عنوان الموضوع : انا محتار جدا مشكلتي
مقدم من طرف منتديات العندليب
السلام عليكم
انا طالب جامعي ومشكلتي انو البنات او الزميلات لي يقرو معايا يجو دايما يقعدو معايا فساحة الجامعة كي نكون وحدي ولا مع صحابي ما تفرقش عندهم ويقعدو وكاين بنات يقعدو يسلمو فالوجه اخخخخخخ والله غير حشومة انا دايما نحاول نبعد ونمد غير يدي للتحية بصح هوما ماعلابالهم يسلمو وخلاص...صحابي قالولي ماتزيدش تجيبهوملنا حنا في حنا وراهم يجو على جالك ..................................
انا صح نحب نقصر ونضحك بصح فالقسم برك وما قلتلهمش لصقو فيا والمشكل الكبير يقعدو يقولولي نتا وحدة قاتلي علاش تعجبني ؟ هههه والله غير حشمت واش نقول...وانا باش نقزي الناس ونطردهم ماشي عقليتي وجامي نخسر مع واحد ولا وحدة
أرجو انكم تكونو فهمتو المشكلة وانصحوني واش ندير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ما دام تمد يدك للتحية يعني مؤشر للترحيب بالفكرة و قبولك لما يحدث من تصرف
يا أخي ابتعد عن مثل هذه المواقف أشغل نفسك بالمراجعة أو أي شيء آخر تجنب هذه الجلسات
و أكيد راح يفهموا ذلك بطريقة غير مباشرة
لو وافقتهم الرأي سوف يجرونك إلى أمور أخرى
الله يهديهم
__________________________________________________ __________
>>>> الرد الثاني :
عذرا على التدخل وانا أقل منك سنا لكن من باب النصيحة فقط
أصلا مد اليد حرام ....... مصافحة الرجل لامرأة غريبة عنه محرمة في ديننا الحنيف
حاول أن تبتعد عنهن قدر الإمكان حتى وانت في القسم لا تتحدث إليهن كثيرا فالبنات عندما يجدن شخصا طيبا ويتحدث معهن بانشراح صدر لن يدعنه
وكيما نقولو بالعامية: خلي لروحك هيبة عندهم ......... خلي الوحدة فيهم قبل ما تهدر معاك تحسب ألف حساب
سمطهم وخلي يقولو سامط ..... واللي تشوفها كثر الهدرة معاك قولها احترمي روحك
ربي يوفقك في قرايتك
__________________________________________________ __________
>>>> الرد الثالث :
ههههههه يجوك غير على وجهك ولا دراهمك خويا ننصحك اهتم بالمفيد...
__________________________________________________ __________
>>>> الرد الرابع :
بدل العقلية،دير كيما صحابك،ماتهدرش معاهم في القسم، مايجو يمدولك يديهم مايسلمو ما يجمعو وهكذا ترتاح
راني شايفة عقلية بعض البنات اذا ضحكلهم الراجل لصقوا فيه،حاول تبعد قدر ما تقدر،وابقى دائما مع صحابك الذكور،حاول تجبد كتاب وترا فيه يعني ما تمدلهمش الوجه وهكذا يبعدوك بسهولة
وربي يوفقك
__________________________________________________ __________
>>>> الرد الخامس :
بما انك تحب تقصر وتضحك ........ مزلت تشوف
+
كيما هم وقحات ويجو يسلمو ويقصرو توقّح فيهم وبعدهم عليك متربح منهم حتّى فايدة
+
ماهمش حاجة كبيرة بش تحشم تقوللهم متزيدوش دورو بيا .....نورمال اليوم تقوللهم انت غدوة يدورو بآخر
ربي يهدي الجميع
