تصرفات بنت عمتي معي تم الحل

عنوان الموضوع : تصرفات بنت عمتي معي تم الحل
مقدم من طرف منتديات العندليب

السلام عليكم ،عندي بنت عمتي عمرها 29و غير متزوجة مزال نصيب ماجاش المهم هذه بنت عمتي كانت وحد الوقت مليحة معايا اتخيلو. حت ملابسي كانت تسلفهم عليا أنا كنت مانحبش و لكن مانحبش نحشمها. تلاقيت بها اليوم دارتلي وحد الجاست أنا دائماً كي ندخل عل الناس نقول سلام عليكم و ندخل مبتسمة و نسلم عل الغاشي و نسقسيهم ماعنديش عقدة نحب كي نشوف لحباب بالصح هي كي شافتني سلمت عليا مزيرة وجها أنا انخلعت و هكذاك مادرت الو في بالي و من بعد دارو الغنا و أنا ملتزمة لا اسمع الغنا و لا ارقص هي ناضت تشطح قدامي حسيتها تشطح بالغزال و الي زادت خلعتني وحدة عجوزة عمتي قالت لوالدتي استناي تزوجي بنتك طفلة وحدة و تخرجيها واش تبكي عليها الي كانو قاعدين كامل قالو إيه تشبعي بكا طفلة وحدة واش يصبركم و نطقت بنت عمتي بصوت عالي (كي طفلة وحدة كي 10بنات كامل كيف كيف )الي كانو قاعدين كامل نخلعو فيها و سكتو و هي تقولي حبت تاكلني بعينيها حت عمتي الله يهديهانشوف فيها تخزر فيا بزاف خزرات من التحت للتحت و الله دعيتلها لبنت عمتي باش تتزوج قبلي عل. بالي واش راهي تخمم لانه خطرة خطبوني ناس وبعثو معاها يسقسو هي قالتهلم بلاكو تدناو يماها حبتها تقرا و بالصح منهار كملت قرايتي او هي مبدلة و الله أنا مادرتلها والو غاضني الحال بزاف منها و رآه قريب العرس ونتلاقاو الله يديها قولولي كيفاش ندير معاها أنا عمري 23 وصغيرة عليها بالصح عمري في حياتي ماشنفت عل كاشواحد علاه دارتلي هكذاك


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يهديها

__________________________________________________ __________

>>>> الرد الثاني :

واش نقول ليك ياختي الله يهديها برك هذا الشي راه مكتوب ونصيب والناس راهي غافلة ويالخيرة في ماختار الله وماتديري والو في قلبك والف مبروك عليك.

__________________________________________________ __________

>>>> الرد الثالث :

أختي حاولي دائما تحصني روحك بالأدعية و الأذكار فان الحسد صعب و يمكن أن يفسد عليك ما تتمنيه وعاملي ابنة عمتك بكل احترام و ماديري حتى حاجة في بالك

__________________________________________________ __________

>>>> الرد الرابع :

ربي يهديها انا نقلك مدام الطفلة ويماها في زوج تصرفاتهم انورمال ربما كاش واحد قلهم بلي انتي قلتي عليهم كاش كلام وهما صدقوه ننصحك باش تصارحيهم باحساسك وتفهمي منهم لانو العمة جامي تكره بنت خوها حتى ولو انو بنتها كرهاتك

وربي يهدي الجميع

__________________________________________________ __________

>>>> الرد الخامس :

وين راه المشكل ....................انا انصحكي بعدم المباهاة امام اي فتاة اي كان فهو اساس المشاكل بين النساء واجعلي كل اموركي سر حتى في ابسط الاشياء واجعلي لسانك شاكرا لله وشاكرا للناس على كل شيء والتي ترينها تغار لا تصاحبيها دائما ..........لا تضهري السعادة المفرطة امامهم وخاصة بالقهقهة والضحك وغيرها فهذا يجعلهم يحسدونكي والمسلم لايرفع صوته لا في الكلام ولا الضحك ولا اللعب ............................استعيني بالله وتحصني بذكر الله وقراءة القرئان .........................ادعو لبنت عمك وجميع المسلمات بالخير فهي كذلك في موقف بالنسبة للبنات لا تحسد عليه فتكون نفسيتها منحطة والمنحط دائما يريد ان يظهر انه قوي بالفعل والقول ولكنه يصطنع فقط.......................واعلمي لو اجتمعت الإنس والجن على أن يضروك بشيء ، لم يضروك إلا بشيء قد كتبه الله لك
وبارك الله في زواجكي وفي اهلكي وجعلكم ذخرا للاسلام