جاوبوني أني غالطة أو لاااااا تم الاجابة

عنوان الموضوع : جاوبوني أني غالطة أو لاااااا تم الاجابة
مقدم من طرف منتديات العندليب

المهم إخواني أخواتي أنا مطلقة من فترة قصيرة..
كانت لعجوزتي جارة قريبة ، وكانت تدعي التقوى الله غالب زوجت بعيدة على دارنا بزآآاف ما عندي حتى واحد وعجوزتي تكره عائلتي حتى كي تعيطلها أمي تقولها أني مشغولة....
هذي الجارة كانت تجي بزاف عند عجوزتي وزعمة تنصحني وتوريلي.. المهم واحد النهار عجوزتي عيطتلي في الهاتف وقالتلي أنا وليدي حاب إيطلقك لازم تشوفي حل على روحك.؛ المهم دارتلي صدمة وبديت نبكي حتى وليت ما نشوفش الطريق ما لقيت حتى واحد رحت عند هذيك الجارة نبكي وقلتلها راكي ديما تقوليلي أنتي بنتي على وجه ربي عايطي لراجلي تكلمي معاه وقوليلو يصبر شوية ربي إيفرج.. ربي شاهد علي..
تروح هذي الجارة عند عجوزتي قالتلها صابرة جات عندي وسبتك أنتي وولدك والله تصدمت نوكل عليها ربي.. واش رايكم؟؟؟
نطلب ربي يكشفها عاجلا غير آجل...


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي
إنت درت النية وإعتبرتيها من أهلك لانو اهلك بعاد عليك درت حسن النية فوضي امرك لربي واللي لحقك ربي وكيلو ماكانش حق عليها تهدر في غيابك وتزيد الطين بلة لو حتى فرضا من زعاف كاش ما قلت ماكانش حق عليها من المفروض تحكي معاهم وتهدي النفوس وترجعك لبيتك ويا سعد من جمع زوجين وكلي ربي وخليها شكرا


__________________________________________________ __________

>>>> الرد الثاني :

المشاركة الأصلية كتبت بواسطة مريم الصابرة https://3andlib.xplainer.net/images/...s/viewpost.gif السلام عليكم اختي إنت درت النية وإعتبرتيها من أهلك لانو اهلك بعاد عليك درت حسن النية فوضي امرك لربي واللي لحقك ربي وكيلو ماكانش حق عليها تهدر في غيابك وتزيد الطين بلة لو حتى فرضا من زعاف كاش ما قلت ماكانش حق عليها من المفروض تحكي معاهم وتهدي النفوس وترجعك لبيتك ويا سعد من جمع زوجين وكلي ربي وخليها شكرا

سلام أختي مريم..
الله شاهد علي والله ما قلت كلمة رحت نبكي في حالة يرثى لها قلتلها تكلمي مع راجلي وماتقوليش أني جيتكك، هي تم تم راحت تجري وكذبت علي وهي عجوز كبيرة كنت نتلاقاها ديما تقلي أمك بعيدة أني حاسة بيك.. نوكل عليها ربي نوكل عليها ربي غدرتني ربي يغدرها وزادت الفجوة بيناتنا.

__________________________________________________ __________

>>>> الرد الثالث :

يا ختي لحمي شوك و انا نقرا فالموضوع نتاعك سبحان الله الناس ولوا يخيطوا اي بلكحل و واحد ما يشهد شهادة حق

ياك الرسول صلى الله عليه و سلم قال من كان يؤمن بالله و اليوم الاخر فليقل خيرا او ليصمت .

الناس مابقى عندهم لا رحمة و لا شفقة و لا ضمير يحسوا بيه

وكلي ربي و ادعيه في الثلث الاخير من الليل

فرج الله كربك

__________________________________________________ __________

>>>> الرد الرابع :

وكلي عليها ربي

و بالاكي تزيدي ديري ثقة في الناس يا اختي رجعنا عايشين في غابة

خوك و لا اختك و قادرين يغدرو بيك فما بالك البراني

ربي يفرج عليك يا اختي

__________________________________________________ __________

>>>> الرد الخامس :

المشاركة الأصلية كتبت بواسطة blonda https://3andlib.xplainer.net/images/...s/viewpost.gif يا ختي لحمي شوك و انا نقرا فالموضوع نتاعك سبحان الله الناس ولوا يخيطوا اي بلكحل و واحد ما يشهد شهادة حق ياك الرسول صلى الله عليه و سلم قال من كان يؤمن بالله و اليوم الاخر فليقل خيرا او ليصمت . الناس مابقى عندهم لا رحمة و لا شفقة و لا ضمير يحسوا بيه وكلي ربي و ادعيه في الثلث الاخير من الليل فرج الله كربك

واش تحبي أختي نوكل عليها ربي إن شاء الله حقي يخرج عاجلا غير آجل