عنوان الموضوع : تفضل سيدي ..انت اولى مني في العمل
مقدم من طرف منتديات العندليب
قد يكون جزء من موضوعي لا يتناسب مع هذا القسم ولكن جزء كبير منه يمس حياتنا الاجتماعية
شاركت مرة في مسابقة توظيف ولقيت شابات معايا وشبان
لكن اللي ماقدرتش نتحملها هذا الظلم
هداك الشاب يستنى الدور باش يدخل وامبعد النتيجة
غاضني مسكين قلت بلاك ماينجحش وتنجح فتاة
يعني هي الى مانجحتش احسن من انو هو ماينجحش خاصة ادا ماكنش عندو افكاراخرى كالتجارة مثلا او هو ماعندوش ميول في عمل غير الادارة
على اي اساس راهم يوظفوا في المسابقات الشفهية واحنا ساكتين
وزيد واحد متخرج جديد يدخل قبل القديم
انا تنازلت عن حقي لااريد ان اعمل وارى الشباب يسناو تحن عليهم الدولة
تفضل سيدي ...انت اولى مني
واعتذر عما يخبصه هؤلاء
سيدي انت اولى مني في هده الوظيفة
سمعت كلامك من دون ان تتكلم في زمن لادنب لي ولا لك فيه
سمعتك تقولي انا اولى منك خاطر الى توظفتي انتي قبلي واحد فينا ماراح يتزوج
خاطر مارايحاش تتزوجي حتى نحكم انا خدمة
اتنازل عنها لاني ايقنت لعبة الاوربيين في تقديمي عليك
حلمي الاقتداء بالاوربيين في ما ياتي لا في اشياء اخرى
حلمي انو احنا الطلاب الجزاءريين ياللي كنا ندرس نوقفوا وقفة سلام نحمل رايات نكتب فيها حقوقنا رايات بالوان السلام
وقفة متحضرين لا متعجرفين اشباه البشر ...خاطر انا ضد ان يمس عصفور لاجل اي حق
راكم فاهميني انا بريئة من اي دعوة للفوضى وربي شاهد
لكن مانخافش نحمل راية سلام ../// السادة الكرام ولاة الحكم نتمنى ان تضعوا في يوم من الايام او تحاولوا ولو بجهد صغير او تضعوه مشروع في اطار الانجاز مايلي
ان يكون التوظيف على اساس الاقدمية ويوظف الرجال اولى من الفتيات المتخرجين في نفس السنة
يعني مايجيش واحد متخرج في 2016 يتوظف قبل الشاب المتخرج في 2016
روحوا شوفوا كيفاش راهم عايشين في ظل حقوق الانسان
مجرد راي ..a vos claviers
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يصراحة انا اؤمن بان المعيار في العمل هو الكفاءة و ليس الجنس
تقبلي مروري
__________________________________________________ __________
>>>> الرد الثاني :
وياريتهم يديروا على الكفاءة
شكرا حبيبتي ع الرد الجميل
__________________________________________________ __________
>>>> الرد الثالث :
بارك الله فيك،
__________________________________________________ __________
>>>> الرد الرابع :
وفيك بارك الله
شكرا ع المرور الطيب
__________________________________________________ __________
>>>> الرد الخامس :
و الله الحل هُو الهجرة إلى كندا
لا تقدميه لا يقدمك
يروح يهاجر ربي يفتح عليه
وانتي ثاني يفتح عليك ربي
شكرا لك اختي
ربي يرزقك على حساب نيتك
