عاونوني رايحة نموت تم حل المشكلة

عنوان الموضوع : عاونوني رايحة نموت تم حل المشكلة
مقدم من طرف منتديات العندليب

السلام عليكم ورحمة الله وبركاته
انا مخطوبة من المفروض عرسي راهو قريب بضح وقع مشكل بيني وبين خطيبي داوسنا وعايرني وقالي كلام انا متحملتوش قلتلو بلي عييت منو وتضرفاتو عيكلي وقالي والله منزيد نعيطلك وقولي لداركم بلي خلاص بيني وبينك والكارني والتصاور قطعيهم ولا احرقيهم ولا يكفر ويطيح قولولي وش ندير حاسة روحي راح نموت راجل كيما هذا وش راح ندير معاه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لازم يهدروه معاه الرجال اختي

__________________________________________________ __________

>>>> الرد الثاني :

ربي يفرج عليكي حبيبتي وان شاء الله تكون لحظة غضب برك وترجعو
ماعندك غير ربي اتمسكي فيه وماتقلقيش روحك هذي الدنيا ولي مكتوب راح تشوفيه
صلي صلاة استخارة اذا فيه خير راح يعيطلك وتتراضاو واذا فيه الشر هذي السبة وكلشي في الدنيا مكتوب
حبيبتي هدي روحك شوي وماتحكي والو لداركم وذا راكي قريبة من امك احكيلها وحدها
وبعد اسبوع روحي ليه واحكي معاه اذا كان حاب يرجع راه يولي واذا كان قراره ماتسبيه ماتعايريه قولولي مكتوب وخليه
ربي مايتخلاش عليكي
وان شاء الله لحظة غضب برك

__________________________________________________ __________

>>>> الرد الثالث :

ما تقلقيش روحك

إن شاء الله تكون لحظات غضب و تعود المياه إلى سواقيها
ما تقولي حتى شيء لأههلك
تريّثي في أمرك

قد تكون كلمة طيّبة بينكما فاتحة خير جديدة
و تتصلّح الأمور بيناتكم

و لكن إذا علم الأهل و الكبار
يصعب الأمر أكثر
خليه يرتاح و يفكر في عقلو

و بإذن الله كل شيء يتصلّح

و بلا ما تقوليلو عييت منك
إذا قبل ما توصلي ليه سمعها منك
فماذا بعد ....

__________________________________________________ __________

>>>> الرد الرابع :

السلام عليكم اختي
حبيت نسقسيك وقولي بكل صراحة شكون الغالط وما تقوليليش هو لانو يوصل يطيح ويكفر او يسبك ويقولك الكارني احرقيه يعني إنت وصلتيه لحد كبير من الغضب وعلاه توصلو لهذي وإنتم مخطوبين يعني متزوجين واش راح يصرا سامحيني مي راكي كرهتيلو حياتو قبل ما تدخلي عندو لازم تتعلمي تساعفي وما تقوليش راجل كيما هذا واش ندير بيه خطيبك إنت تعرفيه يعني وعلاه من الاول ماكانش يقولك هكذا من راي إستناي عليه شويا حتى يروح الغضب نتاعو كان بقا هكذاك لازم يحكو الرجال معاه هذا ماكان وكان غلكت إطلبي السماح منو وكان هو غلط معليش إصبري يعرف غلطاتو لكن ننصحك محال تسبي الراجل مهما يقولك أسكتي وخليه يفرغ قلبو ولما يهدا وحدو يجي يطلب السماح موفقة


__________________________________________________ __________

>>>> الرد الخامس :

ميهدر معاه حتا واحد
هادا مش مربي اصلا كعاد يكفر
طيشي عليك و اتهناي منو ضرك خير