نحس بلي الناس في هذا المنتدى قع عندهم ماسك مجتمع
عنوان الموضوع : نحس بلي الناس في هذا المنتدى قع عندهم ماسك مجتمع
مقدم من طرف منتديات العندليب
يعني استغربت لقمة الادب و الوداعة و اللباقة بين مرتادي هذا المنتدى حتى انا منكم ...كلام لبق و منمق و مزخرف ....تادب الله الله .....قمة الاحترام بين الاخوة و الاخوات
يعني انا حبيت نعرف هل كل واحد في هذا المنتدى داير قناع ....يعني كي ندخلو للمنتدى هذا نديرو قناع السلاسة في الكلام و التهذيب في الردود
هل في الواقع كي تتكلم مع امك تتكلم معاها بجزء من تلك اللباقة التي نرميها يمينا و يسارا في المنتدى مع اخيك اللي راك مخاصمو و ما تهدرش معاه و ما تتفاهمش معاه تتكلم معاه بمثل الود اللي تتكب بيه في هذا المنتدى ....نتيا مع اختك لي تغيري منها و تلقايلها السبايب باش تداوسي معاها .....تهدري معايا غير بالقدر ولا غير التشناف و تجي عندنا هنا في المنتدى تقلي علينا في الحوت .
هل راني داير ماسك يا جماعة و لا راني ضاربتني سخانة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يا اخي انا امي عادي خطرة تزقي عليا خطرة تزعف نراديها بنسبة للاخت لا يوجد معفية من الحالة الثانية
انت كن نفسك فقط فلا هم لك في الاخرين احترم نفسك يحترموك اديها قاعدة
__________________________________________________ __________
>>>> الرد الثاني :
اذا لساني مانحكمش فيه مرات .....هل انقل مايقوله لساني من غضب وسخط الى المنتدى ؟؟؟؟.........نقدر نشبهلك المنتدى بالمسجد يعني تشبيه فقط ملزم اي واحد انو يتخلق وبكون كلامو لبق.........ليس المعنى انه داير قناع ........فاي واحد منا اكيد نيته سليمة ويحب الخير ويطمح للمثالية ولو كان عندو نقص كبير لكن كي يتعلم يسمع ويرد بلباقة اكيد يتعلمه ويطبقها فيما بعد على كل جوارحه خارج المنتدى ........والمشكلة احنا للاسف ولينا نسمو اللباقة لواحد كي يسكت عن الحق واذا تكلم يقولو عليه وقح وضنه سيء.......والواحد قابضها غير مجاملات في الحرام والحلال يقولو عليه لبق ماشاء الله..............................اللهم حسن خلقنا واجعل الستنا تقول خيرا او لتصمت ..............
__________________________________________________ __________
>>>> الرد الثالث :
هنا كامل نعرفو بعضنا لازم يكون الاحترام
__________________________________________________ __________
>>>> الرد الرابع :
السلام عليكم
لكن في نظري أن الفائد من المنتدى تكمن هنا فيما ذكرته
أي محاولة التحكم في النفس قدر المستطاع حتى وإن كنا في حالة غضب
وهكذا يوما بعد يوم إذا كنا من الناس الذين يغضبون بسرعة
ربما الردود تعلمنا أن نتراجع على مالا يليق التفوه به
وهذا لايعني أننا نضع أقنعة بالعكس نحن نحافظ على احترام غيرنا قبل احترام أنفسنا
أما القناع فأنا أراه في الردود التي تفتقر إلى المصداقية
وتهتم بالمدح فقط وعدم ابداء الرأي الحقيقي الشخصي
ومهما كان القناع الذي نرتديه فلابد له أن يسقط يوما
لأن الطبع يغلب التطبع أخي
شكرا لك
__________________________________________________ __________
>>>> الرد الخامس :
شكرا لصاحب الموضوع
ونقلك حاجة باينة كي تتكلم مع احد متعود معاه تتكلم بحرية على طبيعتك
وكي تكون تحس الناس كامل تراقب في كلامك أكيد لازم تنتقي كلام مهذب إحتراما لأعظاء المنتدى
وهذا لايعتبر نفاق بل لباقة في الكلام
