ماذا تحب ماذا تجيدين؟ قضايا اجتماعية
عنوان الموضوع : ماذا تحب ماذا تجيدين؟ قضايا اجتماعية
مقدم من طرف منتديات العندليب
السلام عليكم اعضائي الأعزاء اليوم شاركوني موضوع اوحاه لي الاخ الواثق أشكره قال في رد لموضوعي أنا نقطة ضعغي الاكل سمعنا من أمهاتنا وهن بدورهن سمعن من امهاتهن عبارة لتصلي إلى قلب الرجل عليك المرور بمعدته
لكن الطريق هذه الأيام التي تؤدي إلى قلب الرجل تبدلت ولات فيها بيتزيريا ومحاجب فالشارع وكل شي
انت الشاب عندما تتزوج ماهي الاكلات المفضلة لديك ؟
أنت أيتها الفتاة بكل صراحة ماذا تجيدين أن تطبخي ؟ وإن كنت لا تعرفين بكل صراحة قولي شكرا للجميع بصحتكم
ملاحظة
ارجوا من المشرفين تعديل العنوان اخطأت الفصد ماذا تحب ماذا تجيدين ؟ شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم سأضع ردا لنفسي أولا كنت نقرا ما نعرف ندير والو يا ربي نقلي البطاطا ومن بعد عايروني صحاباتي قالولي وكي تتزوجي كيفاه وين الراجل اللي يقبل ياكل البطاطا برك خممت فيها وليت نتعلم كل شي تعلمت الحلويات وتحصلت على ديبلوم مي الراجل كل يوم قاطوا نطلعلوا السكر لازم شوية مالح رحت نتعلم نعجن عندي جارتي مرا كبيرة وتحبني بزاف كانت تظل مورايا يا طفلة تعلمي تعلمي وانا نقولها لالا وليت انا نحلل فيها علمتني ربي يخليها تعلمت نعجن وندير المحاجب والبغرير هههههههه وكل شي الحمد لله ضرك نتاع الصح طباخة فور كيما يقولوا خليت البطاطا مي قالك مريلينا تعلمت تطيب وطاحت فالمرض الله غالب لا طياب لا راجل ناكل برك ههههه شكرا
__________________________________________________ __________
>>>> الرد الثاني :
دائما تغلطي في العنوان المرة لي فاتت كتبتي جنيعا في عوض تكتبي جميعا و اللي قبلها كتبتي بمل صراحة في عوض بكل صراحة و اليوم غلطة أخرى يا مريلينا المهم لا يوجد ردود و الموضوع و الله رائع لذا سوف أرد ،أنا نعرف نطيب كل شيئ نعرف نطيب شكشوكة و بطاطا مقلية و فريت أومليت و بيض مقلي و بيض مسلوق و صلصة طماطم ههههههههههههههه الله غالب ما نعرفش إن شاء الله نجي لعندك تعلميني وش رايك هههه أكيد نعم مشكورة مريلينا
__________________________________________________ __________
>>>> الرد الثالث :
ما معنى هل هذا خطأ آخر هههههههههه
__________________________________________________ __________
>>>> الرد الرابع :
المشاركة الأصلية كتبت بواسطة samir 1990 https://3andlib.xplainer.net/images/...s/viewpost.gif
دائما تغلطي في العنوان المرة لي فاتت كتبتي جنيعا في عوض تكتبي جميعا و اللي قبلها كتبتي بمل صراحة في عوض بكل صراحة و اليوم غلطة أخرى يا مريلينا المهم لا يوجد ردود و الموضوع و الله رائع لذا سوف أرد ،أنا نعرف نطيب كل شيئ نعرف نطيب شكشوكة و بطاطا مقلية و فريت أومليت و بيض مقلي و بيض مسلوق و صلصة طماطم ههههههههههههههه الله غالب ما نعرفش إن شاء الله نجي لعندك تعلميني وش رايك هههه أكيد نعم مشكورة مريلينا |
السلام عليكم اختي والله كل مرة نغلط فبلاصة الحروف نكتب بلاما نشوف وفات فيا ندير أوكي خلاص المهم فهمتوني هههههههه بالنسبة للردود عادي المهم قراو موضوعي ممكن النسا ما يعرفوش يطيبوا والرجال ولاو ما ياكلوش هههههه شكرا على مشاركتك ومرحبا بيك أرواحي نعلمك وإلا نجي ليك ماكانش مشكل نعلمك اللي تحبي شكرا اختي
__________________________________________________ __________
>>>> الرد الخامس :
انا ما نعرف نطيب والو ونتمنى تكون حماتي طباخة حتى زوجي نتمنى يكون طباخ بش لما يجيب الضوف تاعو يقوم بيهم وحدو هههههههههه
اعرف ولا اعرف لانني اتعلم دائما شيء جديد
