رأيك أيها الرجل؟؟؟؟؟؟؟؟؟ تم حل المشكلة

عنوان الموضوع : رأيك أيها الرجل؟؟؟؟؟؟؟؟؟ تم حل المشكلة
مقدم من طرف منتديات العندليب

السلام عليكم ورحمة الله وبركاته ، لن أطيل عليكم الحديث و بإختصار ، منذ عدة أشهر تعرفت علي شاب جاء للعمل بالولاية التي أسكن بها ، يعني هو من ولاية أخرى ،وطول مدة تعارفنا إلتقينا فقط لمرتين و بعدها صرنا نتكلم فقط عن طريق الهاتف ، بالنسبة لي ليس لدي تجارب سابقة ، لم أقم علاقات من قبل فهو أول رجل في حياتي ، أما هو فمن النوع الخجول ، المهم صداقتنا يسودها الإحترام المتبادل و الود ولم تتعمق بحكم أني لم أتجرأ لأحدثه عن عائلتي أو عنوان بيتنا وكلما لمح لي بشيء من هذا القبيل كنت دوما أبحث لي عن منفذ و بسرعة أغير الموضوع . ومؤخرا أصبح يلح بل يصر على التعرف علي لكي يقوم بأول خطوة يعني يطلب يدي رسميا وأني إن لم أفعل سينهي مابيننا بحكم أنه لا فائدة من هذه العلاقة إن لم تكتمل بالزواج .
لهذا أردت معرفة رأي الرجال ، فأنا ليس لدي خبرة ، ماذا يقصد بالتعرف علي ؟ هل يجب علي أن أخبره عن أفراد عائلتي كل واحد بالتفصيل ؟ أم ماذا أخبره ؟
هناك أمر آخر يحيرني و أنا جد قلقة ولا أدري ما الحل ؛أنتم يجب أن تساعدوني ؛ إذا أعطيته عنوان بيتنا فأنا جد متأكدة بأنه سوف يذهب لهناك للسؤال عني وعن عائلتي وهنا مربط الفرس ، الحي الذي نسكن فيه و لا أحد يحبنا يعني ماعندناش الزهر مع الناس لأننا حاكمين قدرنا و ماشي مداصرين الجيران ، آخدين علينا نضرة معقدين و مانهضرو حتى مع واحد ، وحنا دارنا محافضة ودايرين الحجاب ، تصورو ياإخواني وصل الأمر بوحدالجارة أنها تقعد تعس فينا شكون جا عندنا وشكون خرج ووصلت بها الوقاحة مرة أنه مرة العامل لي يحضر فاتورة الهاتف كان يدق على الباب، و خرجت له الجارة و بدات تسقسي فيه : شكون أنت؟ و علامن راك تحوس؟ ودارت له س و ج .
إذن شفتو الحالة لي رانا فيها مع هذ الجيران فمابال يجي هذ الخطاب يسأل علينا هذي sur
يكحلوله الصورة تاعنا "حسبي الله و نعم الوكيل "
قولولي كيفاه ندير راني مقلقة و خايفة نخسر هذا الشاب !!!!!!!!!!!!
أنتم الرجال ساعدوني و لقاولي الحل
من فرج على مؤمن كربة ، فرج عليه الله كربة من كرب يوم القياة .


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

من المهم أن تخبري أمك و هي تفتح الموضوع مع أبيك و يصبح الحديث بين الرجال و من المهم أن تعطي رقم الهاتف الى أبيك

__________________________________________________ __________

>>>> الرد الثاني :

هادو ما يكونو غير حكايات الجوندارم لول
شوفي راني رايحة نردلك كيما نرد لخويا ولا اختي مالا ما تتقلقيش
انتي واش داكي تتعرفي عليه و تحكي معاه في التيليفون؟مع انو عندكم حدود بصح مع الوقت راح تتجراو و تنحو الحدودي
يخي قلتي هادا اول واحد تحكي معاه,,, علاه ما خليتيش الخاصية هادي لخطيبك او زوجك,, يعني علاه ما صبرتيش حتى تتخطبي السع من بعد تهدري
و زيد السيد هادا الا ناوي صح يخطبك قوليلو: "دوك نهدر ل ماما بلي كاين واحد حاب يتقدملي و هي تقلو لبابا و روح اهدر معاه انت ديركت"
شوفي واش يقلك,, ادا وافق اللهم بارك اطيلو رقم باباك و ماتهدريش معاه حتى يجي يهدر رسميا مع الرجال
ويلا قالك خلي السع و مازال الحال اي باينة حاب يوقت برك
ربي يجيبلك لي فيه الخير اختي

__________________________________________________ __________

>>>> الرد الثالث :

سامحيني على الصراحة أختي لكن ماذا تقصدين من قولك أنك محافظة؟؟ لو كنت محافظة لما تتحدثين مع شاب أجنبي في الهاتف؟؟
ومن كلامك أفهم أنه أنت من يمطل في الموضوع لأن أول شيء كان عليك فعله هو اعطاء عنوان بيتك لمن كانت نيته صادقة حقا و ليس رقم هاتفك, و ان لم ترغبي اعطاء عنوانك فماذا تنتظرين وراء ذلك و ماهو هدفك من الحديث معه؟؟ يعني لو كانت رغبتك أنت الزواج منه حقا فعاجلا أو آجلا المفروض يزورك في المنزل أوليس كذلك؟؟

__________________________________________________ __________

>>>> الرد الرابع :

المهم السمعة مليحة
معقدين، مش معقدين، لحكايات كامل ما يهمش
مادام السمعة تاعكم مليحة و ما كانش واحد خرج طريق خلاص،
مديلو العنوان و خليه يدير الخطوة الرسمية
و ربي يجيب اللي فيه الخير

__________________________________________________ __________

>>>> الرد الخامس :

ساهلة ماهلة...
أحكيلو كيما حكيتيلنا
وأكيد رايح يتأكد بنفسو ورايح يزيد يتعلق بيك أكثر لما يعرف محافظتكم
أما إدا بقيتي تخبي عليه ويخبيعليك واشمن فائدة من هده العلاقة