الدخول المدرسي ..............

عنوان الموضوع : الدخول المدرسي ..............
مقدم من طرف منتديات العندليب

السلام عليكم

بعد 3 ايام الدخول المدرسي ، هدا النهار يفكرني بأيام زمان كي كنا نتوحشو الدخلة نلبسو قش جديد

ادوات جدد ونديرو اصدقاء جدد وكتب جديدة ومعلمة وكانت النية والقراية تاع الصح واجتهاد

زعما راه هدا الشوق للدخلة تاع تلاميذ دروك كيما بكري ؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم أختي الكريمة
زمن جميل ذكرتيني بيه ......هههههههههههه
و الله كنت مين تجي الدخلة يحكمني وحد الخوف على خاطر يبدأ التيكير الى المدرسة و يكمل اللعب نتاع الصيف
لكن بمجرد أن ندخل أول يوم تحلى الأمور ، الايام الاولى نلهاو مع القش الجديد و الادوات و مكان لا تمارين لا قراية ، ذيك سمانة تجي روعة و لما تكمل ، يبدأ الصح ، القراية و ما أدراك ما القراية ، نولوا نحلموا وقتاش تجي العطلة نتاع الشتاء باي نريحوا ....هههههههههههههههههه
أيام الطفولة ما أروعها و الله بحق فيها أحلى الذكريات بقيت في أذهاننا
بارك الله فيك أختي منهاج و جزيتي كل خير
ســــــــــــــــــــــــــــــلام

__________________________________________________ __________

>>>> الرد الثاني :

السلام عليكم اختي
والله ذكريتيني نحب الايام الاولى حوايجي مرتبين وجدد والادوات جديدة ونجري نغلف الكتب وانا فرحانة ميتة بالادوات منين تبدا القرايا نكره جد حياتي ونبدا ندير فالأسباب باه ما نروحش نقرا نريح عند الفورنو نسخن ونقول لبابا الله يرحمو عندي الحمة ما نروحش نقرا هههههههه والله فكرتيني بياات شابين شكرا


__________________________________________________ __________

>>>> الرد الثالث :

ههههههههههههههههههههههههههههه ضحكتيني اختي
عندك الحق بحال هاذ الجيل راه فارح بيه القراية لحقت؟؟؟ منعرف... هههههههههه

__________________________________________________ __________

>>>> الرد الرابع :

ايه كنت كيما تحكي انتي مي ذرك خويا قالي ياخي كاين منها بعد القراية يجي اضراب ههههههههههههه معول يقعد قبل معندناش غير التلفزيون وكوميكواحد نقلقو من الدار مي ذرك كلش واجد يملو من القراية

__________________________________________________ __________

>>>> الرد الخامس :

الشوق هو هو مي السمانة الاولى برك منبعد يكرهو حياتهم.هاذي السمانة وليت نقلهم في الدار ريحة الدخلة راهي كاينة شفتي مطروشة من عقلي مي الدخلةو دايمن كي تجي الجو يبرد شويةههههههههههه و يكون الجو سبيسيال للدخلة برك.والله كنت نفرح بالدخلة سوغتو السمانة الاولى كلشي جديد القش الكلاسة الشيوخة و كنت نتقلق باه نعرف شكون الي يقريني لانو كانو عندي وحد الشيوخة ماكنتش نبغيهم كانو يقلقوني.النهار الاول وحدو كنت مانرقدتش مع الليل تقول رايحة لكاش رحلة نوض مع الصباح بكري و هذاك النهار الوحيد الي نوض فيه بكري من غير ليامات تاع الاختبارات نوجد روحي و انا فرحانة و كي نجي نعاودلهم كامل واش صرا .و الريحة تاع الكتوبا و الكراسات تغيرني غير تروح هاذيك الريحة نكره الكراسات.في دارنا ماناش نحسو بالدخلة بزاف لانو اختي الصغيرة راهي تقرى في الجامعة .الصح هاذوك ليامات هايلين وحد الجو يهبل