هل اخطات بتصرفي..اريد راي سديد.. تم الاجابة
عنوان الموضوع : هل اخطات بتصرفي..اريد راي سديد.. تم الاجابة
مقدم من طرف منتديات العندليب
تمت خطبتي خطبة تقليدية لشخص من العائلة""اي اخته زوجة اخي كيما نقولو متبادلين النساء"" والان مجرد خطبة يعني منيش عاقدة ولا مفتحة....المهم هذ الايام بعد تحاليل طبية الطبيب اكتشف بداية لمرض مبدئيا راني ناكل دواء وقالي بعد مدة رح نحدو الحالة المرضية...انا اخفيت مرضي ولم اخبر احدا سوى امي وابي وقلت انتظر ووش رح تكون حالتي من بعد ونخمم اذا نفسخ الخطبة ولا لا....لكن امي اخبرت اخي وهو بدوره اخبر زوجته هذه الاخيرة محكاتش معاي مباشرة اتصلت بخوها""خطيبي"" وحكاتله...اتصل بيا وقالي صح منحكوش مع بعضنا لكن حاجة كيما هذي انا اول من تخبريني...مرديتش عليه التزمت الصمت وخليته حتى قفل الخط لوحده ورحت لمرت خويا كيما نقولو بالدرجة""بهدلتها"" وقلت ليها الان راكي بنتنا واسرارنا متعاوديهمش حتى ليماك...وكان اخي حاضر سمعها كي قالتلي ممكن نهدم داري على جال سعادة دارنا...زعف عليها ووصلو لكلام اكبر....
الان حسيت روحي ظلمتها وممكن انا سبب في وش ره صاريلها قلت كون سكت او حكيت بيني وبينها...
الان راني نخمم نروح ليها ونطلب منها السماح او نحكي مع اخي او ندير اي شيء نحافظ على دار خويا............ساعدوني رجاءا باراءكم...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لا ينبغي ان تكوني سببا في هدم بيت , تحدثي معها و مع اخيك و حاولي تلطيف الاجواء بينهما و تاكدي ان هذه اشارة الى تبعة هذا الزواج المختلط الذي سيعود عليكم بالمشاكل لاني شخصيا لا افضل هذا النوع من الزواج بين الاقارب وتاكدي ان امك هي المخطئة الاولى لانها من اخبرت ابنها و هي تعلم ان الرجل ثرثار لا يخفي شيئا عن زوجته و لو ضد مصلحة اخته
__________________________________________________ __________
>>>> الرد الثاني :
مانلومش مرت خوك اكيد تحب مصلحة خوك لكن حددي مرضك وزيدي نورمالمو تخبري راجلك فهمتي؟
ربي يشفيك ويعافيك خلي ثقتك بربي كبيرة واصلحي بين اخوك وزوجتو الواحد يخمم في اخرتو ماشي في الدنيا برك
__________________________________________________ __________
>>>> الرد الثالث :
المشاركة الأصلية كتبت بواسطة parma https://3andlib.xplainer.net/images/...s/viewpost.gif
لا ينبغي ان تكوني سببا في هدم بيت , تحدثي معها و مع اخيك و حاولي تلطيف الاجواء بينهما و تاكدي ان هذه اشارة الى تبعة هذا الزواج المختلط الذي سيعود عليكم بالمشاكل لاني شخصيا لا افضل هذا النوع من الزواج بين الاقارب وتاكدي ان امك هي المخطئة الاولى لانها من اخبرت ابنها و هي تعلم ان الرجل ثرثار لا يخفي شيئا عن زوجته و لو ضد مصلحة اخته |
معك حق اختي هذا وين حسيت مشاكل هذ النوع نتاع الزواج...بخصوص امي وش تحبي قالتلي محكمتش روحي قدامه
شكرا لنصحك اختي.
يا اختي سارة مرهش راجلي ""منيش مفتحة ولا عاقدة"" بالنسبة للمرض متعلق بافرازات الدماغ يصنف ضمن الامراض العصبية""
سبحانه كل حاجة بربي والحمد لله على كل شيء..
بالنسبة لمرت اخي واخي هذاك وش راني نخمم درك شيء واحد يمنعني خايفة تكون مازالت غاضبة وتنفجر عليا قلت نستناها تهدا ونكلمها...
__________________________________________________ __________
>>>> الرد الرابع :
ربي يشفيك يا أختي و لكن حبيبتي لا يجب أن تعاملي الناس بنفس المعاملة أي قابلي السيئة بالحسنة و الان راكي عارفة بلي لازم تصلحي بين خوك و زوجته لان كل هذه المشاكل كلما طولت راح تزيد و تولي عائق في علاقتك معاها... و ادا خفتي تنفجر في وجهك اتصلي بيها فالبورتابل و قولي لها راني جاية نصلح بينك و بين خويا و ربما هي تان راح تدير نفس الخطوة و هكدا تعود المياه الى مجاريها
و ربي يسهللك و يفرج عليك و يشفيك....اللهم اميـــــــــــــــــــــــــــــــــــــــــــــــ ــــــــــــــــن
__________________________________________________ __________
>>>> الرد الخامس :
أولا شيء أقول لك ربي يشفيك أختي ممكن هذا إبتلاء
أما بالنسبة لزوجة أختك نعم اطلبي منها السماح وكذالك أطلبي من أخي أن لا يلومها على ما فعلت وانك لا تحقدي عليها لأن أخيك يحس أنها هي من تسببت لك في مشكل لك لهذا هو كانت ردة فعله عصبية
ربي يصلح الأحوال
