نحتاجكم اجيبوني عاجل بارك الله فيكم تم الحل
عنوان الموضوع : نحتاجكم اجيبوني عاجل بارك الله فيكم تم الحل
مقدم من طرف منتديات العندليب
السلام عليكم اخوتي والله انا في حيرة كبيرة انا فتاة عندي 26 سنة يعني في سن الزواج تقدملي ابن عمتي والله هو انسان طيب لباس بيه لكن المشكلة اني مكستحيل نتوقعها ما عندي حتي ميل اتجاه نتخيلو كي خويا راني مخنوقة ما قدرتش قلتلهم لا لا درك الاب نتاعي يلومني قالي تبقاي هكا واكي كبرتي..........وانا ما نيش خلاص حابة خلاص وعمتي تغشت......انا خايفة من ربي هل عندي الحق نرفض وهو عبد صالح بلا سبة الا لاني ما رتحتش ما نقدرش خلاص نتقبلها مستحيل وخوفني الاب تاعي اكي كبرتي بلاك ما يزودوش يجيو يخطبوك..... انا عندي امنيات طموحات في زوج المستقبل انا نتمنا ويبقي الامر كله في يد الله هذا ولد عمتي راني مخنوقة لا نقبل تحتمت وخلاص اني مشوشة.توسوست بارك الله فيكم اعطيوني رايكم وهل نقبل وانا مش فرحانة اني درت استخارة بارك الله فيكم اعطوني رايكم بمجرد التفكير نتخنق وكفاه رايحين نديرو مع عمتي الى تغشت...وانا في 26 سنة لكن جيتو في بلاصتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اثبتي وصمّمي على رأيك ولا تختنقي ولا تغتمّي
وانتظري نصيبك سيأتيك ولن ياخذه منك احد
ردّ يالك تتزوجي به من أجل إرضاء أيّ أحد لأنك الوحيدة التي ستدفع الثمن غالي وربما تطلقين لاا قدر الله
أسعدك الله ولا تنسي انت لست كبيرة لا تقلقي
__________________________________________________ __________
>>>> الرد الثاني :
شوفى اختى هذه نصيحة اخت لاختها
امر الزواج ليس لعبة القرار الى تخذتيه راه صائب واحسن مافعلتى
يعنى اليوم خير من غدوة تولى فى الطلاق لا قدر الله
اما بخصوص عمتك فهميها بلعقل
واما بخصوص ابوك الى قالك كبرتى ومايزيدوش يجوك الخطابة فهو غالط فى حسابو لانو هذا راه مكتوب ربى
وكل واحد ربى الى يرزقو
وكيما يقولو مكتوب حد ما يديه حد
انشاء الله يرزقك ربى بواش تتمناي اصبرى واحتسبى
وانتى ماعندك حتى ذنب عند ربى
__________________________________________________ __________
>>>> الرد الثالث :
عمتك تغضب أيامات وترجع خممي في نفسك فقط لأن الأمر يتعلق بحياتك ومستقبلك
ربي يفتح عليك
__________________________________________________ __________
>>>> الرد الرابع :
نقولك استخيري وعاودي وعاودي حتى ربي يفرجها عليك واذا راكي خلاص مقتنعة بلي ماكيش قابلة فعليك بالالتزام بقرارك رغم كل الضغوطات خير من تعيشي حياتك كاملة ندمانة .
__________________________________________________ __________
>>>> الرد الخامس :
ماراكيش غالطة و الزواج مش بالغصب و قلبك دليلك و نصيبك حيجيلك
