هااام الى كل بنات و فتيات هااام تم حل المشكلة
عنوان الموضوع : هااام الى كل بنات و فتيات هااام تم حل المشكلة
مقدم من طرف منتديات العندليب
السلام عليكم ورحمة الله وشراكم خاتي ان شاء الله تكونوا بخير
https://fbcdn-sphotos-h-a.akamaihd.n...84539553_n.jpg
ليامات هاذو لي فاتو عيطلي واحد صاحبي قالي راني محتاجك في امر ولازم نتلاقاو فحددنا موعد وتلاقينا.
حكينا قصرنا ضحكنا حتى من بعد قالي راني عيطلك باش نسقسيك على وحدة!!!!!!!
قلتلو خير ان شاء الله قالي فلانة تعرفها؟؟؟
قلتلو ايه قرات معايا في الترمينال وفي الجامعة
قالي راني باغي نتقدملها وشرايك فيها؟؟؟
واكره حاجة عندي هاذ الامور تاع الزواج والمسؤوليات لي قادريين يوصلونا لامور مايش مليحة
قتلو يا خويا وش شافت عيني ووش نعرف عليها بلي ناس ملاح وتبان عاقلة قلتلو راني جامي هدرت معاها ولا هدرت معايا بصح تبان جابدة روحها ومايش تاع تخلاط
المهم حكينا في الامر مليح حتى يرجع ويسقسيني على نفس السؤال
الي هو مشات مع واحد ولا جامي؟؟؟؟
قلتلو انا جامي شفتها مع واحد والعلم عند ربي قلتلو راني نهدرلك وش شافت عيني زدنا حكينا زاد سقساني على عام تاع الترمينال يعني حكيا عندها سنوات
زاد قالي وفي اليسي كانت تمشي ولا لا؟؟
قلتلو يا خويا الله اعلم بصح انا ماشفتهاش
فاستغربت انا لهاذ الاسئلة
ومن بعد قالي مستحيل ندي وحدة مشات مع واحد.......!!!!!
اخواني راني حطيت الموضوع هذا منها حكاية ومنها نصيحة لخواتاتي لبنات باش يعرفو الناس على واش راهي تحوس وشكون يخيرو للزواج...
باش ياخذو حذرهم ويعرفو بلي الطفلة اذا خرجت مع واحد راهي راح دير امر قادر ياثر في مستقبلها...
الباقي نكملوه ان شاء الله في الردود
ربي يسترنا ويستر اخواتنا وبناتنا ونساء المؤمنين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح هادي كاينة مي دوكا راهم يتزوجو كلي خرجت مع واحد كلي لمخرجتش و كيما يقولو الصالحون للصالحات و ربي يجيب لكل واحد على حساب قلبي
__________________________________________________ __________
>>>> الرد الثاني :
ايه عندك حق ممكن غلطة قديمة تاثر في مستقبل البنت موضوع مليح نتمنى لبنات يستفادو منو
__________________________________________________ __________
>>>> الرد الثالث :
السلام عليكم
لكن رانا نشوفو احيانا العكس واحدة نية مسكين مايعرف والو يطيح فى وحدة ...عندها سصوابق..
او العكس واحد ثعلب وما ادراك ماالثعلب وافعاله فى سرقة واكل الدجاج .....فى الاخير يقوم بالبحث عن مراة بريئة ليس لديها ادنى
سوابق لانو كما يقال سفيه قارى النقص
شكرا
__________________________________________________ __________
>>>> الرد الرابع :
ايه هدي حاجة باينة يسال عليا....ولكن مش تفاصيل حياتها من لي زادت..تارمينال.جامعة..بعد الجامعة
يسال اكييييييييد..لكن مش لدرجة يبين انو شاك فيها وهو اصلا مايعرف والو
يسال عليها....على اهلها
يخطب...واثناء لقاء شرعي يحاول يحدد بعض المفاهيم
__________________________________________________ __________
>>>> الرد الخامس :
كاينة صح مبصح ثاني لازم على بنات تسأل على راجل لي راح يخطبها ماشي تغمض عينيها برك
