كيفاه نقول لالا

عنوان الموضوع : كيفاه نقول لالا
مقدم من طرف منتديات العندليب

السلام عليكم

صباح الورد يا جماعة
حبيت نشاوركم و الله قريب نهبل
بون انا عندي 21 سنة و نقرا 2 اني ميدسين العام اللي فات جاني واحد فالجاميعة كان انترن يعني اخر عام ليه و يتخرج
بدا يبريزونتي في روحو وووو و سقساني اسكو مرتبطة و الا لا لا
قتلو لا و باللي انا كونتر المشية و الامور هادو كامل
قالي اوكي اعتابريني كوم امي و اخ و كشما تختاجي راني هنا
منا للعشية لقيتو عيطلي فالبورطبل ادا النيميرو تاعي من عند صاحبتي
ما لقيت ما نرد عليه هدرت معاه كلي نورمال و هكدا و ولى ساعة على ساعة يعيطلي و يسقسي عليا
مرات يقولي راني خوك و مرات يقولي كشما تعرفتي و تمشي و شكون تحبي و انا راني نغير ووو و الله قريب نهبل انا من الاول واضحة معاه نورمالمون يفهم
درك هو خلص المسيدين تاعو و راهو طبيب و انا راني 2



البارح برك عيطلي
قالي نحبك و حاب يتقدملي
كي جيت نرد عليه قالي غدوا نسمع الرد تاعك
حابةنقولو باللي مانحبوش و مش قابلة نتزوجو بلا ما نقيسو و بلا ما نخسرو
ما ما لقيتش وش نقول و وش لازم نقول

عاونوني ربي يستركم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لكن مادام اتقدم يعني كاين مؤشرات بينت له أنك موافقة عليه ، و لكن عليك التوضيح أكثر لماذا الرفض من البداية مادام يريدك في الحلال + أنه ترك لك مدة لتفكري في الأمر كونه لم يريد أن يسمع الرد مباشرة .....

و هل سألت عنه جيدا ؟؟؟؟

ربي يسهل أمورك

__________________________________________________ __________

>>>> الرد الثاني :

ولكن لماذا لم تقطعي الإتصال به من الأول لماذا بقيت بإتصال معه
أنصحك يا أختاه بأن تخبريه الحقيقة وعليه تقبلها

__________________________________________________ __________

>>>> الرد الثالث :

السلام عليكم

شوف بلا مانقولك ، بلي غلطتي كي هدرتي معاه في التفون وكان لازم من اول يوم تكوبيهالو في وجهو

نقولك

قوليلو ، يا خويا انا مازالني صغيرة ، ومانيش نخمم في هاذ الامور ، حتى نكمل قرايتي و نرجعلك

يقولك معناها نستناك

قوليلو

قتلك ما زال مانفكرش في الزواج ، نهار يجي مكتوبي ، ربي يسهل


بالتوفيق

ونمد نصيحة للبنات ، نعلمو تقولو لالا من الدربة الاولى

كلمة لالا ساهلة ، على كلمة نعم

شكرا

__________________________________________________ __________

>>>> الرد الرابع :

مرسي لي في
يعطيكم الصحة

__________________________________________________ __________

>>>> الرد الخامس :

شوفي خيتي

اذا راه عاجبك قولي ايه

و اذا ماراهش عاجبك قوليلو لالا

نورمال

نوووووووووووورمااااااااااااااااااااااااااال