مشكلة في عملي ياريت تعطوني رأيكم تم حل المشكلة
عنوان الموضوع : مشكلة في عملي ياريت تعطوني رأيكم تم حل المشكلة
مقدم من طرف منتديات العندليب
السلام علكيم اخوتي حبيت تعطوني رأيأكم وقتراحاتكم في هذه المشكلة انا اشتغل في مديرية التجارة سكرتيرة رئيسية للمدير بدأت العمل منذ 9 اشهر المهم نهار لدخلت اول مرة للخدمة لقيت هذاك البيرو في حالة معندهم افكار يقدرو ينظمو بيها العمل وكان معرمر بالبنات يقعدو يتلموا كامل في مكتب الامانة حاولت بكل جهد وبخبرتي وبواش قريت وقدرت نقنع المدير بطرق غير مباشرة ولقيتوا هو تاني معجبوش التنظيم وطريقة العمل وكان ساكت لانه هو تاني جاء جديد بعد التعب تشوفوا كيفاش نظمت بيرويا وغيرت الف حاجة لدرجة اني احيانا نضطر نشري اشياء من عندي والمدام ليمعايا في البيرو نهار كاين و10 مالادي شوفو انا في الخدمة كامل والحمد لله يحترموني ويقدروني لاني من اليوم الاول زيرت عليهم الحالة ممعاش معايا تمسخير
انا العمل ديالي متعب بزاف من ندخل حتى نخرج خدمتي متحبش خلاص امالا المدير قلهم نشوفوا وحدة تعاونها قلهم كاين وجدة كاتبة تخدم معانا في المديرية تاني قلهم جبوها تخدم معاها كامل اعضاء لجنة متساوية الاعضاء قلولوا لالا الطفلة هذيك مش متربية متكبرة نهار تجي وتخرج وتدخل كيما تحب نهار كامل لاصقة في الرجالة صدقوني دير حوايج نتاع بنات شارع تخيلوا تجي مثلا عند واحد تقلوا وتدلعوا وتمسح على راسوا ووووو وقدام جميع العمال متحشم ما والوا وانا كل هذي الهدرة مكنتش سامعة بيها حتى نهار لخميس لعشية كيكملت الخدمة جاء المدير وقالي رانا نجيبوا فولانة وراهم قلولي عليهها وادعوا عليها قالي نجيبوها ونشوفوا ويلا لقيناها مليحة وتعاونك نقارديوها عندنا وانا واش راحة في بالكم نقلوا قتلوا ان شاء الله ليتشوفوا اولا لاني مزالي 4 اشهر ونترسم منقدرش ندير حتى بلبلة عليا تانيا خطيني مشاكل ومنحب ندخل في حتى جدل وثالثا حسب مقالي شاف سرفيس اول مرة يهدر معايا بهذيك اللهجة قالي شوفي اخدمي خدمتك ومعندك مدخلك فيها وبلاك بلاك تخالطيها ولا تتناقشي معاها بعدي عليها على قد متقدري قالي احنا هدرنالوا وقنالوا متجيبهاش عندك راهو فيها وفيها مي راكي تشوفي وزادوا لبنات خوفوني قلولي بلاك تبيني روحك زعفانة ولا ديري معاها جاست لانها قادرة تحرش عليك رجالة خارج الخدمة ويجوا يديرولك كاش حاجة راني بين نارين منقدرش نخلي خدمتي ومنقدرش تكون في بيرويا مخلوقة كيما هذه منحبش بيرويا تقلبهولي كارثة بتسرفاتها اعطوني حل كيفاش ندير كيفاش نتعامل مع وحدة كيما هذه طول قدام وجهي وخدمتي ليشقيت فيها ونظمت بيرويا وتعبت والله ربي ليشهد باش نرجعوا احسن بيرو
اسمحولي تعبتكم بمشاكل وطولت عليكم مي والله راني مخنوقة وخايفة وحايرة واش ندير دبروا عليا
https://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gif https://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gif https://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gifhttps://3andlib.xplainer.net/images/smilies/sdf.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سلام عليكم....يا ما بنات سمعت عليهم شخصيا بلي مش ملاح وفيهموفيهم لكن في الاخير طلعو ولا أطيب.نتي ماتعمريش راسك و أخدمي خدمتك وبس.أنا كانو يدرسو معايا غير لي يقولو عليهم كيما قالو على دي الطفلة وطلعو حنونات وعاقلات برك الناس مش فاهمينهم....ربي يريحك ختي.
__________________________________________________ __________
>>>> الرد الثاني :
انا شفت تصرفاتها بعيني صدقيني تحشمي حتى تفوتي قدامها وشحال من مرة تدخل لبيرويا وتهز روحها متقليش حتى سلام
__________________________________________________ __________
>>>> الرد الثالث :
يا أختي حبيت نقولك شي و أعرف انو ناس الجلفة ضدو لكن أنا وجهة نظري أنه لا يهمني أمور الشخص الخاصة به وحركاته وكذا.هي زميلتك في العمل اذا سلمت سلمي اذا لا فلا تكشري او اي شي فقط التهي بعملك.يا حبيبتي ممكن كي تشوف معاملتك الطيبة اتوب على يديك...واحد ماهو ملاك و واحد ما هو شيطان وماتخليش كلام الناس يخوفك منها مهيش وحش ونتي بعقالتك وأدبك قادرة تأثري عليها.
__________________________________________________ __________
>>>> الرد الرابع :
المشاركة الأصلية كتبت بواسطة lydia istanboul https://3andlib.xplainer.net/images/...s/viewpost.gif
يا أختي حبيت نقولك شي و أعرف انو ناس الجلفة ضدو لكن أنا وجهة نظري أنه لا يهمني أمور الشخص الخاصة به وحركاته وكذا.هي زميلتك في العمل اذا سلمت سلمي اذا لا فلا تكشري او اي شي فقط التهي بعملك.يا حبيبتي ممكن كي تشوف معاملتك الطيبة اتوب على يديك...واحد ماهو ملاك و واحد ما هو شيطان وماتخليش كلام الناس يخوفك منها مهيش وحش ونتي بعقالتك وأدبك قادرة تأثري عليها. |
بارك الله فيكي اختي انا من طبعي ميهمني حتى واحد ولا نتدخل في امور الناس ونخاف كينهدر على شخص مي تصرفاتها وواش قالولي وخوفوني بزاف لاني انا والمشاكل مش اصحاب نحب نخدم ونعيش نورمال مندخل في واحد وواحد ميدخل فيا يعطيك الصحة اختي انا من المفروض ندعي ربي وندعيلها ربي يهديها ويهدينا اجمعين شكرااااااااااا لكي
__________________________________________________ __________
>>>> الرد الخامس :
المشاركة الأصلية كتبت بواسطة ام الخير وخلاص https://3andlib.xplainer.net/images/...s/viewpost.gif
بارك الله فيكي اختي انا من طبعي ميهمني حتى واحد ولا نتدخل في امور الناس ونخاف كينهدر على شخص مي تصرفاتها وواش قالولي وخوفوني بزاف لاني انا والمشاكل مش اصحاب نحب نخدم ونعيش نورمال مندخل في واحد وواحد ميدخل فيا يعطيك الصحة اختي انا من المفروض ندعي ربي وندعيلها ربي يهديها ويهدينا اجمعين شكرااااااااااا لكي |
العفوحبيبتي وان شاء الله تحبك وتوب على يديك وتوقف معاك احسن مما توقعتي...سلام
