يارب اعطيني الصبر تم حل المشكلة
عنوان الموضوع : يارب اعطيني الصبر تم حل المشكلة
مقدم من طرف منتديات العندليب
السلام عليكم سبق وان كتبت مواضيعي معلبليش كيفاش ندير راني حيرانة وحتى سماطت عليا الحياة راني نضحك بسيح قدام راجلي باش منبينلوش اختو ما زالت احيانا تقيس في معاني وكلمات الاستفزازية والله نحب نروح نقولها كلمة ومبعد نتراجع يارب اعطيني الصبر تخيلو الميناج تاع الصباح انا نوض بكري نطيب القهوة راجلي ونهار تكون دالتي نسيق بكري بحكم اني خدامة هي دايمن الي تسيق الكوزينة مع الصباح وانا مع الليل نسيقها المهم ممكن يبان امر تافه لكن انا نضريت هي كانت تسيق الكوزينة معايا كي نكون ندير في الميناج ودورك راني نسيق بحكم الوقت ضيق باه نروح للخدمة وهي تخلي الكوزينة حتى نكمل كامل الميناج ونشف وتروح هي تسيقها تعاود ترمي ما كأنو انا مادرت والو وكامل الحالة زرزق وحتى شومبرا تاع خوها الصغير انا نكون نسنا فيها باه ترفدلو فراشو حتى ذاك تخلها حتى نكمل واش ندير تبدا تقول اه يسيقو نص تسياق ويقولو نقينا... نسكت علابالي معندي ماندير انا معندي وقت فطور نديرو قبل منروح ونوجد فطور وليدي ونقيه ونلبسلو نروح عيانا للخدمة وحتى هي كي راهي تطيب وحدها بصح طيب معايا في كويزنياغ انا شريتها تخيلو انا لي نقيها برك تخليها هكذاك واحيانا برك كي تكون طاحت فيها كاش ماكلة تمسح غير من فوق لفوق عارفتني بلي نقي موراها لخطارش نستحفظ بيها وما نحبهاش تفسد وتقول بحارعليها وحتى فريجدار والله متوشيه بحكم انو انا شريتو مع راجلي ممكن تبان للبعض انو اشياء تافهة لكم انتو واش ديرو لو كان في بلاستي تسكتو اه نسيت جاها عريس هذو ليام وصغير في لاج وما قبلتش قالت مطلق منزوجش بيه وانا منيش مقلقة على زواج
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
matkoulich rabi aatini sabr raki toutoulbi fel ibtilaa hakadha kala rassoul aalayhi salam
__________________________________________________ __________
>>>> الرد الثاني :
والله يا اختي كبري خاطرك صح تبان اشياء تافه بصح تعكر صفو الحياة الزوجية انتي اخدمي دالت وهي دير واش تحب والا اصبري حتى ديري سكنة وحدة وخلاص وكلي ربي وخليك منها عديها مريضةوراهي تهدر
__________________________________________________ __________
>>>> الرد الثالث :
لاحتلك الهدرة رجعيلها الصرف قالت تسيقي نص قوليلها كاينة ناس تطيب وماتمسحش كويزينيار
لو انا منك نهدر ديراكت انا خدامة ومنقعدش ومع وليدي خاصة لازملو عناية عجبك الحال سيقي معجبك خليني نسيق بطريقتي واللي ماعجبتوش يوريلنا الشطارة نتاعو ومكان لاه يستناني انا
والحل الانسب هو
حاولي تشريلها هدية تفرحيها وتتجنبي اذاها
اعطيهالها وحدكم وقوليلها العيد جاي بغيت نفرحك انتي كيما اختي ورانا فدار وحدة مالازمش نكملو هكا واضحكي وحضنيها سترين التغيير احسن من القلقة
__________________________________________________ __________
>>>> الرد الرابع :
اه واش قولتلي والله ما تشدها مني وانا عارفتها مليح حتى ماكلة كي نطيب حاجة مليحة نحط طبسي زيادة والله ماتكلها وتقولي كادو من قبل كونا نتهادرو ونشريلها ومع تالي دارتني منيش مليحة
__________________________________________________ __________
>>>> الرد الخامس :
الصمت هو دواء هكذا اشخاص.........
