امي امي ............ وبعد الزواج واحد لا يعرفك من قضايا الساعة

عنوان الموضوع : امي امي ............ وبعد الزواج واحد لا يعرفك من قضايا الساعة
مقدم من طرف منتديات العندليب

السلام عليكم ورحمة الله تعالى وبركاته

والله حبيت نعرف شخصية الرجال برك كيفاش هل هم انانيون ام يحوسوا وين مصلحتهم ويتبعوها هذا ليس كلامي كلام العديد من الامهات على ابنائهم الذكور الاغلبية والقلة القليلة من يقدر الام بعد زواجه
يعني تلقى هاد الابن وبمجرد زواجه ينسى هاد الام ميتفكرها بهدية ميتفكرها بزيارة ميكبر بيها خلينا من الاب او ميسمعش بيه خلاص تلقاه الزوجة تاعو استغفر الله العظيم يقرب يقدسها ويعبدها استغفر الله العظيم هل لان مصلحته خلصت من هاد الام دركا واش يدير بيها خلاص وكاين اللي كي يتوفى باباه يجي لامه ويديلها المنزل ويستولي عليه وقاحة مابعدها وقاحة يشري ويشري لزوجته وامه بحاجة الى زيارة طبيب عيون وملقاتش اللي يديها تولي بنتها المتزوجة تجري بيها من طاكسي لطاكسي ومن طبيب لطبيب وهو كون مرته يصيبها رشح فقط يولي يجري

حابة نفهم واشمن عقلية عنهم في هاد المرحلة وامور حقيقية حدثت للعديد من الامهات هادي ماشي هدرة برك هناك من ترك والدته بدون دواء وهو والحمد لله عطاه ربي من واسعه قالك يداويوها بناتها وولادها
وهنالك من يترك امه تحت رحمة الزوجة اذا كانت بنت فاميليا رح تقوم بيها اذا كانت ديوثة تخليها وطيشها

حابة نفهم واشمن جنس عندهم هادو ماشي عباد ام هل هي طبيعة الرجل زعمة عقلاني يخمم بعقلوا وين تكون المصلحة يكون وخلاص

موضوعي هذا كتبته لان نار وفاة جداتي ربي يرحمها مازالت شاعلة في قلبي ولانني لم اتمكن من رؤيتها قبل دفنها حسبي الله ونعم الوكيل في كل رجل يفعل هذا باصوله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أولا ربي يرحم جدتك أختي و يجعل مثواها الجنة إن شاء الله

قضية بر الأبناء لأوليائهم أعتقد ان للموضوع علاقة بالتربية ......................الإبن لم يتربى على منطق البر .....لكن السؤال الدي يطرح نفسه

من ربى هذا الإبن ................؟؟؟؟ أليس هما الوالدين ......................؟؟؟؟؟

سوف أروي لكي قصة حدثت في شتاء 2012 فقط .....روتها لي صديقة جارت القصة بشكل مباشر

المهم تقول أوينا جارتنا العجوز الكبيرة في السن قاتلي تخيلي بقيت وحيدة في المنزل العائلي ....فقال لها الإبن الكبير الدار راهي فارغة ...و انا خاصني ....دراهم ....هو كان يستطيع قسم المنزل و إستعمال الباقي .......فأين سوف تسكن الأم ...؟؟؟

تخيلي قالها رحي سكني عند بناتك المتزوجات ....و من بعد أرسل لها العمال أخرجوها من المنزل للبدء في العمل فيه .....قاتلي هاذ العجوز جات لعندنا بحكم أنا جيرانها ...........
تقول لي صديقتي قالهم والدها خلوها تسكن عندنا و إتبروها جدتكم ......و السلام

الصراحة غاضتني ياسر ....تقولي مرة على مرة ....نلقاوها تبكي لوحدها ..........و لا حد سأل عنها لحد الساعة تصوري .......لا حول ة لا قوة إلا بالله العلي العظيم ........................ربي يحفظنا ......و يكتبلنا حسن الخاتمة يا رب

بارك الله فيكي على الموضوع القيم

__________________________________________________ __________

>>>> الرد الثاني :

والله كلامك صح ومليون مرة صح........
انا والدتي الله يرحمها ويوسع عليها كانت مريضة بضغط الدم ..وما جاهاش هاذ المرض غيرهاك..
والله عندما يقولو لها في كاسورونcazoran لازم تجددي دوسيي حتى تتمكني باه تأخذي دوا باطل ،هي كل يوم تنهض باكرا حنى دير
دالتها وتخرج شهادات وتنكشف وتكمل دوسيها ..واكانت تقول الحمدلله كاين دواء مجاني ولا ربما راني معوقة ونشوف بعينيا
وهي لها زوج و2 ولاد قد جمال......
وزيد وزيد...وهما كيمرض اولادهم راهم في ساعتهم في طبيب والدواء موراهم....
وزوجاتهم يخرجوا بطاكسي والجيب معمر ..والأم ما كانش اللي يعرفها ختى وين راها...
اموضو شائك وما يحس بيه اللي فات عليه........

__________________________________________________ __________

>>>> الرد الثالث :

المشاركة الأصلية كتبت بواسطة نورسين.داية https://3andlib.xplainer.net/images/...s/viewpost.gif أولا ربي يرحم جدتك أختي و يجعل مثواها الجنة إن شاء الله قضية بر الأبناء لأوليائهم أعتقد ان للموضوع علاقة بالتربية ......................الإبن لم يتربى على منطق البر .....لكن السؤال الدي يطرح نفسه من ربى هذا الإبن ................؟؟؟؟ أليس هما الوالدين ......................؟؟؟؟؟ سوف أروي لكي قصة حدثت في شتاء 2012 فقط .....روتها لي صديقة جارت القصة بشكل مباشر المهم تقول أوينا جارتنا العجوز الكبيرة في السن قاتلي تخيلي بقيت وحيدة في المنزل العائلي ....فقال لها الإبن الكبير الدار راهي فارغة ...و انا خاصني ....دراهم ....هو كان يستطيع قسم المنزل و إستعمال الباقي .......فأين سوف تسكن الأم ...؟؟؟ تخيلي قالها رحي سكني عند بناتك المتزوجات ....و من بعد أرسل لها العمال أخرجوها من المنزل للبدء في العمل فيه .....قاتلي هاذ العجوز جات لعندنا بحكم أنا جيرانها ........... تقول لي صديقتي قالهم والدها خلوها تسكن عندنا و إتبروها جدتكم ......و السلام الصراحة غاضتني ياسر ....تقولي مرة على مرة ....نلقاوها تبكي لوحدها ..........و لا حد سأل عنها لحد الساعة تصوري .......لا حول ة لا قوة إلا بالله العلي العظيم ........................ربي يحفظنا ......و يكتبلنا حسن الخاتمة يا رب بارك الله فيكي على الموضوع القيم

لا حول ولا قوة الا بالله العظيم الواحد يقول كون يجيوني ولادي هكدا نتمنى منجيبهمش للدنيا
شكرا جزيلا قصة مؤلمة بارك الله فيكي اختي نورسين

__________________________________________________ __________

>>>> الرد الرابع :

المشاركة الأصلية كتبت بواسطة نورسين.داية https://3andlib.xplainer.net/images/...s/viewpost.gif أولا ربي يرحم جدتك أختي و يجعل مثواها الجنة إن شاء الله قضية بر الأبناء لأوليائهم أعتقد ان للموضوع علاقة بالتربية ......................الإبن لم يتربى على منطق البر .....لكن السؤال الدي يطرح نفسه من ربى هذا الإبن ................؟؟؟؟ أليس هما الوالدين ......................؟؟؟؟؟ سوف أروي لكي قصة حدثت في شتاء 2012 فقط .....روتها لي صديقة جارت القصة بشكل مباشر المهم تقول أوينا جارتنا العجوز الكبيرة في السن قاتلي تخيلي بقيت وحيدة في المنزل العائلي ....فقال لها الإبن الكبير الدار راهي فارغة ...و انا خاصني ....دراهم ....هو كان يستطيع قسم المنزل و إستعمال الباقي .......فأين سوف تسكن الأم ...؟؟؟ تخيلي قالها رحي سكني عند بناتك المتزوجات ....و من بعد أرسل لها العمال أخرجوها من المنزل للبدء في العمل فيه .....قاتلي هاذ العجوز جات لعندنا بحكم أنا جيرانها ........... تقول لي صديقتي قالهم والدها خلوها تسكن عندنا و إتبروها جدتكم ......و السلام الصراحة غاضتني ياسر ....تقولي مرة على مرة ....نلقاوها تبكي لوحدها ..........و لا حد سأل عنها لحد الساعة تصوري .......لا حول ة لا قوة إلا بالله العلي العظيم ........................ربي يحفظنا ......و يكتبلنا حسن الخاتمة يا رب يا أختي والله كاين بعض الناس ما بصلو ما والو ويحبوا أمهاتهم ويفدوهم بأرواحهم والمرا اللي تجي ماتقدرش تدخل والا تنقص من هذه العلاقة مع والديهم....والله واحد الناس نعرفهم ولدهم الكبير يديهم كل عام للعمرة واخوته قاع خرجوا من السكن العائلى واسكنوا وحدهم وحتى هما يبروا امهم لكن مشي كما الكنبر ... وكاين يظل في الجامع وما علاباله بوالديه كيف راهم..... بارك الله فيكي على الموضوع القيم

__________________________________________________ __________

>>>> الرد الخامس :

السلام عليكم و رحمة الله و بركاته
بارك الله فيك أختي كاميلا على الموضوع الهام و الذي انتشر اثره في ابناء لم نظن ان نسمع عنهم هكذا في يوم من الايام
الله المستعان......الاولاد اصبحوا يتخاطفون على الميراث متى يموت الوالد و الام وين تركوها ماعليش..كأن دورها انتهى و لم تصبح شيئا مذكورا
الله يهدي ما خلق و ربي يثبتنا على بر الوالدين و الله برهم فرض علينا اما الزوجة فلا و ربي جعل طاعتهما و الاحسان اليهما و رضاهما سبب دخول الجنة و عكسه جعله من اكبر الكبائر قرنه بالشرك و جعله من الموبقات السبع
الله يهدينا و الله مرات اتذكر أنني في يوم من الايام سنفترق و أبكي و الله راني نكتب و عيني تدمع....نسأل الله الثبات و ربي يرزقنا رضاهم و يرزقنا الزوجة التي تبرهم و تذكرنا بالبر و الاحسان اليهما
فهما الرحمة المهداة من رحمات الله الكثيرة
فوالله لو نعتبر للازمناهما كل وقت و عرفنا قدرهما
يا رب تثبتنا يا رب تثبتنا يا رب تثبتنا على طاعتهم و البر و الاحسان اليهما
بارك الله فيك أختي الكريمة و ربي يقر عينيك بما تحبين و يصرف عليك الهم و الحزن
ســــــــــــــــــــــــــــــــــــــــلام