ما معنى هذا كلام لا أعرف ماذا أفعل أين أنتم يا ذوي خبرة ورأي السليم تم الاجابة

عنوان الموضوع : ما معنى هذا كلام لا أعرف ماذا أفعل أين أنتم يا ذوي خبرة ورأي السليم تم الاجابة
مقدم من طرف منتديات العندليب

تقدم إلي شخص يقال عنه أنه إنسان صالح وذوي أخلاق عالية رأيته لكن طلب مني أن يتكلم معي طبعا مع محارم

كانت أخته موجودة معنا هو قد وضح لأهلي في أول أنه لا يريد أن أعمل ووافقت بناءا على هذا مبدأ

لكن كلامه لم يعجبني أو يمكن أنا سأت فهمه لذا أطلب رايكم اليم ؟؟؟


قالي لي أنا لا أحب مرأة عاملة وهو يضحك بإستهزاء قلي صحابي يحكولي على محاميات يحكو في قضايا حساسة وهي تقعد تناقش وواقفة مع رجال قضايا على حساب قصدو مخلة بأداب لكن بهدف وصول إلى حل قالي عيب أنا نفضل تروح تطلب ولا تخدم هاديك خدمة أنا سكت وقتلو صح
قالي ولا هاديك لي تقعد في بيرو مع راجل من 8 حتى ل 4 راهي وباب مغلوق وتقعد معاه راهي تقعد معاه كتر من زوجها

وقال تاني هاديك لي تقول طموحاتي ما طموحاتي أنا نحترم رأيها و يضحك بإستهزاء
حسيتو مرأة ليت خدم يحتقرها ماشي يكرها
وقالي تان مرة رسول صلى الله عليه وسلم لقا واحد حامل أمو ويطوف به قال رسول أنو هذاك يدخل للنار خاطاش كان يمشي ويدعي عليها تموت قتلو لكن هذاك رسول وحي يوحى مي أحنا ملازمش نحكمو على ناس كيما أحنا ماشي من حقنا وربي عاقبنا

قالي أي شيء يصرا للعبد من عمل نفسو ربي عمرو ما يظلم أحد ونهار ربي يعاقبو يعرف أنو غلط ويتفكر لكن أحنا لي نظلمو رواحنا قتلو لكن مرات تلقا إنسان صالح مي ربي يبتليه هكذا يحبو ماشي ديما عقاب يكون


وقالي لي أان لا يهمني مظهر وجمال المهم أخلاق مع أنه هو طلب رؤيتي للمرة تانية من أهلي بحجة أنه لم يراني جيدا في مرة أولى
صراحة كي قال نحترم مرأة عاملة من خلال كلامو فهمت العكس لأنو مكانش حق عليه يقول هكذا حتى قلبي نفر منو صراحة

أنتظر تفاعلكم ورأيكم يهمني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله امرو عجيب انا نقلك الصراحة و ماتزعفيش مارتحتلوش

بصح نتي لازم تصلي استخارة و نشالله ربي يوفقك

__________________________________________________ __________

>>>> الرد الثاني :

ربما لم يحسن الكلام والوصف لكن واضح انه رجل متمسك بامور نفتقدها في رجال هذا العصر الذين يبحثون عن العاملة

__________________________________________________ __________

>>>> الرد الثالث :

يـا اخــتي بــصـراحـة حــسيـت بـكـلامـو جــرأة ..؟؟
يــقـدر يــوصل نـفـس الـفـكـرة بـطـرق مـخـتلـفة يـعـني بـرأيي كـان قـادر يـوصل الـفـكرة بـاحـتـرام اكـثـر :
قــال انا نـحـب الـمرا تـعطي وقـتـها واهـتـمامـها لـزوجـها و ولادهـا قـال انا غـيور عـلى زوجـتي بـلا ما يـخوض فـي هـذيك الـتفاصـيل كـلام الـرجال يبـق بيـن الـرجال
كـنـظرة شـخـصيـة كيـما قتـلك جــرأة زايــدة و لـهـجة الاسـتـهزاء اذا حـسـب ما فـهـمـت ...؟؟؟عـن نفـسي ما نتـقبـلـهاش
اللي نـقولـهولك خـمي مـليــح و ايــاك و ايــاك تتـسـرعي و تتـغــري بــ : يــقال خــلوق و متـديـن و و و و
الـدنـيا صـعيـبة يا اخـتي اعــرفي ويـن تحـطي رجلك ملـيـح مـليـح . . . و نأكـدلك اسـتـخيـري وادعـي و ربـي ينـورلك طــريـقك
نسـيـت نـقـلـك حـكايـة يـعاود يـشـوفك حـتى 20 مـرة عـادي مـليـحة حـتى ليـك ثبـتـي روحــك خــدمي حاســة لــمـرا اللي ما تـتـكـذبـش و ربـــــي مــــعاك


__________________________________________________ __________

>>>> الرد الرابع :

انا ثاني ماعجبنيش كان يقدر يعبرعلى رايو بطريقة ارقى بصح الحل الوحيد هو الاستخارة ربي يجيبلك لي فيه الخير يا اختي الغالية

__________________________________________________ __________

>>>> الرد الخامس :

المشاركة الأصلية كتبت بواسطة شاملة لينة https://3andlib.xplainer.net/images/...s/viewpost.gif القصة لم تثرني فهناك العديد من شاكلة هذا الرجل.... الذي استغربت له طريقة كلامك.. أقصد أسلوبك في الكتابة لا يوحي أبدا أنك عاملة ودارسة... آسفة ليس عيبا هذا لكني ذكرته متعمدة كي أضيف الملاحظة الثانية عن أسلوبك.... من الرسول هذا الذي تتحدثين عنه؟؟؟ أهو حبيبنا وقرة أعيننا ؟؟؟؟؟من ؟؟؟؟ أهو شفيعنا؟؟؟؟ من ؟؟؟ أهو سيد الخلق؟؟؟؟؟؟ هل اهتمامك بتحليل شخصية الخاطب أنساك أن تكتبي ( صلى الله عليه وسلم). وا أسفاه......... اللهم صل وسلم على الحبيب محمد

كان ممكن لو تقولي رأيك طريقة أرقى شوية بدون كلمة وا أسفاه وأنو أنا لست متعلمة ولا دارسة ختيتي كاين فرق بين وقاحة وصراحة

ربي عالم بظروف لي راني نمر بها وهذاك كان خطأ مني وأنا مرتبكة والله على ما أقول وكيل لكن أنت كنت قاسية معي من غير حتى ما تتفهمي أمر ولا تراعي شعوري حتى

الرسول صلى الله عليه وسلم لما هذاك يهود كان يحطلو قمامة نهار محطلوش راح زاروا
فكرك لو شاف خطئي راح يتصرف معايا كيما درت أنت ؟؟؟؟؟

أنا لما نبهتني للخطأ والله رحت صححتو فورا والله على ما أقول وكيل ورقيب

أنت قللت أدبك معايا كأنو أنا بلعاني درتها وتهمتني وشككتي حتى في دراستي وعلمي يعني ظنيتي فيا سوء ومع ذلك مراحش نرد عليك يمكن أنت نويتي خير لكن طريقتك كانت قاسية بزاف بزاف مكانش لي راح يقبل نصيحة بهادي طريقة صدقني من جهة تانية مراحش نكون سبب في أنو نقلقك ولا نقلل من إحترامي لك مع أنو ساهل

تعرفي علاش خاطاش كي نصحتني بغلطة صح درتها لكن والله ربي شاهد أنو من غير قصد

باش نقولك مزعفتش منك ووكلت عليك ربي نكذب خاطاش أهنتني