نصيحة من فضلكم

عنوان الموضوع : نصيحة من فضلكم
مقدم من طرف منتديات العندليب

أنا أبلغ من العمر17سنة
أدرس 1ثانوي علمي
أعيش مع زوجة أبي وجدتي لأن أبي مطلق أمي
المهم أنا أحب قرايتي لدرجة ما تتصورهاش
لكن ظروف البيت يعلمها ربي
تقدملي ولد عمتي رجل بمعنى الكلمة
حافظ لكتاب الله محاسب صاحب دين و أخلاق عالية
لكن هناك من يقول لي
1- كملي قرايتك خير من ألف راجل
2- وكاين من يقولي روحي عرسي و كملي دراستك عند راجلك
مع العلم أني نقدر نكمل مع الحلتين الأولى و الثانية
لكن ماهو الحل راني حاسة مخي طار من التخميم
أريد حلا عاجلا من فضلكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يا ختي شوفي وش يخرج عليك ويلا شايفة روحك مكيش قادرة تقراي في داركم وولد عمتك راجل صح وعندو كلمة اتفاهم وتكملي قرايتك عندو وتزوجي واتهناي من مرت باباك ولميزيرية نتاعها

وربي يوفقك ختي رغم انك مازال صغير على الزواج بصح الظروف تكبر بن آدم قبل الوقت هذا رأيي في انتظار آراء الااخوت الاخرين

تقبلي مروري

سلاااام

__________________________________________________ __________

>>>> الرد الثاني :

مشكورة أختي على النصيحة
لكن أين بقية المنتدى
أريد رأيكم

__________________________________________________ __________

>>>> الرد الثالث :

ظرك يجيو ماتخمميش والله يعاونوك وينصحوك رانا هنا كامل خاوة وكيما لقيتهم انا في محنتي ان شاء الله تلقايهم انت ثاني

__________________________________________________ __________

>>>> الرد الرابع :

اختي العزيزة=نقلك الصراحة انو كااااامل لما كنا في هدا السن يعني صغاار كنا نقول ملقراية منحوسو على والو=هدا مبدا والله انا شخصياا كنت مامنة بيه لدرجة متتصوريهاش كنت نقول مستحيل اني راح نحبس دراستي على جال ا شي_______بصح فوالله صدقيني كتزيدي تكبري شوي برك راح يتغير تفكيرك نهائيا =رانا متخرجين ومكملين لقراية ومستعدين نببقاو فدار وزيد فهد بلاد البطالة حض قليل فلخدمة
اما بخصوصكي انتي وبضروفك
اولا=عايشة مع مرة باباك وزيد ظروف كما راكي تقولي يعلم بيها ربي
تانيا=مشاااااء الله ربي يحبك كبعثلك واحد كما هدا حافض كتاب الله وخدام لاباس عليه وزيد قلك كملي قرايتك معاه
الحل واضح وضوح الشمس===اقبلي وتزوجي فواله لمرا ما تسترها غير دار راجلها
تالتا===ماتنساايش صلاة الاستخااااااااارة وتوكلي على ربي
هدا هو رايي شخصيا ان شالله نكون فدت بيه وربي يوفقك انشالله ويسعدك ويسدد خطاكي

__________________________________________________ __________

>>>> الرد الخامس :

الاخت العزيزة كل الناس تعرف ان مستقبل المرأة في بيت زوجها ، اللي يقول كملي قرايتك خير من ألف راجل و غيرها و اخدمي و غيرها رايدلك الخير و شايف لكن الحياة الزوجية لها ألف مشكل و ممشكل ، نصيحتي لك تزوجي و أعرفي كيفاش تحافظي على زوجك ، خدمتو هي خدمتك دارو هي دارك همو هو همك ، عيشي معاه في كلش ما تخليش كلام الناس يدير بيناتكم الراجل يحوس على مرة توقف معاه تعاونو تننصحو ، إذا لقاها قافزة راه ما يسمحش فيها ، ما تخممي لا في مستقبل لا والوا كي تزوجي إذا حب يهداك تقراي راه دار فيك خير كبير ، و إذا كان مكتوبك مزير راكي تكملي و ما يهداكش تخدمي ، في الأخير ربي يوفقك و يعطيلك ما تتمناي ويبعد عليك الشر إنشا الله .