مشاكلي لي ما تفضش مع خطيبي مشكلتي

عنوان الموضوع : مشاكلي لي ما تفضش مع خطيبي مشكلتي
مقدم من طرف منتديات العندليب

مساء الخير
حبي نطرح عليكم مشكلتي او بالاحرى مجموعة مشاكلي مع خطيبي اللي مش رايحة تخلاص
اولا انا تخطبت لانسان عشت معاه قصة حب اكثر من سنة و الحمد لله سهلت الامور و جاب دارهم
قبل فترة ما يجو يخطبو بدا يزير في معاملاتو معايا ولا ما يخلينيش نخرج وحدي و يقلي لازم تدي وحدة معاك و كي يلقاني نحكي في تلفون يتقلق و ما يحبش يفهم حتى ان كنت نحكي مع اختي ولا صحبتي
و اللي تزيد تقتلني انو خواتاتو مش حاكم فيهم و دايرين رايهم و انا دير فيا الراي
سوايع نجي نقلو شوف خواتاتك واش راهم يديرو و مبعد نولي نتعوذ من الشيطان الرجيم و نقول كل شات ملقة من عرقوبها لكن تصرفاتو تقتلني
يعني اذا من ظرك هكا مالا مور الزواج واش يصرا؟؟؟
و الادهى وا لامر انو عصبي بزااااااااااااااااااااااااااااااااااااااااااف لكن بالمقابل قلب ابيض بزاااااااااااااااااااااف
شورو عليا ربي يخليكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختى اسعيذى بالله من الشيطان الرجيم هذا خطيبك يعنى زوج المستقبل من حقوا يخاف عليك لانه ليس بالرجل الديوث

__________________________________________________ __________

>>>> الرد الثاني :

يا بنيتي راكي قلتيها بنفسك عصبي وقلب ابيض بزاف.......ماهيش مشكلة. المشكلة الحقيقية انك كنت حابة تقوليلو .كذا وكذا على خواتاتوا.برايي انت لم تفهمي خطيبك رغم معرفتك به.اذا كان صحيح ماقلته لربماهو يخاف ويغار عليك ولا يريد ان يقول عنك احد ما تقولينه الان عن اخواته.ولربما تصرفات اخواته هي السبب في عصبيته خصوصا اذا كان لايملك حق التدخل وهذا موجود في العديد من الاسر ا لوالدين يمنعون الاخوة الذكور من التدخل في البنات........وممكن اخواته ايضا يقولولو احكم في خطيبتك..خذيها نصيحة مني واعتبريها نصيحة ام لابنتها اتبعي خطيبك. حاولي الابتعاد عن ما يكره وافعلي ما يرضيه مادام لم يطلب منك المستحيل..ابدئي. اول خطوة بعدم الخروج لوحدك بما انه يكره ذلك وسيقدر لك ذلك....ا..حافظي على القلب الذي كان صادقا معك.واستغلي بياضه لترسمي اجمل واسعد لحظات وجودك بحياته ...لا تتركي الشيطان منفذا بينكما ..اسال الله ان يجمع بينكما بالخير ويرزقكما حياة هادئة ليس فيها صخب الا صخب وصراخ الاطفال هههههههه.

__________________________________________________ __________

>>>> الرد الثالث :

تصرفاتوا نقدروا نقولوا عليها طبيعية وانتي من خلالها رح تعرفي حدود تصرفاتك وتعاملاتك بحيث بطريقة غير مباشرة راه يعرفك الخطوط الحمراء و الخضراء للمستقبل
بالنسبة لخواتاتوا باباهم لي حاكم فيهم مشي هو وغدوة ازواجهم أما انتي هو للي يحكم فيك هكذا راح يكون ردوا اذا طرحتي الفكرة واياك وطرحها لأنوا راح يفهم انك متعبة وراح تعيشيه في مقارنات غير منتهية

الله الموفق

__________________________________________________ __________

>>>> الرد الرابع :

المشاركة الأصلية كتبت بواسطة هدايات26 https://3andlib.xplainer.net/images/...s/viewpost.gif يا بنيتي راكي قلتيها بنفسك عصبي وقلب ابيض بزاف.......ماهيش مشكلة. المشكلة الحقيقية انك كنت حابة تقوليلو .كذا وكذا على خواتاتوا.برايي انت لم تفهمي خطيبك رغم معرفتك به.اذا كان صحيح ماقلته لربماهو يخاف ويغار عليك ولا يريد ان يقول عنك احد ما تقولينه الان عن اخواته.ولربما تصرفات اخواته هي السبب في عصبيته خصوصا اذا كان لايملك حق التدخل وهذا موجود في العديد من الاسر ا لوالدين يمنعون الاخوة الذكور من التدخل في البنات........وممكن اخواته ايضا يقولولو احكم في خطيبتك..خذيها نصيحة مني واعتبريها نصيحة ام لابنتها اتبعي خطيبك. حاولي الابتعاد عن ما يكره وافعلي ما يرضيه مادام لم يطلب منك المستحيل..ابدئي. اول خطوة بعدم الخروج لوحدك بما انه يكره ذلك وسيقدر لك ذلك....ا..حافظي على القلب الذي كان صادقا معك.واستغلي بياضه لترسمي اجمل واسعد لحظات وجودك بحياته ...لا تتركي الشيطان منفذا بينكما ..اسال الله ان يجمع بينكما بالخير ويرزقكما حياة هادئة ليس فيها صخب الا صخب وصراخ الاطفال هههههههه.

شكرا لكي على الرد و ربي يخليك
بالنسبة لصخب الاطفال ان شاء الله ربي يلحقنا و يقدرنا

__________________________________________________ __________

>>>> الرد الخامس :

المشاركة الأصلية كتبت بواسطة karmine30 https://3andlib.xplainer.net/images/...s/viewpost.gif تصرفاتوا نقدروا نقولوا عليها طبيعية وانتي من خلالها رح تعرفي حدود تصرفاتك وتعاملاتك بحيث بطريقة غير مباشرة راه يعرفك الخطوط الحمراء و الخضراء للمستقبل بالنسبة لخواتاتوا باباهم لي حاكم فيهم مشي هو وغدوة ازواجهم أما انتي هو للي يحكم فيك هكذا راح يكون ردوا اذا طرحتي الفكرة واياك وطرحها لأنوا راح يفهم انك متعبة وراح تعيشيه في مقارنات غير منتهية الله الموفق

ربي يخليك اختي و يهنيكم
شكرا على مورك و متابعة الموضوع