عنوان الموضوع : الاختيار الزوجة مشكلة
مقدم من طرف منتديات العندليب
السلام عليكم ورحمة الله وبركاته.
الى الاخوة والأخوات راني باغي نعرف رايكم في الزواج بشخص من ولاية اخرى ؟
باش تفهموني مليح أنا من الغرب الجزائري وعندي قريب ليا يسكن في مدينة البليدة زرته مرات عديدة وعجبتني المدينة وأهلها . وأنا راني باغي نتزوج وخممت باش نديها من البليدة وقلت لقريبي شوفلي كاش بنت نخطبها هو راه متردد وقالي نتا خير وحدك .وانا مانعرفش حتا وحدا ,غير أني في خاطري ندي وحدة بليدية.
واش تنصحوني ؟ مع أنو قالولي البليديين مايبغوش البراني ! كاين منها؟ ادا كاش اخوة او أخوات من مدينة البليدة يجاوبوني. والى كل الأعضاء سلبيات واجابيات الزواج من مناطق مختلفة ؟ بارك الله فيكم وأرجوا دعاء لي بتيسير الزواج وأن ربي سبحانه وتعالى يرزقني الزوجة الصالحة.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم
من حقك تتزوّج من أيّ منطقة من الوطن فكلّنا جزائريّون وراح تلقى بليديّة تقبل بيك .
أعرف الكثير من البليدييّات تزوجن خارج البليدة منهنّ السعيدات ومنهن التعيسات على حسب احتواء زوجها وأهل زوجها لها .
منهن من جاءت لمنطقتنا ولم تتأقلم لا من حيث العادات ولا من حيث العقليات ففي كل مكان الطيب والشرير أليس كذلك؟
ومنهنّ الملتزمات بالدين حقيقة نجحن في التأقلم والتكيّف في المناطق الأخرى بشكل كبير لذلك أنصحك بالبحث عن ذات الدين أوّلا بعدها المعايير الأخرى
حقق الله مبتغاك وأسعدك
__________________________________________________ __________
>>>> الرد الثاني :
السلام عليكم في الزوج لا تحدد الولاية او المنطقة بقدر ماتحدد الاخلاق والدين وحتي الجمال والموجود في كل مناطق الوطن تحديد المناطق يكون في السيارات مثل البحث عن سيارة ألمانيا لان خصائصها معروفة وفق لمعايير محدد بالتوفيق
__________________________________________________ __________
>>>> الرد الثالث :
ان شاء الله ربي يسرلك امرك
__________________________________________________ __________
>>>> الرد الرابع :
ان شاء الله ربي يسرلك الامور
لا ماكانش منهاا نتاع البراني الصح في الخلاق والتربية .....والدتي بليدية
++
بالنسبة للزواج من منطقة اخرى غير منطقتك وبعيدة كل عائلة ونظرتها للامر يعني كاين لي ما يهمهمش ويتزوجو عادي
ويتأقلمو مع المكان الجديد
وكاين عائلات لا تفضل ان تزوج بناتها للبعيد يعني على حساب العائلة كيفاش
لكن يبقى امامك امر...مهم اللي هو كيفية اختيار الزوجة التي تناسبك هذا ماكان
__________________________________________________ __________
>>>> الرد الخامس :
انا من رأيي كل واحد يدي من منطقتو انجح و احسن
و طبعا الاستخااااااااااااارة و حسن الاختيااااااااار
و الله هو الموفق و المستعااااااااااان
