عنوان الموضوع : شيء حيرني تم حل المشكلة
مقدم من طرف منتديات العندليب
السلام عليكم ورحمة الله تعالى وبركاته
الحمد لله خطبتي عن قريب بعد ما درت الشوفة وتكلموا عليا قد حكيت من قبل وقتلكم اخت عجوزتي تدخل نفسها في كل شيء هذا على الاقل ما تجلى لي من كلام والدته
مع العلم انهم نعرفوهم معريفتنا
كي حيديروا الشوفة اجلوها بسبب انه اختها لازم تحضرها ومتجيش بلا بيها قلت معليش هادي هي الاصول كانت الاخت في الخارج
والان في الخطبة قالوا هوما موعد ومبعد الام قالت لا نقدموها وانا موجدت والوا السبب كان لانه اختها رايحة تديها بنتها اللي تسكن ف يالخارج ولازم الدير الخطبة قبل السفر انا مفهمتش حاجة هوما يديروا في رايهم من الاصول تعيط لعجوزة للوالدة وتطرح عليها مبدئيا وقتاش واحنا نشوفوا امورنا يعني واش قصدها بهاد الشيء تلغي راي والديا او معنديش اهل التاريخ هي اللي تقدم وتوخر على كيفها هي واختها؟؟؟؟؟؟؟؟ كون جات ليا انا معنديش مشكل بصح هاد الشيء قلق والديا لانها ماهيش مدايرتلهم حساب ؟؟؟؟ هل تريد افتعال المشاكل ؟؟؟؟؟ انا والله حسيت بانها حابة زوجة اخرى لولدها ومعجبهاش الحال اكم تعرفوا الام كيفاش تخمم وخصوصا ان عايلتهم يحبوا يديو من بعضاهم والشيء هذا احنا نعررفوه عن عايلتهم وانا بانتلي اختها ماهي الا سبة فقط انا خايفة من المشاكل واريد ان اتمم خطبتي وزواجي بالشكل الانسب وخايفة في العرس لتجبدلنا مودا جديدة باش تأجل
المهم ما رأيكم كيف اتجنب المشاكل وراني بديت نشك بانها ماشي خالته اللي قاعدة دير هكدا وهي سبة برك مختبئة وراها والله توسوست رغم ان والدته بانتلي في الشوفة تضحك بزاف ومرحة؟
ادعيولي بالتسهيلات لاني ملقيت منقول لان تحديد التاريخ امر يشترك فيه كلا الخطيبان وكل من الآباء هكدا صرا في خطبة اختي ام انا مخطئة؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شوفي أختي كاميلا ما فهمت ومن قصتك ألى أن ناس لريحن يجوا به يخطبوك قعين يتمسخروا راني صحيح هكذ
افضل في مثل هذه المواقف أنك تتصلي بيهم أنت ولا أمك وتقوليلهم يا يجوا ويحددوا موعد ثابت والى يروحوا يضربوا ريسانهم على
حيط بنات ناس موش لعب عندهم
وربي يسهل ان شاء الله تفرج على خير
__________________________________________________ __________
>>>> الرد الثاني :
يعني تسما هي راهي تتمسخر؟؟؟؟؟؟؟؟؟؟؟؟؟؟ بصح هو التقى الوالد وقاله راني حددت الموعد انا اتكلم عن الخطيب انا قصدي امه راهي دير في المشاكل باش تفركشها
وحبيت نقولكم ياك مانيش غالطة انه التاريخ يهدروا فيه لكبار اي الوالدين ام لازم هوما اللي يحددوا دون احد راي والدين لعروسة؟
__________________________________________________ __________
>>>> الرد الثالث :
المفروض التاريخ يحدده الكبار مش سوق النساء ..يعني والدك ووالد ه ...او أخوه الاكبر اذا باباه غير موجود ...وش دخل امه وخالته وجيرانهم ؟؟؟
او ربما هاذ الخالة هي الكبيرة ويقادروها بزايد...او هي تتهرب من حضور المناسبة وعجوزتك باغية تحرجها وتغيضها بعروستهم ....احتمالات كثيرة ؟؟؟؟
__________________________________________________ __________
>>>> الرد الرابع :
يعنى اختى انتى تبنى استنتاجات عن طريق الظن لانك ببساطة غير متاكدة مما يدور فى عقلك
هناك احتمال وارد انها تكبر باختها كيما نقولو وتعتبر وجودها اساسى وهذا شئ مليح ليس بمشكل
اما كونها قربت الموعد فاحتمال ايضا انها لم تعمل حساب ان هذا الامر قد يزعج والديك
الحل فى نظرى ان كنت غير موافقة على الموعد ان تطلبى من الكبار يتفاهمو وانتهى
اما ان كنتى فقط تعتقدين ان عجوزتك المستقبلية تفتعل المشاكل فهذا مجرد ظن لا دليل عليه خاصة انك قلتى انها كانت مسرورة ومرحة ولو لم تحبك لما طرقت بابك اذن استغفرى الله فكيف لا تحبك ثم تقرب موعد الخطبة
فبدل التفكيرفى هذا فكرى فى امور ايجابية
ونقولك الف مبروك مسبقا وربى يوفقك
__________________________________________________ __________
>>>> الرد الخامس :
المشاركة الأصلية كتبت بواسطة nibrasse76 https://3andlib.xplainer.net/images/...s/viewpost.gif
المفروض التاريخ يحدده الكبار مش سوق النساء ..يعني والدك ووالد ه ...او أخوه الاكبر اذا باباه غير موجود ...وش دخل امه وخالته وجيرانهم ؟؟؟
او ربما هاذ الخالة هي الكبيرة ويقادروها بزايد...او هي تتهرب من حضور المناسبة وعجوزتك باغية تحرجها وتغيضها بعروستهم ....احتمالات كثيرة ؟؟؟؟
لقد فهمت قصدي اخي وهذا واش حابة نقول هاد الشيء بالعربية شوكا والديا صح هذا زواج وليس حلل وناقش من خلال الاراء المختلفة
