريتهالي و متحبش تشرحلنا الدرس كي جي في الحصة تقعد تهدر بالبورطابل حتان تصوني شكينا بيها و رانا نسناو قاتلنا في الفصل التاني تشوفو قع الدروس لي مقريتوهاش نديرها و اديو مليح من فضلكم قولولي واش ندير

السلام عليكم
انا شخصيا و معي زملائي حدثت لنا مشكلة مشابهة موسم 2000/2001 مع الاساتدة ، فأشار لنا احد الاساتدة الكرام بان نقوم باضراب داخل القسم ..... و هو كالتالي...( على الساعة الثامنة و عند دخولنا للقسم قمت مع جميع زملائي بالوقوف من اماكننا و بقينا صامتين لانكلم بعضنا و لا استادنا ... و هكدا حتى انتشرت الحادثة بعد 30 دقيقة فقط ... فجاءنا و ترجانا كل من المدير و الناظر و المراقب العام و حتى الاساتدة و استمعوا لانشغالاتنا و قد لبي اغلبها) جربي هده الطريقة مع زملائك و لكن بدون فوضى او ضجيج بل الصمت ثم الصمت وقوفا من اماكنكم بطريقة متحضرة و سترين النتائج.
ا................... شكرا

__________________________________________________ __________

>>>> الرد الثالث :

السلام عليكم
بنيتي هناك شعرة رقيقة بين احترام الأستاذ وبين المطالبة بحقك وهاته الشعرة تستوجب منا استخدام الطرق المشروعة من أجل المطالبة بحقك
كان عليك أن تقولي للأستاذة بكل ود واحترام أنك أخطأتي ونريد تصحيح الخطأ فإن رفضت تتكلمين مع ولي أمرك وهو بدروه يتكلم مع المستشار في التربية ويشرح له الموقف بحضور الاستاذة وكل ذلك يتم بكل ود واحترام ولن يضيع حقك
جيد جدا أنك طالبتي يحقك وهكذا يجب أن تكوني دائما ولكن لا تنسي أن الأستاذ له مكانته واحترامه ووقاره فعليك أن تنتبهي لهذا كذلك ولا تفرطي في تقديم الود والاحترام لمن يدرسك دون أن تفرطي في مالك من حق ودون أن تنسي واجباتك
بالتوفيق إن شاء الله

__________________________________________________ __________

>>>> الرد الرابع :

[b]حتى لا نكون كلنا ضدك خاصة الأساتذة هنا ونعطي الحق لأنفسنا ونترك التلميذ
أقول لك : أنت عندك الحق . وماكان على الأستاذة أن تشرح لكم شرحا خاطئا وماكان لها ان تشرح لكم أصلا لأننا نريد أن يتعود التلاميذ على أنفسهم حيث أثناء الامتحانات الرسمية لا يوجد من يشرح لك .
لكن لا نعالج المشكل بمشكل أكبر . حيث طريقتك في الكلام والإحتجاج نرفزت الأستاذة وأتت بنتيجة عكسية
اعلمي يا ابنتي أن للأستاذ عزة نفس أيضا مثلك وله سمعة فلا يمكن أن نأخذ منه شيئ بالتعصب وخاصة أن أستاذتك جزائرية مثلك وأنت تعرفين كيف يتصرف الجزائري كما يقولون (أرواح لو بالعقلية تديلو الفيستة)
نتمنى لو نسمع رأي الأستاذة ربما لديها كلام آخر واعتقاد آخر . لكن في كل الحالات لا يحق لها ان تمتنع عن تدريسكم
وقد تكون غاضبة لأيام لكنها ستعود كما كانت خاصة إذا ذهبتم وراضيتموها وتنتهي المشكلة عن قريب إن شاء الله[/b]

__________________________________________________ __________

>>>> الرد الخامس :

أختي أحب ان اقول لك معك حق فيما قلته ، في ايامنا هذه العديد من الاساتذة لا يكلفون انفسهم شرح الدروس بشكل جيد ثم يحاسبو التلاميذ في الامتحان ، من حق اي شخص فينا ان يطالب بحقه وحاشا ان يكون لسانك طويل لا ولكن فقط بعض المرونة ، لان العديدم من الاساتذة للاسف لم يعد يراعوا للرسالة التي كلفوا بها فقدوا حسهم المهني والدليل الغيابات او الحديث في الموبايل كما قلت او الدردشة خارج نطاق العمل بالاضافة الى المعاملة الخشنة التي يعامل بها التلاميذ من العديدمنهم . في زماننا كان كل من يطلب شرح اضافي او يبدي ملاحظة يتهم من طرف الاستاذ بالتقصير والسهو ويقول له مثلا اصدقائك كلهك فاهمين الا انت قاعد تلعب ؟؟؟؟؟؟؟ المهم يا اختي من حقك طلب الشرح ومن حقك تقديم شكوى ضد أي استاذ متكاسل لانه مستقبلك اهم من اي شيئ ولكن بالتي هي احسن لانها مدرسة ولها حرمتها على كل حال والتعليم رسالة مقدسة والمشكل في هؤلاء الذين يحملون الرسالة وليس في الرسالة ،،،، ان شاء الله نفرحوا بنجاحك ..ووفقك الله