بنة العيد ... بين البارح واليوم !!! من المجتمع

عنوان الموضوع : بنة العيد ... بين البارح واليوم !!! من المجتمع
مقدم من طرف منتديات العندليب

السلام عليكم
انا خوكم ههه

و نحن في هذه الايام المباركة و بمناسبة العيد أكيد ان اغلب المواضيع تتحدث عن العيد واجوائه ...

وفالاعوام الاخيرة فالاعياد لما تتحدث مع الناس اغلبهم يقولولك "ما بقاتش البنة تع العيد دروك ...العيد بكري وااه .. كان صح عيد وتحس بيه". والا تسقسيه كيفاش جوزتو؟؟ يقولك " سامط "
و حقيقة انا ايضا أحس بذلك و أشعر باختلاف كبير بين العيد بكري و العيد ضرك
الناس بكري كانت توصل الارحام فبمجرد تكمل صلاة العيد الناس تهب جموعا الى البيوت لتقديم التهاني حتى انك لا تجد الوقت باش تذبح الاضحية تاعك واحيانا تؤجلها الى ما بعد العصر ...
اما الان اذا قام بشيء كبير يتصل بيك ويقولك عيدك مبروك فالتيليفون والا يبعتلك ميساج ...
بكري كل ما يجي العيد تلقى البيوت ممتلئة.. احيانا حتى تعيدو 20 شخص و تذبحو عدة كباش ... و تتعاونو كامل .. الان تروح تشوف العائلات تلقاهم يعيدو الزوج الزوجة و الابناء اذا كاين وفقط ... لا تزيد عن 5 اشخاص ...
بكري الجيران كانو متضامنين وكأنهم عائلة واحدة هادا يعاون هادا و ماكانش حواجز بيناتهم .. الان كل واحد غالق باب دارو عليه و ما يسقسي على جارو ما يشوفو ما يحوس عليه ...

بكري كانت كاينة النية و ضرك النية نقصت تغافرو الصباح يهدرلك في ظهرك العشية ...

فهل صحيح ما بقاتش البنة تع العيد ؟؟ والا عند البعض فقط ؟؟
او انه الكبر في السن فقط و تغير النظرة للعيد بين لما كنت طفل ولما كبرت ؟؟


وصح عيدكم مرة أخرى لي ماشافش موضوعي حول التهنئة

وتذكرو انا خوكم ههه

احتراماتي
سلام

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

راحو ناس بكري اللي فيهم النية عليها راحت بنة العيد


دك الجيل تاع دك كامل مورالو هابط في العيد في رمضان في عاشورا ديما مديقوتي ( باين انا من هدا الجيل ) وميعرفش قيمة الاعياد



تاع بكري كانو يفرحو بابسط الامور وكانت النية ,كما في الاعياد يزورو بعضاهم ومكانش البغضاء وواحد ميتكبر والجار يعطف على جارو

دك هاك تشوف شكون بقا يزور ؟ غير لقليل دك كلش رجع بالموبيل والنت


صحا عيدك خويا عميروش تعيد بالصحة والهنا

__________________________________________________ __________

>>>> الرد الثاني :

العيد راحت بنتوا كوننا صرنا للوراء في كل شيئ أخلاقنا وأرواحنا وابتعادنا على المنهاج السماوي ضاع منا الإحساس بالأشياء رحلت عنا النخوة وحلت محلها المحابات والرشوة إلى أين يا مجتمع بربكم؟ هل نحن واثقون مما نصنع؟
عيدك كريم

__________________________________________________ __________

>>>> الرد الثالث :

السلام عليكم

راحت بنة العيد لانو كثرت الانانية وكل واحد يحوس على روحه وخلاص ويقولك خطيني من الناس وكي يدير واجب

يديره ناقص يرسل ميساج ويقول فيه عيدك مبروك

__________________________________________________ __________

>>>> الرد الرابع :

السلام عليكم
أهلا بك أخي عميروش هاذي غيبة أنا خوك هههه
صح عيدك
اختفت الكثير من الظواهر الإيجابية من مجتمعها أهمها مساندة الجيران لبعضهم البعض وتعاونهم
طغت الأنانية كل واحد يفكر في نفسه فقط
وهذا مازاد من تفكك المجتمع
تقبل مروري
احترماتي

__________________________________________________ __________

>>>> الرد الخامس :

السلام عليكم ورحمة الله وبركاته

كثرة المشاكل للاسرة ....اشغالنا بالامور الدنياوية .....ابتعادنا عن الدين

مادام صلة الرحم عبر الهاتف واش بقى ويسكنوا في نفس المنطقة

العيد هو هو احنا الي تبدلنا

ربي يهدينا شكرا على الموضوع