حابة نفهم برك ؟ قضايا المجتمع

عنوان الموضوع : حابة نفهم برك ؟ قضايا المجتمع
مقدم من طرف منتديات العندليب

السلام عليكم
اليوم جيتكم بموضوع حبيت ناقشوا معاكم اخواتي اخوتي في الله موضوع حساس الا وهو الوالدين كي يكباروا من يتكفل بهم هل الابناء الرجال ولا البنات يعني نقصد رح يعيشوا في دار ولدهم او في حالة الابن راهو عايش عندهم في دار والديه وحاسب روحوا ورث الدار وهو المالك ام يعيشو عند النسيب ؟ اي زوج البنت والله انا على حسب علمي هذا من واجب الابناء الذكور وليس الاناث يعني يعيش والديه عندوا بصفته هو رب المنزل والبنت متقدرش راهو راجلها اللي يتصرف وممكن جدا يرفض هاد الوضعية ؟
وقضية اخرى هي العقلية اللي كاينة في مجتمعنا تقديس الذكر ويسكنوه في الدار حتى يحط روحو هو مالكها بدون منازع الى درجة انه من بعد يطيش والديه في دار العجزة وهاد الفعل الشنيع اللي يقوموا بيه الابناء يعني مفهمتش حاجة كيفاش يطيش امه وباباه على جالت .......................... استغفر الله العظيم اللي مافيهش خير في والديه واهله مرحش يكون فيه خير
اريد مناقشاتكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صدقت ياأخت ....... في إعتقادي أن الولد -ذكر- هو الذي يتوجب عليه رعاية والديه ....

__________________________________________________ __________

>>>> الرد الثاني :

والله يا أختي لا يوجد تحديد، الأبناء كلهم مسؤولون رجالا كانو أم نساء متزوجين أم لا، و زوج البنت عليه القبول بهذا الأمر، أما عن الذين يرمون أولياءهم في دار العجزة فأولئك ملعونين بظني، و سيرمون بدورهم عند كبرهم فكما تدين تدان، و الذي يفعلها لأجل..... فذلك عندي لا يستحق صفة الإنسانية فما بالك بالرجولة

__________________________________________________ __________

>>>> الرد الثالث :

هو المنطق و العرف يفرض على الذكر التكفل بوالديه الكبيرين بحكم أن الأخت لما تتزوج لا يمكنها أن تفرض على زوجها تحمل والديها داخل منزله و لكن في الحالات الشاذة يمكن للبنت أن تتكفل بوالديها خاصة أذا كانت متمكنة ماديا...لكن أغلب الأباء و الأمهات يرفضون فكرة الاقامة عند زوج البنت.
ربي يهدينا.

__________________________________________________ __________

>>>> الرد الرابع :

الوالدين كي يكبرو يريحو في دارهم عايشين و الاكثرية سوغتو عندنا الجزايريين ولادهم يعيشو معاهم.اما الي يتكفل بيهم فالذراري و لبنات هوما للزوج مسؤولين عليهم و الراجل بزيادة لانو راه عايش معاهم كثر من الطفلة الي تكون بعيدة على والديها مي من واجبها انو تتهلى فيهم و على راجلها انو يقبل هذا الشي و يعاونها فيه لانو كيما هو يبغي والديه و باغي مرتو تتهلى فيهم كيما هي من حقها تتهلى في والديها .والي يقيس والديه في دار العجزة دور ليام و يتقاس حتا هو و المراة الي تفرح انو راجلها خيرها هي على والديه كون ماجاتش غبية عمرها و لا تفرح لانو الي يقيس والديه على جال مراة غدوة يقيسها هي على جال مراة وخدخرى.و قعاد الوالدين مع النسيب و كاين الرجال و الله عيب كبير جداتي كانت تقولنا نقعد للنسيم و مانقعدتش عند النسيب لانو مهما النسيب يرفد راح يجي نهار و يكره و ربي يهدينا ان شاء الله

__________________________________________________ __________

>>>> الرد الخامس :

واله يا لأختي واش نقولك
الرجل هو المسؤول عن والديه و هذي لا نقاش فيها لان المرأة اذا تزوجت تصبح تحت طوع زوجها و الذي هو غير مجبر نهائيا التكفل بغير والديه (الا كرما منه) و هو مسؤول عن زوجته لا عن اسرتها.
و الرجل الذي يرمي والديه في دار العجزة ارضاء لزوجته يستحق ما سيحدث له في الدنيا قبل الاخرة لان الله يمهل و لا يهمل و لو كان جا رجل يقول لزوجته: نأخذ والديك و والديا معا الى دار العجزة و لا خوك راجل و انا.....و ما ننساوش نحجزو غرفة لينا باه كي يرمينا ولدنا نلقاوها.
السؤال الي حابة نطرحو (اذا سمحتي لي يا صاحبة الموضوع التطفل) ماذ تفعل المرأة اذا خيرها زوجها بينه و بين والديها اللذان رفضهما اخوها ؟