توفي بسبب ضغط عصبي قضايا اجتماعية
عنوان الموضوع : توفي بسبب ضغط عصبي قضايا اجتماعية
مقدم من طرف منتديات العندليب
السلام عليكم ورحمة الله تعالى وبركاته
هي قصة احزنتني وخاصة حالة الام المسكينة الان
هو رجل في 35 من العمر حاله كحال كل الشباب الذي تأخر عن الزواج بسبب العامل الاقتصادي وكي سهله ربي واستقر بمنزل ووظيفة اراد الزواج خطب وتزوج لكن الام كانت معارضة اشد المعارضة على ان يسكن ابنها بعيد عنها رغم انها لا تسكن وحدها يعني حابة ولادها ديما قدام عينها حالها حال كل الامهات رغم اني لي ملاحظة في هذا علاش الام دير هكدا غير على الذكور وعلاش البنات مديرش هكد عليهم رغم ان البنت هي اللي من المفروض تكون قريبة ليها اكثر وهي اللي طول حياتها تقوم بيها ؟؟؟؟؟؟؟؟؟ ام هي غيرة من الزوجة فقط الله اعلم ممكن كي نجرب نفهم لا ادري
المهم بعد زواجه " ابراهيم" راح يزور امه وسمعته كلام مش مليح هو يعرف امه وعلاباله باللي نوعا ما عصبية وقبيحة وشاف المشاكل لهذا قرر يستقل بسكنه المشكين استقبلته بكلمات جارحة له ولزوجته منها انها نعتته بانه حاساكم كالكلب يجري وراء زوجته المسكين لم يحتمل شدة الكلام طرشقله عرق في راسه وتوفي على اثرهه في غمضة عين توفي
حالة الام الآن رح تهبل المسكينة من واش صرا جنازة رهيبة عروس ترملت في رمشة عين وام فقدت ولدها لاسباب تافهة غير باش تبين لكنتها انها ه ياللي تتحكم
واش كسبت من كل هذا سوى ان فلذة كبدها توفي وهي الان تدعي في ربي انها تلحقه رغم انه الكل يصبر فيها حاولوا يفرحوها بانه ولدها ماماتش وكنتها حامل ورح يجي ابراهيم آخر ربي يكون في عونهم وعونها ولات تحكم النسا وتقولهم مديروش كيما درت ربي يصبرها ويهديها
والله قصة حزينة جدا وجنازة رهيبة جدا ربي يرحمه ويرحم جميع موتى المسلمين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم اختي
ربي يرحمو يا رب ويلهمها الصبر والسلوان اكيد نهارو لحق وماكانش ام تكون السبب في وفاة إبنها
وهذا ما يعنيش البنات كلهم عاقلات والحماة اللي دايما قبيحة وتغير من الكنة صح كاين من الفمروض تزوج وليدها هي ومرتو يكونو السبب في سعادتو ماشي امو من جهة ومرتو من جهة ربي يرحمو ويعوضها بإبن آخر ليه يا رب والله غاضني مسكين ربي يرحمو قسمتيلي قلبي بالقصة هذي لا إله إلا الله محمد رسول الله الله يرحمو يا رب شكرا
__________________________________________________ __________
>>>> الرد الثاني :
السلام عليكم أختي
هل هذه القصة حدثت في منطقتكم ؟؟؟
__________________________________________________ __________
>>>> الرد الثالث :
المشاركة الأصلية كتبت بواسطة مريم الصابرة https://3andlib.xplainer.net/images/...s/viewpost.gif
السلام عليكم اختي
ربي يرحمو يا رب ويلهمها الصبر والسلوان اكيد نهارو لحق وماكانش ام تكون السبب في وفاة إبنها
وهذا ما يعنيش البنات كلهم عاقلات والحماة اللي دايما قبيحة وتغير من الكنة صح كاين من الفمروض تزوج وليدها هي ومرتو يكونو السبب في سعادتو ماشي امو من جهة ومرتو من جهة ربي يرحمو ويعوضها بإبن آخر ليه يا رب والله غاضني مسكين ربي يرحمو قسمتيلي قلبي بالقصة هذي لا إله إلا الله محمد رسول الله الله يرحمو يا رب شكرا
|
ماجات غير فيه المسكين ربي يرحمه والله العظيم جنازة رهيبة الام المسكينة غاضتني بزاف ولات تبوس في كنتها وتقولها سامحيني وتسلم على ولادها وتطلب في السماح راهي كلي شوية فقدت عقلها
بصح اختي مريم حبيت نفهم برك انا وليت نغير رغم ان امي والحمد لله هي اللي شرطت انه اخي كي يتزوج يعيش في داره مستقل لكني حابة نفهم وعلاش ديما الكنة والحماة وعلاش ماشي الزوج والحماة ههه علاش الام الدير هكدا وهاد الشيء كامل على وليدها والبنت لالا كاللي البنت هادي نهار تزوجها تقول تهنيا منها؟ رغم ان البنت هي اللي قريبة لامها يعني هي اولى بالحرب الشرسة هههه اجده تناقض
__________________________________________________ __________
>>>> الرد الرابع :
في قسنطينة
__________________________________________________ __________
>>>> الرد الخامس :
المشاركة الأصلية كتبت بواسطة كاميلا https://3andlib.xplainer.net/images/...s/viewpost.gif
ماجات غير فيه المسكين ربي يرحمه والله العظيم جنازة رهيبة الام المسكينة غاضتني بزاف ولات تبوس في كنتها وتقولها سامحيني وتسلم على ولادها وتطلب في السماح راهي كلي شوية فقدت عقلها
بصح اختي مريم حبيت نفهم برك انا وليت نغير رغم ان امي والحمد لله هي اللي شرطت انه اخي كي يتزوج يعيش في داره مستقل لكني حابة نفهم وعلاش ديما الكنة والحماة وعلاش ماشي الزوج والحماة ههه علاش الام الدير هكدا وهاد الشيء كامل على وليدها والبنت لالا كاللي البنت هادي نهار تزوجها تقول تهنيا منها؟ رغم ان البنت هي اللي قريبة لامها يعني هي اولى بالحرب الشرسة هههه اجده تناقض |
السلام عليكم
وراكي حايرة راهي باينة اختي الطفلة دايما محقورة مديورة للميناج وتبلع فمها وما تهدرش وتزيد تتزوج وأرواحي تشوفي والذكر الديك الديك الحبشي ليه كل شي ياخي شفت كي يزيد ذكر يديرو السابع والذبيحة والغاشي ولما تجي طفلة مسكينة هذيك الطمينة وفوق القلب وللو عندها خاوتها ذكور يبداوه من اول يوم واحد يقرص ولاخر يغمها بالمخدةhttps://3andlib.xplainer.net/images/smilies/1.gifhttps://3andlib.xplainer.net/images/smilies/1.gifhttps://3andlib.xplainer.net/images/smilies/1.gif راه جاي يوم ننتقنو منهم ما تخميش
ربي يرحمو مسكين تفرت فيه ينسا ويعيشو هذي هي سنة الحياة وهو نهارو لحق وورقتو طاحت الزعاف وكلام الام سبب برك وهي ام تخيلي كيفاه راهي تحس مسكينة ربي يكون في عونها شكرا
