..::: أهلا بك في ( بلاد الأكتاف ) :::... من قضايا الساعة
عنوان الموضوع : ..::: أهلا بك في ( بلاد الأكتاف ) :::... من قضايا الساعة
مقدم من طرف منتديات العندليب
الشعب يعيش في كابوس
في بلاد الأكتاف بلاد العافس والمعفوس.
هاذا يا خويا وش تسمع.
** تحب تخدم لازم تدفع ***
قليل لي يعاون
قليل لي يشجع
تروح ل bureau main d'oeuvre تسمع جملة
** غدوة أرجع **
وأسمع...........
شحال من etudiants ثما في l'université.
وباباه كل شهر يبعثلوا باش يقرا ويكسي.
خلي نهدر راني قلبي معبي.
عللي شدوا الرشوة.....
عاشوا هوما فالعز
وللشعب خلوا الفضلة.
معيشة كحلة عايشينها أكثر من الكلاب....
((( حنا ولاد الشعب نحاربوا كلمة * الأكتاف* )))
تكلم ...... مادام الشعب كل واقف معاك
تكلم....... مادام الشعب كل بصوتوا معاك
اليوم كل نروحوا نرفعوا الراية
وبصوت واحد نقولوا:
*** ضد الرشوة .......... ضد الأكتاف ****
حال الشباب يسخف......
حال الشباب يغيض.......
الصيف ولى خريف......
العاقل ولى criminel......
ولي بعقلوا ولى مريض......
تشوف السوفرونس فالعينين تتقرا........
بالصح jamais واحد فينا قال كلمة : ' لا '
تكلم ...... مادام الشعب كل واقف معاك
تكلم....... مادام الشعب كل بصوتوا معاك
اليوم كل نروحوا نرفعوا الراية
وبصوت واحد نقولوا:
*** ضد الرشوة .......... ضد الأكتاف ****
أنا مواطن عادي ما علاباليش بال politique
خدام بالصح دورو لا في الجيب.
واحد من الشعب عايش في بلادي قد قد
بلاد الأكتاف وين حد ما يرحم حد.
هاذاك علاش نحب نشوف بلادي في خير
خلونا من الأكتاف لي ما خلاتش الواحد يدير....
حاجة واحدة - قبل ما نموت - نتمنى يولي للشباب avenir
نشوف الغني شاد الصف كيفو كيف الفقير.
مكاش حاجة أسمها واسطة....
مكاش حاجة أسمها ولد فلان...........
ما نحبش نسمع واحد déplomé مات في حرقة...
بعد ما راح عمرو في ستيلو و ورقة
**** أهلا بك في بلاد الأكتاف ****
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يجب الخير هذا واش نقدر نكتب
شكرا اخي بارك الله فيك
__________________________________________________ __________
>>>> الرد الثاني :
السلام عليكم
يقال الازمة تولد الهمة
اصبحت تنظم الشعر
ربي يصلح الاحوال
__________________________________________________ __________
>>>> الرد الثالث :
**** أهلا بك في بلاد الأكتاف ****؟؟؟؟
__________________________________________________ __________
>>>> الرد الرابع :
__________________________________________________ __________
>>>> الرد الخامس :
