محتارة بين أخي وأمي مشكلتي

عنوان الموضوع : محتارة بين أخي وأمي مشكلتي
مقدم من طرف منتديات العندليب

السلام وعليكم استسمحكم واتكلم العامية
انا الطفلة الكبية فالدار غير متزوجة اخي لي يصغرني بعامين حب يخطب في عمرو 25 سنة
حتا دركا مكاش مشكل
المشكل انو يحب راه حاب يتزوج بنت عمتي انا علابالي كان يكلمها فالهاتف وعلابالي كاين علاقة بصح انا قلت فترة وتجوز وكنت ديما نصحها ونقوللها مهما كان يبقى راجل وماتريش عليه فالحقيقة ماكنتش نظن الحكاية تكبر
وانا نحشم من خويا ونقادرو مانقدرش نصارحو ونكلمو في هاد الموضوع كنت نكلمها هي وننصحها حتى لحق نهار لي جاو ناس حابو يخطبوها والحقيقة جاوها بزاف مي ماكتبش ربي
المهم كي جاو هاد الناس خويا تأثر بزاف ومستحيل يقدر يخطب ديجا عندنا مشكل السكنى وهادا وين حفرنا باش نبنيو مسكن ادا قدرنا ربي
خويا درك كلمني وقالي قولي ليما تخطبهالي
كيما فهمتو قالي ماعلاباليش وقلبي راه معمر دبري راسك
انا الدمعة راه طايحتلي عليه نبغيه بزاف بصح المشكل لاخر يما قاتلي غير الفاميليا لي مانجبش
خاطر حنا درك رانا فالمشاكل ويما مادابيها شومبرا وحدة وتروح ترحل وتتهنى من المشاكل بصح قاتلي كان مايخطبوهاش ونروح انا نخطبها شحال تقعد تسنى وعلاه يربط الطفلة قاتلي انا هادي المسؤولي كيما منحبهاش لبنتي مانحبهاش لبنت الناس وقاتلي الفاميليا لالا يعني لالا
وانا راني كي المرسول بين خويا لي غاضني بزاف ويما لي مانحبش نزعفها وعندها الحق
يا خاوتي واش ندير علابالي خويا يحبها بصح راني خايفة عليه
انصحوني وشيرو عليا وادعولي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و عليكم السلام

كان الله في عونكم أختي ..

للاسف هناك معلومات ناقصة و هي تخص الحالة المادية للاخ ..
و حسب رايي الشخصي فإن والدتك على حق في مسالة ترك البنت معلقة تنتظر مستقبل مجهول ..
و اظن أن الحل المنطقي هو أن يتنازل الأخ عن فكرة الزواج الآن حتى يستطيع ضمان مسكن و بعض المال للخطبة .. و قد تغير الام رايها اذا رات أن ابنها قادر على تحمل المسؤولية و يريد فعلا الزواج من قريبتكم ..
اما أن يخطب البنت و هو لا يملك إلا مشاعر .. فهذا هروب من الواقع .. و إذا قبلت اليوم امك خطبة البنت فهي التي ستتحمل ضغط العائلة .. و حتى لو قبل أهل البنت فمع الوقت سيبدؤون بالضغط على أخيك و امك للاسراع في الزواج .. و الكل يعلم أن مشاكل البناء كافية لتحطيم معنويات الانسان و شغل كل تفكيره .. فكيف سيكون الحال إذا زاد عليه مشكل الزواج ...
باختصار .. انصحك ان تقنعي اخاك أن يتحلى بالمسؤولية و أن يُعد نفسه في اقرب وقت و يوفر بعض المال للخطبة و مسكن منفصل لزوجته و هذا ليُظهر لأهل البنت و لأمك أن قادر على تحمل المسؤولية .. فقد تغير أمك رايها و تقبل ..
أما إذا كان غير قادر على توفير ما يلزم في القريب العاجل فمن الأحسن أن ينسى امر الزواج لأنه لن يجني إلا المشاكل لنفسه و لعائلتك ...
هذا ما أظن و الله أعلم ..
بالتوفيق إن شاء الله ..

__________________________________________________ __________

>>>> الرد الثاني :

yamak 3andha lha9 whia ta3raf dania kifah rahi dor salaaaaaaaaaammmmmmmm

__________________________________________________ __________

>>>> الرد الثالث :

ايه مدام هو ماشي واجد ما يمكنش وزيد زواج ضرك فيه مصاريف كبار
ولكن تاني كون تهدرو عليها وربي يجيب الخير

__________________________________________________ __________

>>>> الرد الرابع :

راهو يخمم غير بقلبو و عقلو و ينو ؟؟؟

قوليلو حط بنت عمتك هذه هي انت (انت اختو ) اذا يقبل اللي رايح يديرو في بنت عمتو ؟؟؟

كل شي بالمكتوب و اذا كانت مكتبتلو راه يديها و لو يخطبوها 100000000000000000

الحب مايكفيش خلاص

ربي يوفق و صلو عليه

__________________________________________________ __________

>>>> الرد الخامس :

انا نشوف ديما زواج الفاميليا هدا غير ناجح 1مية بالمية وديما فيه مشاكل بين العائلة انتم في مشكل السكنة وهو حاب يزوج والبناء درك صعيب