قالي ألي نبغي نروحلها نحشم مانقدرش ... تم الاجابة
عنوان الموضوع : قالي ألي نبغي نروحلها نحشم مانقدرش ... تم الاجابة
مقدم من طرف منتديات العندليب
السلام عليكم ورحمة الله وبركاته
واش راكم ان شاء الله بخير
صحا عيدكم كامل
البارح واقف بتاي مع راسي فات عليا جارنا يوسف واش راك بخير لاباس كذا كذا زمان قالي كاشما تعرف مرقي مليح ؟؟
قتلو وكي العادة ألي يسقسيني على مرقي ولا يحكي على الرقية قتلو رقي روحك صلي صلاتك في وقتها وأقرا شوي قرآن ودير أذكار وبربي يتنحالك كلش
قالي لالا حاب مرقي مليح، قتلو مانعرفش علاه خير؟؟؟، قالي الطفلة ألي تعجبني ونبغي نروح نهدر معاها نلقا روحي حشمت ماقدرتش نروح
قتلو ونتا حاب ترقي وربي يشافيك وتتنحالك الحشمة ؟؟ وربي سبحانو يولي يوفقك تولي باخص وتحكي مع لبنات ؟؟
قتلو واش بيك تشيخ بينا ولا بروحك ولا بربي سبحانو وتخلطت لحكاية وبدا زعما يفهم فيا وبديت مانسمعلوش ...
المفيد على عقلية الشعب والمجتمع تاعنا والرقية ألي يمرض يقلك رقية، ألي يطيح يقلك رقية، ألي ماتصلحلوش حاجة يقلك رقية، ألي مانجحش يقلك رقية، ألي ماتخطبتش تقلك رقية، وووو
والمشكل أنو تلقاهم الصلاة مايصليوش والمصحف والله لا يهزوه بالعام العامين ويقلك رقية رقية
عندي خويا ديما الرقية الرقية العين التابعة السديسي ووو ههههه
عليها كثرو المرقين، لوكان ماجيناش نخافو ربي ونخدمو بالقرآن راني شريت gولف من الناس هاذو
يعني شاركونا بأراءكم في هاذ الظاهرة ووكتاه تشوفو بلي يلزم رقية
انا بالنسبة ليا الإنسان يرقي نفسوا وذإذا عندو مس أو سحر أو أي امر ماعليهش يستعين بمرقي ثقة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امالا حب يرقي باه يرقيها هه
جارك هايل سال عليه
__________________________________________________ __________
>>>> الرد الثاني :
لازم الرقية و التحصين بالادكار وووووووو
و يا ربي تسلك مع شعب كيما هادا....الحسد التقرعيج..ووووو
__________________________________________________ __________
>>>> الرد الثالث :
السلام عليكم عندك الحق لحفظ على الصلاة والطهارة وقليل من ورد القران لا أعتقد أنه يحتاج إلى راقي فالرب واحد و القران واحد
__________________________________________________ __________
>>>> الرد الرابع :
الله يسترنا و ايكم وسائر المومنين
__________________________________________________ __________
>>>> الرد الخامس :
هذا قل له شوف مشعوذ يديرلك حجاب يولو هم يجرو من وراك ههههههههههههه لا حول ولاقوة إلا بالله
