مجتمعنا الفضوي قضايا المجتمع
عنوان الموضوع : مجتمعنا الفضوي قضايا المجتمع
مقدم من طرف منتديات العندليب
السلام عليكم يا جماعة واش احوالكم؟
مريومة ولات بمواضيع تمنشير كيما قالو عليا شي ناس نروح للحمام نجيب الاخبار
من باب حياتنا اليومية لاحظتو إنو إحنا العرب او الجزائريين بصفة خاصة فوضاويين في كل شي دايما مقلقين دايما نجرو دايما نحبو نوصولو الاوليين في كل شي النقل نطبعو باه نركبو الحليب يجي الدبزة باه نشرو لما يلحق رمضان تلقاو الغاشي شهرين يجرو يشرو كل شي وفالاخير ممكن يموتو قبل ما يوصل رمضان وما ياكلوش واش شراو
الفوضى في حياتنا دايما مارانش منظمين نضحكو على الصينيين ياكلو القطوطة لكنهم منظمين علينا كل شي بالمسطرة إحنا مرضى وعند الطبيب وعندنا اللسان وندابزو على البلاصة ندابزو على المرض والله حاجة تضحك
واش رايكم علاه رانا هكذا مقلقين واش من اكلة راهي ديرنا هكذا ناكلها كلنا هههههههههههه لازم نلقى الجواب كاين فيتامين او فيروز يروح للعروق نخلينا مقلقين الجواب من فضلكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سلام عليكم ان شاء الله راكى لاباس مريم . صح هدى ضهرة منتاشرى فى المجتمع الجزائر
__________________________________________________ __________
>>>> الرد الثاني :
سلام حنونتي ليليا,نتمنى راكي لاباس و اعتذر على قلة السؤال عنك...ظاهرة النرفزة و التطباع وقلة الذوق في الاماكن العامة و الخاصة والتسابق على كل شي منتشرة و بقوة,,,,ربي يهدي هاد النوع,,,وقيلا في الجنة و يتطابعو و يعافرو ,,رانا شفناهم في الحج و ما هداوش...ولي يقول على ليليا تمنشر وريهلي ننشروه شوي هههه تحياتي
__________________________________________________ __________
>>>> الرد الثالث :
لاننا لم نتعلم النظام من صغرنا
فتحنا عينينا على الجغا ( مانعرف إذا عندكم هاذي الكلمة)
كبرنا جاغيين ( ؟؟؟؟مافهمتوهاش)
لو تشوف ساحة مدرسة في الجزائر و ساحة مدرسة في المانيا او كندا وكيف يلعب الاطفال
فرق كبيييير
الله يصلح احوالنا
و يعطينا رايس مريقل و حكومة مريقلة يريقلو الشعب
__________________________________________________ __________
>>>> الرد الرابع :
السلام عليكم اخي بارك الله فيك الحمد لله شكرا على السؤال
وي الظاهرة بزاف فالمجتمع نتاعنا وليت وين نروح التطباع والغاشي والدبزة المندبة جنازة والميت فار على كل شي ربي يهدي احوالنا شكرا
__________________________________________________ __________
>>>> الرد الخامس :
المشاركة الأصلية كتبت بواسطة lydia istanboul https://3andlib.xplainer.net/images/...s/viewpost.gif
سلام حنونتي ليليا,نتمنى راكي لاباس و اعتذر على قلة السؤال عنك...ظاهرة النرفزة و التطباع وقلة الذوق في الاماكن العامة و الخاصة والتسابق على كل شي منتشرة و بقوة,,,,ربي يهدي هاد النوع,,,وقيلا في الجنة و يتطابعو و يعافرو ,,رانا شفناهم في الحج و ما هداوش...ولي يقول على ليليا تمنشر وريهلي ننشروه شوي هههه تحياتي
|
السلام عليكم ظاهلا الإسطنبولية ههههههه واش احوالك حنونة لا مشكل عادي راكي مسامحة الغالية
كل شي ندابزو عليه مع رواحنا ندابزو وما نسكتوش ويحكو على النسا لسانهم الطويل لو تشوفي الرجال لما يجاراو على الحليب فالكار فالطريق ههههههههه تحسبيهم فيران ههههههه يسامحوني الشباب
واحد العضو كتبت موضوع قالي باينة تلي فالحمام تجيبي اخبار الناس هو شكيتو المرا اللي كانت تكيس انا اصلا ما نروحش للحمام https://3andlib.xplainer.net/images/smilies/1.gif ربي يهذيه مسكين الله غالب عليه ربي يشفيه إن شاء الله
ما نشويه ما والو حنونتي راه مشوي دوريجين https://3andlib.xplainer.net/images/smilies/1.gifhttps://3andlib.xplainer.net/images/smilies/1.gifhttps://3andlib.xplainer.net/images/smilies/1.gif شكرا
