اريد النصيحة مشكلتي

عنوان الموضوع : اريد النصيحة مشكلتي
مقدم من طرف منتديات العندليب

السلام عليكم،اتمنى ان تساعدوني في مشكلتي هذه،انا عاقدة بصح مازلت مادخلتش و زوجي من النوع الي إذا ضايقو شئ مايحكيليش إلا بعد ايام،وانا منحملش نبقى نطلع ونهبط.انا عكسو نطلع لي عندي ونقعد، هاد الحكاية تبانلكم تافهة بصح راهي تديرونجيني ياسر،احيانا نقول بالاك كي نولي معاه في دار واحدة نقدر نحلها.من فظلكم تجاوبوني علخاتر رايكم يهمني.شكرا مسبقاhttps://3andlib.xplainer.net/images/smilies/sdf.gif


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكلة ......................نتمنى يفيدوك ااعضاء لي عدهم تجربة

__________________________________________________ __________

>>>> الرد الثاني :

atamana dalik machkoura okhti

__________________________________________________ __________

>>>> الرد الثالث :

اااااااااااااااااايه يا اختي كاين رجال عايشين سنين مع نسااهم و ما يحكولهم وااالو

انت ماازال ما دخلتي دارو كي تتزوجو بربي يمكن تتغير الحالة و يولي يحكيلك كلش ايلا القاك تفهميه و ما تخرجي الهدرة لفلانة و علانة هههه لانو راح ايجربك و يشوف و الا القا سرو منشور هاو وجهي ايلا زتي سمعتي حاجة هههه

المهم الان افرحي بهد الفترة و خلي الامور تجي وحدها ما تزربي و مبررررررررررررررروك

__________________________________________________ __________

>>>> الرد الرابع :

السلام عليكم اختي
وإنت علاه لازم تعرفي كل شي كاين نوع من الرجال ما يحبوش يهدرو لأنو لما يشوفك ملّحة ممكن راح تولي في مشاكل معاه كل طالعة وهابطة تسقسيه خليه وحدو يحكي إنت سقسي مرة وإهتمي به لكن هذا لما تكوني في دارو الآن كيفاه يحكيلك ممكن مازال ما توالفتوش لدرجة يحكيلك كل شي نهار تكوني عندو وتعرفي باللي هذا طبعو ماكان لاه تحاولي تنحيه لأون خلق به سقسي مرة وإضربي النح خليه وحدو يهدا ويحكيلك
موفقة


__________________________________________________ __________

>>>> الرد الخامس :

تفاهمتي معاه على ذا الشي ولا لالا
اذا قلتيلو عليها وقالك منقدرش سكت ولا قالك نشوف اعرفي بلي هذي طبيعتو ولازمك تتعايش معاها فالرجال طباع و شخصيات
أما اذا قالك كلام ليجرح وعرفت بلي ماهيش طبيعة فيه وانما غير يكون يتطبع بيها حاولي انك تفهميه بلي راكم رايحين تبنو دار وهاك رايحة تعاني
و الاحسن انك متكبريهاش فأغلبها طبع
بالتوفيق