راني تعبانة بزاف ,,, كيفاش ندير,, مشكلة
عنوان الموضوع : راني تعبانة بزاف ,,, كيفاش ندير,, مشكلة
مقدم من طرف منتديات العندليب
السلام عليكم جماعة ... https://3andlib.xplainer.net/images/smilies/mh31.gif
سبق وطرحت هذا الموضوع ... لكنني لحد الآن لم اجد قرار صائب ..
انا العام لي فات جبت الباكـ كنت حابة ندير لغة فرنسية لكن لسوء حظي عطاوني حقوق https://3andlib.xplainer.net/images/smilies/mad.gif مع العلم اني لا احبها اطلاقا ومع ذلك تقبلت الاول الواقع و درستها وخرجت عامي الاول في الجامعة وسأنتقل للسنة الثانية جامعي ,,,
رغم مرور سنة الا انني لازلت ارفضها و لست مرتاحة ... كاين اللي نصحوني نعاود الباكـ كمترشحة حرة ...
لهذا اريد ان تنصحوني وتقدموا لي معلومات ...
وش رايكم نعاود الباك هاد العام ونكمل قرايتي في الجامعة في نفس الوقت ...
ولو نجحت باذن الرحمان بمعدل مليح ,,,, وندير فرنسية ..
ما هو المعدل المطلوب للدراسة في الخارج و ماهي التخصصات الموجودة في هذا التخصص غير التعليم لأني لا احب مهنة التعليم اطلاقا .....
ديفوا نقول نعاودو وديفوا نقول بطلت و نديكوراجي و نفقد الامل ....
انا بانتظار ارائكم و نصائحكم . خاوتي .. فلا تخبلوا علي لأنني تعبت و كرهت
...
ودٍي لَـُ؛ٍـكٌـم ..... / سَـ،ٍـلآَآٍمٍـِي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم أختي الكريمة السطايفية
كذلك انا درست الحقوق في الجامعة و كنت قادرا على متابعة الدراسة ليسانس فرنسية و المعدل الخاص بي كان يتيح لي ذلك
لكن في بيتنا 2 من الاخوات مدرسات لغة انجليزية فما احببت ان اكون المدرس الثالث هههههههههه
البعضقال ان الحقوق جيدة و ما من أحد كان ينصح جيدا ، المهم انا درت حقوق و الله نيتي كانت الحصول على وظيفة في الادارة و فقط لان المحاماة و القضاء معروف الكلام فيها ..........و اصلا اكرهها
مرت الايام و تخرجت و مرت علي المسابقات الكثيرة و في آخر المطاف توظفت في ادارة
و هو مكتوب الله ، بعد التعب نلت
و الحقوق فقط تتيح المشاركة في كثير من الوظائف عكس بعض التخصصات
لكن كل و ما يحب
فقط أنت أعيدي دراسة القرار مع نفسك و اتخذي الافضل
اذا كنت قادرة باه تجيبي باك آخر و تقراي فهذا افضل و اسلم و لن تندمي
الدراسة بالخارج و غيرها لا علم لي بها
اسألي من لهم مخالطة بأمور الدراسة و الادارة في الجامعة يجاوبوك
ربي يبارك فيك و يرزقك خير الدنيا و الاخرة
ســــــــــــــــــــــــــــــــلام
__________________________________________________ __________
>>>> الرد الثاني :
ديري ترونسفار للفرنسية أنا درت فرنسية ومعدل القبول هذا العام 10
أظن أنها أفضل من الحقوق وسقسي خاطر بلاك تقدري ديري ترونسفار
__________________________________________________ __________
>>>> الرد الثالث :
يا الفحلة الباك راكي جبتيه مرة
ودخلتي الجامعة وشفتي بلي راهو مشي حاجة كبيرة
نصيحتي ليك
غير حلمك اللي ماتفرطيش فيه
اتكلي على ربي وعاودي الباك
دبري كتب وكراريس واللي تحتاجيه من مساعدة راني هنا
واللي كاتبها ربي تلحق
يااختي اللي عاودو الباك علىالمعدلات العالية جابوه عاااادي
اي حاجة لازم تتعبي فيها
ربي يوفقك
__________________________________________________ __________
>>>> الرد الرابع :
بالنسبة للفرنسية اذا ما ادخلتيش لاحدى المدارس العليا للتخصص لكي تضمني تكوين عالي ووظيفة مستقبلا فلا داعي لتغيير الشعبة اصلا ...واذا ماكانش عندك قابلية للتعليم فالحقوق افضل لك على الاقل ان تفوقتي فيها لك عذة خيارات فيها ..محاماة او قضاء او توثيق او دراسات عليا كالماجيستار وما بعدها ..ناهيك عن ان دبلوم ليسانس علوم قانونية وادارية مطلوب على راس كل مسابقات التوظيف الاداري بمختلف انواعها.
__________________________________________________ __________
>>>> الرد الخامس :
أكملي أختي دراسة الحقوق لأن فيها مجالات عدة للتوظيف و توكلي على الله، أنا كذلك كنت مثلك و الباكالوريا علمي لم أحب الحقوق لكني درستها و أكملت الماجيستير و أنا أكمل الدكتوراه و أنا الآن أدرس الحقوق، لدى أكملي و انزعي من عقلك أنك لا تحبينها و توكلي على الله،
و الله الموفق
