-
القبول و الانتظار
عنوان الموضوع : القبول و الانتظار
مقدم من طرف منتديات العندليب
مشكلتي أرقتني
جا واحد يعرفوه دارنا ) بوسيط).. اخلاق و دين اهلي خلاو الامر عندي و لكن
كاين واحد في عايلتنا ماشاء الله اخلاق و دين . ماماه قالت لمرت اخي. كون وليدي يخدم نخطبهالو
و سقسيتو و قال ايه . و كانت ديما تسقسي عليا هل تخطبت و لا مازال
المهم قبل كي تقدملي الشاب
قالت مرت خويا لأمو راهم جايين يخطبوها/ شوفة برك/
قالتلها راهو ما يخدمش.. فردت زوجة اخي . غير قولي لعجوزتي علابالي رايحة تمدهالك و راني سقسيتها
و قالت قولها تتقدم على الاقل تقول تخليها لي برك. و نستناوه حتى لو طول بزاااف// رد أمي/
يماه فرحت بالخبر و قالت مدابيا.. و راني سقسيتو هذ ليمات واش قولك فيها// يعني أنا// قالها: هي طفلة تعجبني
المهم في الاخير قالت لمرت خويا: المهم ياك شوفة برك ... دوك نسقسيه و نرجعلك لخبر ...
و راحت مرت خويا لعند يماه ... باش تمدلها القندورة .. ما لفت انتباه مرت اخي انها كانت تسقسي فيها // واش عجبها
الخطيب و لا لا...// مرت خويا ردت و قالت .. هي ما قالت والو و الامر بيد باباها...
يماه قالت راني قوتلو و كان ردو:"............" و مازال ما كملتش الهدرة و دخل و لدها .. قالتها دوك نجيك و نقولك
خايفة كون ما ترجعش .. كيفاش هل مرت خويا ترجعلها ..... ام ماذا؟؟؟؟؟؟؟؟؟؟ .........
خاوتي أنا علابالي بلي هو رزييييييييين بزاااااااااف.. و متـاكدة بلي يستنا في الرد تاعي على الخطيب
// يعني على حسب واش فهمت من مرت اخي ما يحبش يكون جرة....
فهموني الله يخليكم .. مع العلم ان يمات قريبي قالت... الخطبة ساهلة و الفاتحة تانيك.. بصح مبعد هذا واش قاتلني ..
لانو ولدها ما يخدمش و راه دافع الدوسيات // مستوى امعي و ديبلومات اخرى /// ..... مع العلم ان قريبي كان خاطب
و عاقد
و فسخ كلشي .. بسبب أن خطيبتو زرباتو على العرس
و أنا من صغري أطمح باش نعيش في عائلة طيبة لاني ما نحبش المشاكل الي بين الكنة و لعجوز و نخاف منهم ...
و كل الشروط تتوفر في قريبي ... و أمي تاني حاباتو
المشكل أنا صراحة مايلة لقريبي .
و مانيش حابة نطيح كلمة قريبتي الي جابتلي الخطيب الي تقدملي مع العلم ان الخطيب عجب خاوتي و و الدي مازال
ماردش يستنى في ردي .../ مع العلم انو ماماه علابالي بيها ما طولش و تعيط
هل قبلت أم لا/ .... رد الخطيب كان بالايجاب
و أخشى ان اظلم ...
أحتاج رأيكم باارك الله فيكم .. صدقوني في حيرة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي عصفور في اليد ولا عشرة على الشجرة
مادام الي متقدملك اخلا ق ودين وتربية وزيد خدام لواش هاد التماطل كامل
ربي يقدملك الي فيه الخير
__________________________________________________ __________
>>>> الرد الثاني :
و الله يا اختي ما قدرت نفهم اصلا وش هو المشكل للاسف المسالة مكتوبة بطريقة معقدة نوعا ما المهم انا لي نعرفو هو او قريبك هو لي يتقدم لك و هو لي ينتظر الموافقة تيعك و تع اهلك ماشي العكس
__________________________________________________ __________
>>>> الرد الثالث :
الصراحة والله مافهمت مليح المهم راجل لازم يكون خدام ماشي خطبك نبعد تبقاي تسناي 100عام ربي يسهلك و ادعي ربي وانشاء الله الي فيه الخير ربي يجيبهولك
__________________________________________________ __________
>>>> الرد الرابع :
يا اختى انا رايي شوفى الانسان الى جا من الباب وجاب عائلتو ودارلك قيمة وقدر ودخل من الباب
افضل من شخص انتى تبعثيلو وتستناى ردو
وماشى مليح خطبة الاخ عى خطبة اخيه
وصلى صلاة الاستخارة
وربى يوفقك للخير
__________________________________________________ __________
>>>> الرد الخامس :
اختي واش بيك هاذا لا تجوز خطبة على خطبة
من المفروض كنت رديتي على الاول قبل ما تجيك حكاية الثاني
صلي الاستخارة وادعي وربي ان شاء الله ينورلك بصيرتك
