عندنا فيلاااااااااااااااااااا من المجتمع
عنوان الموضوع : عندنا فيلاااااااااااااااااااا من المجتمع
مقدم من طرف منتديات العندليب
السلام عليكم
اخوتي اخواتي في هاذا المنتدى الرائع
ردو بالكم كي تشوفو العنوان تحسبو بلي عندنا فيلا.............
ههههههههههههههههههههه
لا لا بصح حبيت نحكيلكم على الفيلا.................
هاذي حبيبتي و ختي تحكيلي بلي كانو يسكنو في apartement
كيما نقولو حنا في باطيما **او برتما**
و كيما تعرفو البرتما تتميز بالضيق خاصة و اذا كان عدد الافراد بزااااااف
المهم هاذي حبيبتي كانو الله يبارك 7 افراد و باباهم و يماهم و ترباو و الحمد لله في دار وحدة و كبرو مع بعض ...
اذا تغذاو و لا تعشاو راهم ملمومين حول طاولة وحدة و كل واحد واضع رجلو فوق رجل خوه**يعني الضيق**
و اذا نامو يتستفو كي السردين و يتغطاو بغطا واحد ...
و عندهم تلفزة وحدة فالدار يعني يتفرجو مع بعضاهم .....
يعني راني نقولك عايلة كي الناس بصح تمتاز بالدفئ و الحنان بالرغم من الضيق........
كبرو الولاد و البنات .....و جا الوقت اللي قالهم باباهم راني بنيت فيلا لولادي و وسعتلكم و ذوك تتهناو من الضيق......
رحلو و سكنو في الفيلا و رواحو نقوللكم واش صرا.,,,,,,,
كل واحد صار عندو شمبرا و في كل شمبرا تلفزة و حاسوب ... يعني كل ما تحتاجو في شمبرتك........
صارت طاولة الغذا و العشا مهمومة على قد ما كانت تلمهم على قد ما ولات فارغة على خاطر كل واحد ياكل وحدو parceque ماعندهمش الوقت : الميكرو من جهة و التلفزة من جهة و الهاتف من جهة اخرى..................
المهم قعد الاب و الام مهمومين يحسو بالوحدة بالرغم من انو عندهم 7 ولاد و بنات الله يبارك......
و bien sur كيما يقولو تزوجو البنات و تزوجو الاولاد بصح الكناين طلبو ديارهم يعني: نسكن وحدي و مانسكنش مع الحوانا***حنا نقولو للعايلة الكبيرة حوانا***
المهم ظلت الدار فارغة و كي يشوفوها الناس يقولو : ايييييييييييييييييييه عندهم فيلاااااااااااا واش خصهم؟؟؟؟؟
بصح مايعرفوش بلي وراء كل جدار حكاية...........
نتمنى تعجبكم حكايتي مع الفيلا ..............
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هل انت تقصديننا والله تقول تحكي علينا مع اختلاف طفيف.....
__________________________________________________ __________
>>>> الرد الثاني :
ما فهمتكس اختي واش قصدك؟؟؟؟؟
يعني راكم عايشين كيما هاذ الحالة.؟؟؟؟؟؟؟؟؟؟؟؟؟
__________________________________________________ __________
>>>> الرد الثالث :
ههههه عجبتني كلمة الحوانا
احنا ثاني نقولوها
عندك الصح يا اختي
ماكاش افضل من البيت الكبير
الاخوة مع بعض متكاتفين و متعاونين
و الكناين متفاهمين
__________________________________________________ __________
>>>> الرد الرابع :
نشكرك خويا على المرور
ماكاش كيما الطيب و الهنا في الدار الكبيرة و التعاون كذلك عندو دور...............
__________________________________________________ __________
>>>> الرد الخامس :
ايه هذا ما قصدتو
