عنوان الموضوع : .........مجرد رأي (3)
مقدم من طرف منتديات العندليب
السلام عليكم ورحمة الله تعالى وبركاته
أتمنى أن يكون الجميع بألف خير https://3andlib.xplainer.net/images/smilies/mh31.gif
إخوتي الأفاضل أردت اليوم أن أعطي رأيي في قضية اجتماعية أسرية لاحظتها شخصيا ولا أدري إن كنتم لاحظتموها أيضا
وطبعا سيكون هناك من يوافقني الراي ولو قليلا
وهناك من يرفض رأيي وتكون له وجهة نظر مغايرة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,
أنا أردت اليوم أن أتحدث عن ظاهرة لاحظتها وهي ناتجة عن توتر العلاقة بين الزوجة وأم الزوج
وأقصد تأثير الأم على الأولاد وعلى طريقة تفكيرهم وعلى تصرفاتهم اتجاه الجد والجدة من طرف الأب
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,
يمكن للزوجة ونتيجة لغضبها وشجارها مع أم زوجها أو إخوته أن تبعد أولادها بطريقة أو بأخرى عن أهل زوجها فيصبح الأولاد يميلون لعائلة الأم ويبتعدون عن عائلة الأب
هل يمكن للأم أن تسيطر على تفكير اولادها حتى وإن كانت لاتقصد ذلك؟
وهل للأبناء ومن خلال تأثرهم بما تقوله الأم وما يرونه من سوء تفاهم بغض النظر عمن هو الظالم ومن هو المظلوم أن يميلوا إلى أهل الزوجة أكثر؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,
في انتظار تدخلاتكم إخوتي الأفاضل
احترماتي لكم جميعاhttps://3andlib.xplainer.net/images/smilies/smile.gif
م/س
أتمنى ألا يكون الموضوع مكرراhttps://3andlib.xplainer.net/images/smilies/1.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك
هذه ظاهرة منتشرة و تدخل الوالدين في الحياة الزوجية لأبنائهم هي السبب
و كذلك التعصب في الرأي
عدم التضحية
الإنتقام الغبي
وفي الأخير إذا قابلنا الإسائة بالإسائة فمتى تنتهي الإسائة
لابد من التضحية لكي تمضي الحياة
__________________________________________________ __________
>>>> الرد الثاني :
السلام عليكم هي ظاهرة منتشرة بزاف وسط عائلاتنا الجزائرية و انا نلوم الام بالدرجة الاولى لانو مهما كانت علاقتها مع ام الزوج او عائلة الزوج تخليها بينها و بين روحها ماتحكمش الذراري و دخلهم في مشاكل من المفروض يكونو بعاد عليها لانو مهما يكون هاذيك جداتهم و حتا الاب يتحمل مسؤولية هذا الوضع لانو كل وحدا و عندها بلاصتها و حتى و تكون امو هي الظالمة مايخليش الزوجة تاعو دخل ولادو في الوسط.و كاين شي زوجات ربي يهديهم يقعدو يحكو لولادهم الشي الي صرا و بالتفصيل و مرات ممكن يكون كلامهم مبالغ فيه على اهل الاب و تهدر غير المليحة على اهلها و الطفل راه يشد كل كلمة و لما يولي يكبر راح يميل لعائلة الام اكثر من عائلة الاب و حتى مرات توصل بشي امهات تحرمهم من الزيارة و الاب مايقول حتى كلمة.مهما كانت الظروف و مهما كانت المشاكل بين الزوجة و اهل الزوج الذراري مادخلهم والو في وسطهم . الام الي تفهم حتا و تكون مقنوطة منهم اذا باغية تهدر ماتهدرش قدام ولادها لانو مهما يكون هذوك ماليه.انا يعجبني الي ماعلابالو لا بمالين امو و لا مالين باباه تحيا الوالدين و الخاوة و الغاشي لاخر صباح الخير تبقى على خير
__________________________________________________ __________
>>>> الرد الثالث :
مشكورييييييييييييييييييين
__________________________________________________ __________
>>>> الرد الرابع :
شكراا على الموضوع الاكثر من الرائع
الصراحة انا راني نعاني من هذا الامر بين ماما و جداتي وبسبب اني ندافع على جداتي ماما دائما تعطيني دعوة الشر مع انو والله غير ماما طيبة لكن بسبب معاملة جداتي و عماتي ليها معاملة سيئة ومعاملة زوجة عمي معاملة ولا أروع اصبحت ماما قاسية القلب نوعااا ما
__________________________________________________ __________
>>>> الرد الخامس :
وعليكم السلام ورحمة الله تعالي وبركاته
يعني حقيقة مشكل عويص في المجتمع و صحيح كاين بكثرة يعني اغلبية النساء عندهم خلافات مع كناتهم لكن كاين نساء لما يلحق المشكل الي الزوج تتوقف لانو زوجها بطبيعة الحال عامللها خط احمر عند امو فالزوجة هاذي ماتقدرش تمنع اولادها من التواصل مع جداتهم لانو الاب مايسمحش بالشيء هاذا اما الصنف الاخر كاين عرايس الله يهديهم يتحكمو في اولادهم و يمنعوهم من الذهاب الي جداتهم بحجت انو كارامتي من كرامتهم او زكارا فيها وخاصة اذا كانت الجدة هاذي متعلقة بحفيدها و امام مراي الاب تاعهم لاكن لاحياة لمن تنادي هاذا الزوج راهو تحت الرحمة نتاعها وانا راني نحكي عن حالات حقيقية انا نعرفهم و سمعت كل الكلام اللي نحكي فيه تصور تمنع اولادها من الذهاب الي جدهم او جدتهم لانو هي متخاصة معاهم و ما راحت ليهم يعني اولادها تمنعهم و تقولهم ماتروحوش لانو كرامتي من كرامتكم
وكاين خطرات الام بطريقة غير مباشرة تخلي الاولاد يحقدو علي اهل باباهم بلاما تقولهم مثلا انا ماما الله يحفظهالي كامل واش صرالها بكري راك عارف العجايز بكري كانو واعريين و كلش لكن جامي في حياتها ولا حكمتني و حكاتلي واش دارو فيها و لا واش جوزت معاهم مع انو صح يعني كانت عجوزتها اللي هي جدا الله يرحمها صعيبة بزاف معاها الشيء اللي ماسمعتوش منها حتي للان حكاوهولي ناس اخرين
يعني انا رايي الشخصي نحير واش دخل الاولاد واش ذنبهم اذا هي ماتتفاهمش مع عجوزتها تحرم الاولاد من ريحة باباهم و كل هاذا المشكل يكبر او يصغار الاكثرية بيد الرجل يعني هو يقدر يمنع هاذا الشيء كيما العكس
تقبل مروري اخي الكريم
