احترت في امرها مشكلة

عنوان الموضوع : احترت في امرها مشكلة
مقدم من طرف منتديات العندليب

السلاام عليكم ورحمة الله وبركاااااااته
منذ مدة وانا اريد ان اطرح هذا الموضوع الذي يشغل بالي في كل يوم والحمدلله جاءتني الفرصة اليوم
هدا الموضوع واللي هو مشكلة تاع وحدة صدقية يعني تعرفت عليها غير السنة بحكم نقراو في قسم واحد وليسي وحدة والله يعلم ربي شحال حبيتها هاد الطفلة مع انو كون تشوفونا في المظهر كيما الناس تحكم تقولو حنا قاع مانتفاهموش و الحمد لله هي تمشي مع مووووووضة نتاعها وانا لالا يعني الحمد لله من ناحية لبسي نتمنا برك يكون ربي راضي عليا في لبستي اسمحولي طولت عليكم في مقدمة دوكا المشكل هو انو هادي طفلة تمشي مع واحد يعني كون تشوفوها نحسها طيبة واللي يجي يلعبها عليها والله راني خايفة عليها باسكو مبينة بلي تعلقت فيه من واحد المرة ودرنالها لعبة انا وزميلاتي كان هدفنا باه تنساه مي دخلت هي لسبيطار بسببنا حنا والله ندمت داك نهار مبصح انا حبيت تنساه ماانش قصدي باه تمرض هي اكم عارفين اللعبة قولنالها بلي راهو يتمسخر بيك ويعرف 10 اخرين كون تشوفوها كي تبدلت في داك الوقت وكااااارثة ومصيبى اكبر واللي مدخلتش راسي انا امها علابالها بيهاااااااا تخيلو ياجماعة تقعد ليالي علاجال تهدر معاه غاضني الحال امها علاه ماتنصحهاش سقسيتها الا قاتلك بعدي من هاد الشي ولالا قاتلي ماقاتلي والوا عليه والله ساعات تجيني البكية عليها حابة نخرجها من واش راها فيه تصورو تقعد تهدر معاه اليل كامل ومبعد تجينا للقسم عينيها منفخين تحكم بلاصتها وترقد ماعلابالهاش قاع بالقراية وكون تشوفوها في مواضيع زواج شااااااااااااطرة فيهم ماخلاتش وقرايتها زيرو مع تاني واش قلقني اكتر تقابلو وتروح معاه وبحكم انا هدا نعرف لفامي نتاعهم تاع غير تمسخير وتعقاب الوقت والله همي صحبتي دبرو عليا كيفا ندير معاها مانيش حابتها في اخر تندم والله حابتها تفيق لعمرهاقبل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يصلح أحوال بناتنا و يهديهم
هي عمياااء في متاهة لن تخرج منها إلاّ بكارثة ...لا قدّر الله

إن لم تستطيعي التأثير فيها إيجابيا فلا تجعليها تؤثر فيكِ سلبيا

قدّمي لها بعض المطويات التي تتكلم على
عفة الفتاة و أخلاقها و حفاظها على شرفها و سمعتها

و نسأل الله لها الهداية و العودة لطريق الصّواب



__________________________________________________ __________

>>>> الرد الثاني :

شكرا اختي على المرور والرد واسفة على التاخير في الرد انا صح ماديتلهاش مي صحباتي مدولها بزاف كتوبا مبصح ماظنيتش قراتهم حتى وهي قالتنا قريتهم وماعلاباليش

__________________________________________________ __________

>>>> الرد الثالث :

يا اختي انت ديري اللي عليك وسمطي عليها حتى تخليه وتفيق بعمرها، دوكة راها عمية ومتاكدة رايحة تفيق نهار تكتاشف حقيقته، انت بارك الله فيك وربي يحفظك زيدي كملي خيرك وربي يهديها.

__________________________________________________ __________

>>>> الرد الرابع :

شكرا اختي على المرور ونصح اني معاها انشالله تخرج على خير

__________________________________________________ __________

>>>> الرد الخامس :

اين انتم اريدكم ان تساااااااااااااااااااااااعدوني لاخرج صديقتي مما هي فيه ..............