أبي وأمي مشكلتي

عنوان الموضوع : أبي وأمي مشكلتي
مقدم من طرف منتديات العندليب

لست ادري أهي مشكلة أم ماذا

سوف أروي لكم وضعنا بين والدي ..........................
والدتي على خلاف دائم مع الوالد و والدي صعب جدا يعني la montalété نتاع رجال بـــــــــــــــــــــــــــــــاكري .....متعصب جدا لكن في نفس الوقت يحب والدتي كثيرا ..............................و المشكل انهما في خلاف دائم .................لدرجة أنو أحيانا يقول لوالدتي روحي خرجي عليا و خليلي الدار ................
نحن الدكور موظفون و لا نعود الى المنزل إلا في وقت متاخر ...........و لما نعود تبدا بالشكوى .....راه قالي و دارلي .....و دارلي
قلنالها يا يمى ...................ماتزيديش تحكي معاه ......................إعتبريه كانه غير موجود ....في المنزل ............تقولنا راني باقي في هاذ الدار غير على جالكم باش نزوجكم ...و نشوف أولادكم .....................قلنالها أوكي ....................الوالد ماتزيديش تحكي معاه .................صاي .....قالتنا أوكي .................
تخيلو ا بعد إتفاقنا معها .....تهدئ المشاكل ....و تكون المسكين على اتم راحتها النفسية .................بعدها ماذا نكتشف .....أنها في حضورنا ......لا تكلمه و كانها على خلاف خلاف معه ........................و في غيابنا .......تعود و تتحدث معه نورمال ......و إكتشفت ذلك في مرة من المرات من باب صدفة عودتي المفاجئة الى المنزل ................لقيتها ضاربا معاه قهوة نورمال ..............................قلتها يا يما واش تفاهمنا ...............................................ران احبين نحبسو المشاكل ....الله يهديك ......و يتدخل والدي و يقولي ....و نتا واش علاقتك ...............................و الله مافهمت والو .................دبرو عليا .......................مقدرتش على مشاكلهم مع معض .....صحيح مرانيش نبقى في الدار مي .....لما نشوف الوالدة تبكي ...و حالتها النفسية في دنو و الله نزعف و نتقلق ....و هذا حال كل إخواني الدكور.........................أشيرو علي .....................زعلابالي كثرت .........لكن نتمنى توجدولي حل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صباح الانوار عزيزتي و الله ياأختي هذو الخلافات ماكانش بيتك ماتخلوش منه و هم كيما يقولو نكهات البيت الزوجية المهم انتم الاولاد يجب ان تكونو محايدين بين والديكم لانهم حساسين كثيرا حاولو ان تخلقو روح المرح بينهم و ان تهدنو من طبع الوالدة العزيزة لانها هي عماد البيت و تهلاو فيهم هم عـــــــــــــــــــــــــز و سلامي و ربي يعونكم

__________________________________________________ __________

>>>> الرد الثاني :

مرحلة خطيرة في حياة الزوجين ساعدي والديك في الخروج منها .

__________________________________________________ __________

>>>> الرد الثالث :

ما تدخلش بيناتهم
راح تربح غير العيب معاهم
و راهم يرجعو لبعضاهم
و إنت اللي تربح العيب مع باباك
اللي يشكيلك أنصحو بالتي هي أحسن
و ما تغلطش في حق أي واحد منهم

أخي عن تجربة

و إحمد ربي أنك ذكر يعني تقدر تخرج البرا و ما تحضرش ديما لمشاكلهم
كون جيتي طفلة و قاعد في الدار وش دير


...............................الله المستعان

__________________________________________________ __________

>>>> الرد الرابع :

نصيحتي بين المراة وزوجها عمرك ماتدخل روحك ابدا وبالخص والديك شوف جيت لقيتها قاعدة معاه تتقهوا ماشي نضارب معاه يعني ربحت العيب مع باباك هدا مكان الي يشكيلك منهم ماتقولو والي اسمع وقول ربي يهدي و العن ابليس ومن هاد الكلام و انت ان شاء الله تجيك بنت الحلال و تهنيك و تجيبلهم احفاد يلتوهوم

__________________________________________________ __________

>>>> الرد الخامس :

اخرج منها انت وحاول نصح الأقرب إليك منهما ونظن الوالدة أقرب لأنها حنينة وبما أن طباع والدك حادة نوعا ما فحاولوا ارضائه قدر المستطاع وتجنب إزعاجه

وأهم شيء عليك بالدعاء لهما بالهداية وإصلاح علاقتهما