يريد الزواج بي شرط ايقاف الدراسة تم الحل

عنوان الموضوع : يريد الزواج بي شرط ايقاف الدراسة تم الحل
مقدم من طرف منتديات العندليب

alors j ai pa la langue arabe dans mon ordinteur essayè de lire mon prolem psk j ss trè besion de votre aide.....j ai un copain mè le dernier moment ihab yji yokhtobni a condition nbetel l kraya f l universitè et sa c est impossible pour moi et pour ma famille de l acceptè ... m a3ajbouch l hal w hab negat3ou la relation ta3na psk ma ynajamch yestenani 2 ans wla 3 ans wahdokhra malgrè ke howa sghir f l age 21 ans mè temps ke c est un gensdarme il faut yetzwj bkri w gali makancjh mnha nzid nkara3lk 2 ans w mmba3da weldik ma yakablouch nzidou net3adbou ktrgali rana f 4 ans w ma njemnach nkmlou tkhayli 7 ans wla 8 ans bon hawelt m3ah mè ma habch ....brana nkmlou mè ana ma ndir 3alaka m3a wahed w howa tani kol wahed fina yg3od mkayed m3a lakhor hata yji nhar li howa ykhtob fih wahda wla yji ykhtobni ana a savoir yla ana wla wahdokhra .... au dèbut j ai l accepte mè mtn j peut pa sebt rouhi nkhamm fiha w mechi tayga ngl3ah mn rassi w netwahchah norml tkali mazelna ferahba ....................min goltlah sayè ya nwelou nichan ya nkmlou w kol wahed libre ma 3ajbouch l hal w gali ma nesmahlkchi est que rani galta m3ah ou nn semhouli twelt 3likom mè svp 3touni raykom !!!!!!!!!!!!!!!!!!!


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



مشكلتك هي نفس حالتي...ولكن انا قبلت اني انتظر نظرا لاني"احب و مقتنع واحترم "قرارات خطيبتي حتى لا اقول كلام اخر..هذا الانسان 21 سنة صغير بزاف...واذا كان يحبك تاع الصح يزيد يصبر 10 سنين لانه ببساطة مقتنع بيك...اما انو يقعد يقلق فيك..وانت تسمحي في مشوار تاع 20 سنة دراسة...انا شخصيا ومكانك ارفض رفضا قاطعا...انت في سن العشرينات ومازالك صغيرة ويجوك الخطاب من كل "نوع"...فقط ما تتقلقيش...لان الزواج مكتوب...انصحك انك تقوليلو...زيد اصبر عليا حتى نكمل قرايتي وما تخطب حتى وحدة غيري...وانا مانرضاش بواحد غيرك...ماتكثروش الكلام في الهاتف واللقاءات...واكيد راح تكمل على خير..

__________________________________________________ __________

>>>> الرد الثاني :

السلام عليكم أختي من ناحية ما تفرطيش في قرايتك ومن ناحية راحا تندمي لو سمحت في واحد عارفاتوا يحبك وناويك للزواج والسن ما عندوش علاقة أحي عبدال بالاك صغير مي قد المسؤولية أنا ننصحك تحاولي معاه تقنعيه كان ما قبلش وإذا تحبيه أنا لو مكانك نختاروا هو المرا مكانها الدار مهما بلغت المراتب راكي مثقفة وقارية بزاف عليك والامر يعود لك وفقك الله

__________________________________________________ __________

>>>> الرد الثالث :

ya khti lakraya w lakraya
ness rahi tetzawej f sif w talak f chta

kolilo yasbar chuiya l3amat rahom belkhaf yfouto
ra,ed 3inik yfouto 3amine
diri diplom fi yedek radwa tih bik denya matelkay rir kraytek

netmenalek el khir okhti
rabi yhanik w kolchi b el maktoub

bitawfik

__________________________________________________ __________

>>>> الرد الرابع :

ياسلام على بنات بلادي قاتلتهم القراية .................................طلعتونا الصواريخ ولا رفعتونا البلاد ولا تخرجتونا طبيبات وعالجتونا النساء..........؟؟؟؟؟...................وان نرفد معايا السلاح (الدبلوم)..................وعلاه الزوج وحش حتى ترفعو عليه السلاح............................................ بالنسبة لاختي واضح جدا انت حبيتي تكملي الدراسة وهو ماحبش مكانش حل الا كل واحد يشوف طريقو...................انا بالنسبة لي لن انتظرها 6 اشهر حتى انتظرها 3 سنوات...................ما حكاية وحدة نحبها نستناها 10 سنوات هاذيك خلوها في الافلام احنا رانا في الواقع...................والحب بعد الزواج...........................اختي استخيري الله وصلى صلاة الاستخارة والذي ارتاح له قلبك اعزمي عليه وتوكلي على الله.....................ومافيها حتى سؤال هذي امور انت التي تفصلي فيها...............................والرجل رجل واللي تريدني تسمح في اي شيء ماشي انا نسمح في الوقت على جالها لان الوقت ليس لي..........................................والله لمستعان

__________________________________________________ __________

>>>> الرد الخامس :

4 سنين هذا وين جاكم المشكل تع الدراسة

نورالمو هذا اول شي تتفاهمو علييه

ذرك توقف وش حابة نتي ديري مبعد اذا كان حابة تخدمي بيانسور مش راح تفرطي في قريتك سينو اذا كان مش راح تخدمي أظن انو دراستك ما عندهاش أهمية يعني تقدري تحبسي

ملاحظة : مادام هم جادارمي يعني انتي صعب او لنقول مستحيل تخدمي لأنه يكون غير مستقر في مكان واحد كل 4 سنوات أو اقل يرسلوه الى منطقة يعني حق كي قالك حبسي لأنه ما عندها حتى أهمية دراستك كي تتزوجي به