حبيت نطرح عليكم مشكلة جارتي مع زوجها ياريت تعاونوني في نصحها تم حل المشكلة
عنوان الموضوع : حبيت نطرح عليكم مشكلة جارتي مع زوجها ياريت تعاونوني في نصحها تم حل المشكلة
مقدم من طرف منتديات العندليب
حبيت نطرح عليكم مشكلة جارتي مع زوجها ياريت تعاونوني في نصحها لاني ماعرفت واش نقولها
جاتني عندها 3 ايام منهارة وتبكي قالتلي راجلي طردني مالدار وانا مازلني قاعدة درت السبة باولادي بصح الحق اني ماعندي وين نروح مرت بويا صعيبة وماراحش تقبلني ديما تقوللي اللي تطلق من راجلها تروح تكري على راسها ماتقعدش عندي
وحتى مشكلتي مع راجلي ماهيش كبيرة تداوسنا على حاجة تاع والو بصح مشكلتي الكبيرة هي انه على حاجة تاع والو يقوللي ماعجبكش الحال الباب يفوت جمل، هذا هو القماش ماعندي مانديرلك، ودايما كيماهاك حتى شكيت في روحي راني عايشة معاه في الحرام ،
بصراحة حيرتني ماعرفت واشنقولها هي نعرفها مليح انسانة طيبة ونية على روحها وحتى راجلها سمعتو مليحة في الحومة بصح يتعصب بالخف
انا اللي قدرت نقوله صبري صبري بلاك راه عنده مشاكل في الخدمة وزيد راكي حامل وين غادي تروحي
انا قلتلها هاك غير باش نصبرها بصح حز في خاطري انه اول ما يداوسي يقولها ماعجبكش الحال الباب هي ما تخرجش مالدار يرجع بعد 3 ايام ولا 4 يصالحها ويقولها انتي قلقتيني ما عرفتش واش نقول
كون جيتو بلاصتي باش تنصحوها
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اختي انصحيها متخرجش من دارها مهما يصرا وتحاول تساعف راجلها كي يكون غضبان ومع الوقت رايحة تتعود عليه وتعود تتجنب المشاكل معاه وحتى هو رايح يتبدل ان شاء الله وربي معها
__________________________________________________ __________
>>>> الرد الثاني :
ايتها الاخت الكريمة انت فاعلة خير عليك ان تكملي عملك وشجعيها بان تصبر على زوجها وتحاول دائما تجنب كل ما يسئ اليه حتى ولو كان ظالما بالصبر والطاعة والله سيتوقف عن هده المعاملة.وياتي اليوم الدي يندم فيه.
__________________________________________________ __________
>>>> الرد الثالث :
قوليلها بلي راجلها ماشي الوحيد لي يدير هاكدا كاين ناس بزاف ما يتحكموش في لسانهم كي يزعفو..ما دامو يتراجع و يندم معناها ما هوش يقصد واش قال لازم تساعفو و كي يزعف تجرب تكالميه و ما تقابلوش وتردلو الهدرة راهو يزيد كتر و توصل للطلاق لا سمح الله
__________________________________________________ __________
>>>> الرد الرابع :
السلام عليكم
و الله نصيحتي إليها
إلتزام الصمت عند غضب زوجها
فهذه أحسن وسيلة للهروب من غضب الزوج
فالنقاش معه في هذه الحالة يعتبر بالنسبة إليه عناد
نرجوا لها صلاح علاقتها الزوجية و رجوع الامور
إلى طبيعتها
جزاك الله خيرا على وقفتكي معها
السلام عليكم
__________________________________________________ __________
>>>> الرد الخامس :
اختي انصحيها متخرجش من دارها وتحاول تكسب زوجها واستفسري منها سبب المشاكل اللي تقول هي عليها تافهة ربما تنصخيها وتفهميها واش دير وربي يستر
