تناقض المرأة بين المرأة والمرأة مجتمع
عنوان الموضوع : تناقض المرأة بين المرأة والمرأة مجتمع
مقدم من طرف منتديات العندليب
السلام عليكم
لعل هذا الموضوع دائما ما يجذب المرأة في حذ ذاتها فعند ذكر كلمة الحماة اما يحدث استنفار او يحدث انقباض https://3andlib.xplainer.net/images/smilies/biggrin.gif
ما اريد طرحه ليس علاقة العروس بحماتها لانه موضوع قديم جدا والكل يعرف الردود النسوية https://3andlib.xplainer.net/images/...s/rolleyes.gif https://3andlib.xplainer.net/images/smilies/mad.gif
ما اريد التحدث عنه هو التناقض وضعية التناقض للحماة هو سؤال لطالما قمت بطرحه حتى انني قمت بطرحه على الوالدة وناقشتني فيه
لماذا الحماة تحب لبنتها مالاتحبه لكنتها يعني لماذا الحماة تحب تكون ابنتها في نعيم ونسيبها يكون رهن اشارة ابنتها وكيما نقولوا خاتم في صبعها بل الادهى والامر تشترط لابنتها السكن الخاص
في حين نفس هذه الحماة تحب ان يكون ولدها كيما نقولوا بالعامية "يحكم ويتحكم في في كل شي" ومرته ماهي الا عبدة
لايجب ان تستقل بسكنها يجب ان تعمل في بيت العائلة ليل ونهار حتى على اولادها السلفات والسلاف
وفي النهاية تقولك بنتي متتخدمش على ام زوجها ماهيش خدامة وفي نفس الوقت تحب عروستها اقل من الخادمة
وحججهم دائما راهو ولدي انا اللي كبرتوا ................انا اللي تعبت فيه......................لازم ياخد رايي انا يصرف عليا انا ....انا اللي نصرف في داره .................تبوس راسي البايرة انا اللي زوجتها وما الى ذلك من الحجج اقل ما اقول عنها سخيفة
تثير ثائتها ان رات ابنها يقوم بالمسؤولية الكاملة ..............يعني مفهمتش لازم يهمل عايلته باش ترضى الام على ما اظن
انا اعلم والكل يعلم ان للام حقوق وللزوجة حقوق واظن ايضا ان الام والزوجة مش ضراير https://3andlib.xplainer.net/images/...s/confused.gifhttps://3andlib.xplainer.net/images/...s/confused.gif والكل يعلم ان مبدأ الاسلام احب لغيرك ما تحبه لنفسك يعني ان كان هو الخير الذي تحبه لابنتها رغم انه فيه من الانانية والدونية وعلاش متحبيبهش لزوجة ابنك ام هي لقيطة التقطتموها من الشارع وابنتك ابنة الحلال
انت ايتها الحماة تخمي على نفسك وبنتك هل من الطبيعي بنتك تعمل واش انت متحبيش عروستك تعملوا؟ او هو النفاق في حذ ذاته يقولون مالايفعلون
اترك لكم الساحة للنقاش
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح تما صبتيني نخمم سبحان الله
__________________________________________________ __________
>>>> الرد الثاني :
و الله حتى العجايز انتاع هادا الوقت مايخافوش ربي لازم شهرية يمدهالها و لازم هي تخرج تحوس معاه و الله نشفى كانت تخرج هي معاه يتعشاو في المطاعم و يجيبلي كاسكروت مثل الخادمة و كي بديت نقولو لازم اديني معاكم ماشي نروح وحدي معاك فقط صرات كبيرة وووووووووووووو المهم حبيت فقط نفرغ قلبي باش نقول بكري الانسان الكبير في السن كان يمثل رمز الحنانةو العطاء و التضحية الان راكم عارفين
__________________________________________________ __________
>>>> الرد الثالث :
يحيروا تاع الصح
__________________________________________________ __________
>>>> الرد الرابع :
والله كل وحدة والفكر انتاعها انا عندي امي ربي يطول في عمرها والله ماتتدخلش في اخواني الي متزوجين بتاتا وعندي 3 اخوة متزوجين وحتى كي يحبوا يخرجو يقولوا لامي تقول ليهم عيطو لازواجكم في الهاتف والي قالوليكم راه خلاص وزيد تفضلهم علينا بصح انا اقول ان المراة الي تسكن مستقلة في بيتها تبقى عزيزة ومكرمة ومن حق المراة سكن فردي والله انا يبان لي نصف الهناء البيت المستقل لانوهي وراجلها وخلاص
__________________________________________________ __________
>>>> الرد الخامس :
صفة أنانية نابعة من حب الأم لأولادها فتحب أن ترى ابنها معها مسيطرا على الوضع و تحب لابنتها أن تعيش حرة في بيت زوجها غير مسيطر عليها من حماتها ، إلا أن هناك الكثير من الأمهات لا يتصفن بهاته الصفة إنما ترى كنتها بمثابة ابنتها و تتمنى لابنتها نفس الوضع
