قولولي كيفاه ندير معاها...... مشكلتي
عنوان الموضوع : قولولي كيفاه ندير معاها...... مشكلتي
مقدم من طرف منتديات العندليب
السلام عليكم حبيتكم تنصحوني في حاجة انا نقرا في الجامعة و هاد العام نكمل انشاء الله و حكمت مذكرة تخرج مع واحدة صاحبتي و هي ماعلابالها بوالو يعني راحت تزوجت و تجي تقرا ساعة ولا زوج في كل يومين و كي نقوللها على المذكرة تبدلي الموضوع و انا كرهت و انا نخدم وحدي ماتعاوني بوالو حتى الدراهم و ماتشاركش معايا و كي نقولها تبدل الموضوع و المشكل الكبير راهي بالحمل و الولادة تاعها تطيح مع التخرج و مالقيت بيها وين انصحوني و قولولي كيفاه ندير معاها انا عييت بزاف و منحبش المشاكل وماحابيتش نهاوشها لانو خاطيني ...انتظر ردردكم و نصائحكم https://3andlib.xplainer.net/images/smilies/sdf.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اصبري حنونة كلنل مررنا بهدي مرحلة والله كل شي يفوت
__________________________________________________ __________
>>>> الرد الثاني :
السلام عليكم
الحل الوحيد هو انك تتوكلي على ربي وتكملي ما بديتي وحدك لانو ما عندك ما ديريلها خاصة ادا اسم هادي الشيرة
راه مافيشي في الادارة لانو صحبتي صرالها نفس القصة تقريبا كي كنا في اخر سنة دارت مع وحدة وتفاهمو على
كلشي كي بداو الخدمة لي معاها مرضت ايا عيات تعيطلها في التليفون والو ولات تجي تفوت الامتحانات وتروح
لدارهم ايا صحبتي اشتكات للادارة عليها قالولها ما نقدرو نديرو معاها والو خلاص الاسم تافيشا عندنا وهي راها مريضة .
__________________________________________________ __________
>>>> الرد الثالث :
السلام عليكم ورحمة الله و بركاته
اختي بما ان صاحبتك حامل يصير معها تغيرات هي تولي ما تتحملش تفسها امالا ساعفيها و بعتيلها رسالة نصية اذا ما جيش تخدم و لا تبعث العمل ديالها او تشارك في المصاريف تتكلمي مع الادارة خوفيها برك اذا صلحت اللهم بارك وادا ما دارت والو توكلي على الله خدمي وحدك كلش و حتى المصاريف احتسبي الاجر عند الله تعالى و نهار التخرج يبان لي قرى
الحين هي راهي مخلوعة وكلش جديد عليها كي تنصدم بالواقع تولي نورمال
لكن كوني لطيفة معها لان حقنا نقدرو ندوه باحترام دون مشاكل
__________________________________________________ __________
>>>> الرد الرابع :
أخطيك منها و خدمي ميموار نتاعك وحدك ، و كيما يقولو : "الشركة هلكة يا لوكان في ماكلة الطعام ".
__________________________________________________ __________
>>>> الرد الخامس :
كلشي يفوت يبقى غي الشر كمليها وربي يجازيك
هذه الدنيا تجارب نتعلم منها دروس تفيدنا
تعلمي أختي وعلمي أن الصديق وقت الضيق
