مقهورة مجتمع

عنوان الموضوع : مقهورة مجتمع
مقدم من طرف منتديات العندليب

هذه المرة الثانية للباك ومنجحتش ياربي والله غير درت لي عليا وقريت اكثر وفي الاخير نلقى نفس النتيجة صدمة كبيرة ليا والاهل لي كانوا كامل ينتظرون النتيجة بفراغ الصبر والله تقهرت يا جماعة ومعرفتش واش ندير مستقبلي ضاع واحلامي تبخرت راني في حيرة قولولي واش ندير والله مقهورة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لماذا مقهورة؟؟؟
هل المستقبل في الباك فقط؟
لا في هذه الحياة ربي خلقنا كل واحد عندو حاجة فيها
وماشي غي الباك اللي كاين في حياتنا عادي العام الجاي تجيبيه ان شاء الله
نعرف جارنا للمرة الثامنة باه جاب الباك .علاه صبر نال
الصبر مفتاح الفرج.....
ربي يوفقنا ان شاء الله في ما يحبه ويرضاه

__________________________________________________ __________

>>>> الرد الثاني :

المشاركة الأصلية كتبت بواسطة amira2020 https://3andlib.xplainer.net/images/...s/viewpost.gif هذه المرة الثانية للباك ومنجحتش ياربي والله غير درت لي عليا وقريت اكثر وفي الاخير نلقى نفس النتيجة صدمة كبيرة ليا والاهل لي كانوا كامل ينتظرون النتيجة بفراغ الصبر والله تقهرت يا جماعة ومعرفتش واش ندير مستقبلي ضاع واحلامي تبخرت راني في حيرة قولولي واش ندير والله مقهورة

يا اختي مالازمش تفقدي الامل و ادا راكي صح صح حاباتو كوني متاكدة بلي لنشاء الله تديه
انا فوتو3 مرات منجحتش و في 4 ديتو لاني كونت حابا تديه و ديتو و قريت في الجامعة وتخرجتى و راني تخدم ادماج و الحمد لله :d:d:d ماتقلقيش ادا كتيهولك ربي راكي تديه و كيما اليوم تجي امشاء الله اهدا المنتدى و في هدي الصفحة و تقوليلنا باركولي راتي ديت الباك ربي يسهلك و ما تيأسيش لبداااااا وراه وراه و الزمن طويلhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gif

__________________________________________________ __________

>>>> الرد الثالث :

السلام عليكم
أختي الكريمة يمكنك أن تسجلي مع الأحرار العام المقبل
وسيكون النجاح حليفك بإذن الله
وإن شاء الله هذه عثرة
فلا تفقدي الأمل
والحمد لله ضميرك مرتاح لأنك اجتهدت وعملت ما باستطاعتك
أما الأهل صحيح كل واحد منا يتمنى أن يدخل الفرحة على قلوبهم
لكن الحياة مازالت مستمرة
وسيحصل ذلك العام القادم إن شاء الله
تحياتي لك

__________________________________________________ __________

>>>> الرد الرابع :

علاه تنقهري مازالك صغيرة وتعاوديه ماكان حتى مشكل وكل عطلة فيها خير و خيرها فغيرها
والله هو المستعان

__________________________________________________ __________

>>>> الرد الخامس :

لا يا اختي لا تقولي هكذا عندي صديقتي جوزاتو 3 مرات وما جابتوش وهذي المرة خصتها نص نقطة وتجيبو ومازال عندها امل في السنة المقبلة وما فقدتش الامل كوني مثلها وما تيأسيش ادعي من ربي وقراي ربما يكون هناك شيء ليس في صالحكي لو نجحتي في الباك يعني كي ما جبتيش الباك هذي حاجة لمصلحتك ولا يعلمها الا الله عز وجل الذي قال في كتابه الكريم " عسى ان تكرهوا شيئا وهو خير لكم, وعسى ان تحبوا شيئا وهو شر لكم " يعني لا يصيبنا الا ما كتبه الله لنا واي حاجة يكتبهالنا ربي سواءا تعجبنا ولا ما تعجبناش فهي لمصلحتنا غير حنا احيانا نفقدو الامل .ثقي في الله وربي معاك