يرزق الله من يشاء فانظروا مشكلتي
عنوان الموضوع : يرزق الله من يشاء فانظروا مشكلتي
مقدم من طرف منتديات العندليب
السلام عليكم جميعا ...
مع انها حكاية ممكن تصرا كثير مي اللي نقراه يوميا و اللي عايشينه خلاني نكتبلكم حكاية صاحبتي خاصة البنات
الكثير في امر الزواج من الجنسين يقلك ترفضت لسبب مرضــي او شكــلي او او
مع انو لا احد ملام كلنا بشر و البشر ضعيف
احنا برك كل واحد متحسس من حاجة شايفها هو نقطة ضعف
حكاية صاحبتي كتبتها برد لكن بغيتكم الكل تقراوها و خذو الحكمة
كنت نعرفها من سنوات طويلة بالنسبة لمقياس البشر ليست جميلة مطلقا و بصرها ضعيف لدرجة ترتدي نظارات كبار و خشينة بزاف و و و
لدرجو كنا نقوللو كيفاه قادرة تخرج و تواجها خجلها و الناس
لك،ـــــــــــن
قرات و دات الباك و دارت احسن تخصص
و عالجت نظرها مي بقات مشكلة
** ليست جميلة مطلقا ** و كبرت **33 سنة **
و بدا الفراغ .. و هادي فاميلتها تزوجت و هي معلروضة و الاخرى انجبت و هي تروح تهني لكن
انها تتزوج
يا حســــــــــــراه فكرة بعيدة - و اكيد على البشر و حاشاه سبحانه ان يصعب عليه شيئ -
انا كنت قريبة ليها بزاف و نحكيو كانت تقلي امنيتها في الفرحة و بحياة عادية لكن .....
قتلها الغراغ .. بكت تعقدت لا و لا
دخلت مدرسة قرانية حفظت ما تيسر من كتاب الله عز و جل
قلبها ابيض و كبير و شحال كل كلامها تذكر الله و تحمد ربي سبحانه و تتمنى الخير ما تتصوروش
قبل ايام تقدملها شخص و برؤية شرعية تمت الموافقة
و الشخص
يعمل مع اكبر و اهم شخص احترام و جاه و مكانة بالولاية
و العرس بعد اشهر
و سبحان من اذا قال للشيئ كن فيكون
حتى هي و لاغية الفكرة من اساسها
هو لاباس بيه ماقالش نديها جميلة و تشوف و و و
ربي سبحانه جعل الرضا في قلبه و قلبها و وفق بيناتهم
و العبر اكيد راح تفهموها
و ربي يعطي كل واحد ما يتمنى
و اسفة على الاطالة
و اكيد ادعيولها يتمملها ربي بالخير و يرزقها الذرية الصالحة يا رب
سلام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي كمل مابيناتهم وزواج الدهر انشاء الله ولعقوبة لدرية الصالحة
__________________________________________________ __________
>>>> الرد الثاني :
مكاتيييييييييييب
__________________________________________________ __________
>>>> الرد الثالث :
ربي يفرحها ويعطيها على قد نيها وقلبها ان الله يمهل و لا يهمل
__________________________________________________ __________
>>>> الرد الرابع :
السلام عليكم ماشاء الله عليها بلغيها سلامي وقوليلها تدعيلي ههههههه انا اطمع الدعاء من عند الصالحات امثالها
فعلا معك حق فعلى نياتنا نرزق ساعات الواحد منا يكون منهمك بعمل معين ولا يوفق فيه رغم اجتهاده لكن بمجرد يغير نيته تنقلب الامور والعكس صحيح .
__________________________________________________ __________
>>>> الرد الخامس :
soubhanou rabi ytememelha belkhir
