راني وليت.........(صلة الارحام) من المجتمع
عنوان الموضوع : راني وليت.........(صلة الارحام) من المجتمع
مقدم من طرف منتديات العندليب
السلام عليكم يا جماعة خلاص التشناف نتاع مريلينا الزعاف راح ههههه فالحقيقة والله ما إنتوما اللي زعفتوني أنا تقلقت من روحييييييييييييييييييي اللي كنت السبة ياخي راكم عارفين الحكاية نحاول ما ندردش مي يا خاوتي ما نضمنش هههههههههه
الفايدة والمحصول ربي يخليكم تحبوني كامل هكذا والله بزاف ربي يخليكم قريب نوضتو ثورة المنتدى على جالي ربي يخليكم ويجازيكم شكرا للجميع شكرا على كل مساعدة كل كلمة طيبة كل موقف ربي يخليكم
يا جماعة من بعد ما شفت الوقفة نتاعكم معايا تحسرت قلت سبحان الله ناس ما يعرفونيش المنتدى هو الصلة بيناتنا ورحموني وراهم يساعدوني بينما الصلة اللي طلب ربي منا نوصلوها صلة الرحم واقفين ويتفرجو علاه
صلة الرحم قولولي علاه ما كانش الرحمة بين صلة الرحم والاقارب ما نروحوش بعيد قبل ما إنتم تساعدوني من المفروض خويا مي هو يجي من العيد للعيد وايضا لدي أعمام الله يبارك شكاير نتاع دراهم اغنياء ما شقتهمش ماللي توفى الوالد نتاعي
ناقشوني على صلة الرحم واللي صرا معاه موقف مشابه إذا راكم مع الخير تلقاه عند الغريب وما تلقاهش عند الحبيب شكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بصراحة حاليا الاقارب عقارب حاشا اللي ما يستاهلوش
__________________________________________________ __________
>>>> الرد الثاني :
اهلا باختنا
الحمد لله على سلامتك و نتمنى انك تتحسني في لقرب وقت ياااااااااااااااااااا رب
__________________________________________________ __________
>>>> الرد الثالث :
الحمد لله على السلامة اختي
تخيلي كانت تخدم معايا وحدة مرة وراتلي سلسلة تاع ذهب شابة كي قلتلها شحال شريتيها وخبرتني اتني رخيصة قلتلها راكي شريتيها رخيصة قالتلي شريتها من عند اختي قلتلها اختك علاش باعتها شابة قالتلي راهي حامل وعندها مشكل لازم تتدخل للسبيطار وتدير تحاليل وعملية جراحية وهي ماعندهاش دات تبيعها للصياغ وانا قلت فرصة نشريها
كنت نحتارمها ونبغيها بصح ملي سمعت هذا الكلام منها كرهتها قلت كيفاش استغلت اختها من المفروض الدراهم اللي شرات بيهم السلسلة مانقولوش تعطيهملها ماعليش غير تسلفهملها تنقذ اختها من الموت وجنين اختها كي قلتلها لماما قالتلي انتي علاش كرهتيها ياخي اختها وتدبر راسها قلتلها هاذي اختها وما حنتش عليها ووقفت معاها في وقت الشدة كيفاش تحني عليا انا اللي مانعرفها ماتعرفني
__________________________________________________ __________
>>>> الرد الرابع :
السلام عليكم اختي كيف الحال؟ صح حاشا الي ما يتسهالهاش تستناي منهم حاجة نتاع الشر محال يحبو الخير شكرا
__________________________________________________ __________
>>>> الرد الخامس :
المشاركة الأصلية كتبت بواسطة amal2000 https://3andlib.xplainer.net/images/...s/viewpost.gif
الحمد لله على السلامة اختي
تخيلي كانت تخدم معايا وحدة مرة وراتلي سلسلة تاع ذهب شابة كي قلتلها شحال شريتيها وخبرتني اتني رخيصة قلتلها راكي شريتيها رخيصة قالتلي شريتها من عند اختي قلتلها اختك علاش باعتها شابة قالتلي راهي حامل وعندها مشكل لازم تتدخل للسبيطار وتدير تحاليل وعملية جراحية وهي ماعندهاش دات تبيعها للصياغ وانا قلت فرصة نشريها
كنت نحتارمها ونبغيها بصح ملي سمعت هذا الكلام منها كرهتها قلت كيفاش استغلت اختها من المفروض الدراهم اللي شرات بيهم السلسلة مانقولوش تعطيهملها ماعليش غير تسلفهملها تنقذ اختها من الموت وجنين اختها كي قلتلها لماما قالتلي انتي علاش كرهتيها ياخي اختها وتدبر راسها قلتلها هاذي اختها وما حنتش عليها ووقفت معاها في وقت الشدة كيفاش تحني عليا انا اللي مانعرفها ماتعرفني |
السلام عليكم اختي شكرا على إتصالك الهاتفي أسعدني كثيرا
شغتي صح هذا صرا معايا انا ماشي أختي مي خويا لما مرضت فالبداية مانت امي ما تعملش وتلزم دواء علبة ب 300 ألف العلبة تشد نهار ونصف يعني لازمني تقريبا كل يوم علبة امي حارت وما عرفتش واش دير كانت عندي سلسلة ذهب كانت كادو نتاع الباكالوريا من امي خويا سمع اني راحا نبيعها على جال مريضة شراها من عندي لمرتو وراهي ديرها كي نشوفها بيها نحب نموت نقولك الصح ماشي حسد لالا بيني وبينها غير الخير لا إحتكاك راهي بعيدة عليا بنت الناس اللوم في خويا ربي يهديهم
الموقف نتاعك هذاك هو ما رحمتش ختها ترحمك إنت
شكرا عزيزتي
