توتر في البيت يزيد في قلقي مشكلة

عنوان الموضوع : توتر في البيت يزيد في قلقي مشكلة
مقدم من طرف منتديات العندليب

السلام عليكم اخوتي في الله و الله ما عنديش ليمن نشكي و نحكي حبيت نفضفضلكم خاوتي في الله و تنوروني
انا بنت وحيدة في العايلة عندي ثلاث دكور و انا اصغر وحدة المهم والله كنا عايشين في خير و سلام و مهنين الا ان اخي تعرف علي وحدة و حب يزوجها مي العايلة مقبلتش و خصوصا امي حاول كثير لكن مقبلتش من تم بدات المشاكل امي ولا عندا انهيار عصبي و المشاكل كثرت في البيت بصفة يويمة كل يوم عياط و مشاكل و صراخ و خاصة امي حست بلي ابي قابل بهد الفتاة فجن جنونها و صارت مطيقش بابا خلاص و هو رجع مهوش مهتم ابدا بالبيت
امي ضحات بزاف علي جالنا و هي لي رباتنا و كبرتنا بحكم انو عمل ابي كان يستلزم منو الصفر فكان مستهزي يعني بامور البيت
الامور تعقدت و اصبحت المشاكل فالبيت لا تهدا ابدا
في الصيف الي عدي زادت تفاقمت الامور و اخوتي الدكور فيهم الي مأيد امي في رايها و فيهم الي ميعجبوش الحال كي تولي تتقابض مع ابي و هوما يخدمو اغلب وقتهم خارح البيت و انا ادرس في الجامعة و جل وقتي في البيت يعني الشيء الي ساير كامل قدام عيني وليت نقلق بزاف و ندس في قلبي و معنديش ليمن نشكي في الصيف جاتني حالت اكتئاب كبيرة و وليت نقلق بزاف حتي وللات ضيق روحي و نحس روحي راحة نموت في اي لحظة من القلقة الي فيها رجعت عليا بالسلب كثير و خليت في قلبي و ماشكيت حتي لاحد تعديت هيدك الفترة وحدي و مع العلم اخي الي حب الفتاة يخدم و يسكن في الخارج مشي هنا
المهم في رمضان اكتشفت بالصدفة و يالها من صدفة اكتشفت انو اخي متوج من سنة 2016 و لديه ابنة عمرها عام و الله اني في هديك اللحظة مامنتش روحي و مخبرتش جتي واحد زادتلي القلقة حكيت معاه و زعفت منو و عليه بزاف خلاص من تما و انا اعاني اكثر
امي كل مرة تقول يا ريت نزوجو و انا نتفكر بلي عندو بنت حلوة و امورة مي منعرفوهاش شتها بالصورة برك بص الدار ميعرفوهاش يا حسرة
و من بعدها بمدة اكتشفت انو ابي هو الي راح خطبلو و مقالناش و و دارو العقد و معمبالناش و معمبالو بلي عندو طفلة صغيرة يعني امي فقط و اخي الاكبر منه اللي معمبالهمش
و الله و كل يوم مشاكل بين امي و ابي كل يوم كل يوم و غير انا الي نكون حاضرة و امي تجي تشكيلي نسمعلها و نخلي في قلبي و معنديش ليمن نشكي حتي في الونة الاخيرة وليت نحس بقلقة كبيرة و كانو دقات قلبي متسارعين و كانو فيه نغزات في جيهة قلبي و الله عمبالي كلشي من القلقة و زيد قاعدة غير فالدار من الجامعة لدار و من الدار للجامعة و حتي وليت هد اليومين احس بالام قوية في ظهري من الجزء العلو و متاكدة انو كل هدا من القلقة
و انتو واش رايكم في واش قلت و في الشي الي اعاني منه
طولت عليكم بزاف مي حبيت نفضفض

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يفرج همك ان شاء الله

لاه امك ماهيش قابلة بالمرا هذه ؟؟؟ هذه ماقولتيناش عليها

جربي اقنعي ماماك و قوليلها اقبلي و الا يروح يتزوج بيها بالدرقة ؟؟ و شوفيها واش دير

اهدري مع خوك و باباك باش تقولو لماماك ماتخلوهاش هكذا تعرف اليوم خير من غدوة

و انت كي جيك القلقة استغفري و ديري القران في الدار كل يوم

ربي يوفق و صلو عليه

__________________________________________________ __________

>>>> الرد الثاني :

ان شاء الله ربي يفرج عليك

وعلاه يماك دارت هدا الشي كامل لو كان قبلت من الاول و خلاص دوكا هو تزوج وخلاص حاولي تهدي يماك و ان شاء الله ربي يكون معاك

__________________________________________________ __________

>>>> الرد الثالث :

السلام عليكم أختي أولا ربي يهدي النفوس وكل دار فيها مشاكل ماراعيش غير داركم برك مي أنا ننصحك تحاولي تقنعي يماك باه توافق على زواجوا من المرا هذي ما تديش ذنوبها الاغلبية موافقين تزيد هي توافق حتى ينقصوا المشاكل بالنسبة للطفلة الصغيرة بنت خوك فهذا مشكل كبير لازم يماك تعرف وراحا تلومك لانك عارفة ومخبية عليها قولي لباباك وخوك يقولولها وإنت القرآن خير علاجإإسغفري ربي ولازم تفرغي من قلبك وتقولي كل دار فيها مشكل وإدعي لربي وصلي وربي يكون معاك ورانا هنا وقت ما تحبي تحكي راكي ختنا لو كاين طريقة نبعثلك رقم هاتفي ونكونو صحابات وإلا خواتات ماذابيبا حتى أنا وحدي فالدار شكرا ختي

__________________________________________________ __________

>>>> الرد الرابع :

بســـم الله

أختي الفاضلة
طيبي نفسا فهذا قضاء الله وقدره
فلا راد لقضائه
و لا مانع لقدره
فإشكي له همك و أطلبي منه ليفتح عليكي بما يرضى
فهو سامع النجوى و الشكوى
و مجيب الدعوى

و عليكي بالذكاء الطيب و الفطنة
لتليين قلب أمكي من جانب إبنها و أخيكي
و نبهي أخيكي ليسعى لنيل رضى
أمه
و يحاول كشف المستور بأسلوب مرموق
لمن وصى عليها الرسول
صلى الله عليه و آله و سلم
و اسعي لتلطيف الجو بين أمكي و أبيكي
بأسلوب حسن
و أعلم أن هذا عسير لكن بقدرة القدير
هو يسير
من سردكي يتضح أنه مشكل أنقض ظهرك
فلنا و لكي الله
فأسأليه لريفع عنكي

أسال كل أخ مار أو أخت مارة
على مشاركتي
أن يؤمن على دعائي
فلعل منكم مجاب الدعوة بفضل رب العزة

اللهم إني أسألك بإسمك الأعظم الذي إن سئلت به أعطيت
و إن دعيت به أجبت
أن تهدي أختنا و تهدينا إلى الصراط المستقيم
و أن تفرج همها
و ترفع غمها
و تزيل كربها
و حزنها
و أن تشفيها شفاء لا يغادر سقما
و تطيب خاطرها
و تريح بالها
هي و أمها
و تجمع شمل أسرتها
و تغفر لها و لنا و لجميع المؤمنين و المؤمنات
الأحياء منهم و الأموات
أنت ولي ذلك و القادر عليه


ســــــــــــــــــلام

__________________________________________________ __________

>>>> الرد الخامس :

الكل خشن راسو والكل خسر في الاخير...
السبب غياب الحوار العائلي والبناء...
الحل بين يديك اختي...ابداي بنفسك...
شوفي لنفسك حبيبة تحكيلها كل شيءوتكون امينة على اسرارك...
دورك فعال في العائلة بصفتك بنت مثقفة..
حاولي تحلي مشاكل البيت بالتي هي احسن بالتوسط بين الاب والام...
وربي يرجع الاستقرار ويشافيك ويهني كل العائلة..